ᐱᒃᑯᓕᔪᒍᑦ ᑐᓴᖅᑎᑦᑎᓂᕐᒥᒃ ᒪᕐᕉᖕᓂᒃ ᓄᑖᓂᒃ ᐃᓚᐅᖃᑕᐅᓕᖅᑑᖕᓂᒃ ᐊᐅᓚᑦᑎᔨᓂᒃ ᑲᑎᒪᔨᐅᓂᕐᒧᑦ: ᕇᑦᓱ ᒪᑯHᐅᓂᐊᒃ ᐊᖅᒪ; ᔮᓇᑦ ᐳᕉᔅᑐ.

ᕇᑦᓱ ᐱᒋᐊᓕᖅᑕᖓ ᐊᕐᕌᒍᓄᑦ ᐱᖓᓱᓄᑦ ᐃᓱᓕᒃ ᐊᐅᓚᑦᑎᔨᓂᒃ ᑲᑎᒪᔨᐅᓂᕐᒧᑦ ᐃᖅᑲᓇᐃᔭᖅᑎᒧᑦ ᑭᒡᒐᖅᑐᐃᔨᐅᓗᓂ. ᑕᐃᑲᖖᒑᖅᓯᒪᔪᖅ ᕿᔪᓕᕆᔨᐅᓪᓗᓂ ᐊᒻᒪᓗ ᐱᔪᒪᑦᑎᐊᕐᖢᓂ ᐊᑦᑕᕐᓇᕐᑕᐃᓕᒪᓂᕐᒥᑦ, ᐃᖕᒥᓄᑦ ᐃᖅᑲᓇᐃᔭᖃᑎᖏᓐᓄᓪᓗ. ᐊᓱᐃᓛᒃ ᓈᒻᒪᑦᑎᐊᖅᑑᔾᔪᑎᒋᕚ ᐊᐅᓚᑦᑎᔨᓂᒃ ᑲᑎᒪᔨᐅᓂᕐᒧᑦ.

ᐋᓐᑎᐅᕆᔪᒥᖖᒑᖅᓯᒪᔪᖅ, ᕇᑦᓱ ᔭᓗᓇᐃᒥᒃ ᐊᖏᕐᕋᖃᖅᑐᖅ ᐊᕐᕌᒍᓄᑦ ᐊᕐᕕᓂᓕᖕᓄᑦ ᐊᒻᒪᓗ ᒫᓐᓇᐅᔪᖅ ᐃᓱᒪᑕᐅᔪᖅ ᔭᓗᓇᐃᒥ ᒋᐅᑦ ᓴᓇᖖᒍᐊᕐᓂᕐᒧᑦ ᒥᖅᓱᒐᓕᕆᓂᕐᒧᓪᓗ. ᓂᕆᐅᒃᑐᖅ ᐊᔾᔨᒋᖖᒋᑕᖓᓂᒃ ᖃᓅᓛᕋᓱᒋᔭᖓᓂᒃ ᐱᖃᑕᐅᕝᕕᒋᓂᐊᓕᖅᑕᖓᓄᑦ ᐊᐅᓚᑦᑎᔨᓂᒃ ᑲᑎᒪᔨᐅᓂᕐᒧᑦ. 

ᐅᐸᒍᑎᓯᒫᓪᓚᓚᐅᖅᑎᓪᓗᒍ ᓯᕗᓪᓕᖅᐹᖓᓂᒃ ᐊᐅᓚᑦᑎᔨᓂᒃ ᑲᑎᒪᔩᑦ ᑲᑎᒪᓂᖓᓂᒃ ᓯᑎᐱᕆᒥ, ᐊᒻᒪᓗ ᑐᖖᒐᓱᒃᑎᑕᐅᑦᑎᐊᕐᖢᓂ, ᕇᑦᓱ ᓂᕆᐅᒃᑐᖅ ᑭᖑᓪᓕᕐᒥ ᑲᑎᒪᓂᕐᒥᒃ ᐱᓕᕆᑦᑎᐊᕐᓂᖅᓴᐅᓗᓂ ᐃᓚᐅᖃᑕᐅᓂᐊᕋᒥ. ᖁᕕᐊᓱᒃᑐᒍᑦ ᕇᑦᓱ ᐱᓯᒪᒐᑦᑎᒍᑦ ᐊᒻᒪᓗ ᐊᔪᖖᒋᓐᓂᕆᔭᖓ ᑲᑎᒪᔨᐅᓂᕐᒧᑦ, ᐱᒻᒪᕆᐅᔪᒥᒡᓗ ᑐᓂᓯᒪᓂᕆᔭᖓ ᐊᕐᕌᒍᓂ ᐊᒡᒋᖅᑐᓂᑦ. 

ᖃᐅᔨᒋᐊᖃᑦᑕᕐᓂᐊᖅᐳᓯ ᑎᓯᐱᕆᒥ ᐱᔾᔪᑕᐅᓂᐊᖅᑐᓂᑦ ᓴᐃᕝᑎᓇᑦ ᖃᐅᔨᒃᑲᐃᔾᔪᑎᓂᒃ ᔮᓇᑦ ᐳᕉᔅᑐᒥᑦ. 

ᐃᖅᑲᓇᐃᔭᖅᑎᑦᑎᔩᑦ - ᑕᒪᓐᓇᐅᓕᕐᒥᖕᒪᑦ ᐊᕐᕌᒍ! ᓄᑖᖅ ᐃᖅᑲᓇᐃᔭᖅᑎᑦᑎᔨᒧᑦ ᓇᓪᓕᐅᒃᑯᒫᖅᑐᓄᐊᖅᑐᒃᓴᓂᑦ ᐊᑭᓕᒐᓛᒍᑎᑦ ᓯᕗᒧᒐᓱᓕᖅᑐᖅ ᑎᑎᖅᑲᒃᑯᕕᖕᓄᑦ. ᐊᕐᕌᒍᑕᒫᑦ, ᐊᐅᓚᑦᑎᔨᓂᒃ ᑲᑎᒪᔨᐅᔪᓄᑦ ᐊᒻᒪᓗ ᓇᖕᒥᓂᖅᓱᖅᑐᓂᑦ ᓇᓪᓕᐅᒃᑯᒫᓄᑦ ᐋᖅᑭᒃᓯᒪᔭᖓᑦ ᑲᒪᒋᔭᒃᓴᐅᔪᑦ ᑕᐃᒪᐃᒐᔪᒃᑐᓂ ᓇᓪᓕᐅᒃᑯᒫᖅᑐᓄᐊᖅᑐᒃᓴᓂᒃ ᐊᑭᓕᒐᓛᒍᑎᑦ ᐊᒻᒪᓗ ᓇᖕᒥᓂᖅᓱᖅᑐᓂᑦ ᐊᑭᓕᒐᓛᒍᑎᓂᑦ ᐊᑕᐅᓯᕐᒧᑦ ᖁᑦᑎᖕᓂᓕᕇᓄᑦ. ᑖᒃᑯᐊ ᐊᑐᖅᑐᑦ ᑭᖑᓪᓕᖅᐹᒥ ᑕᓪᓕᒪᐃᑦ ᐊᕐᕌᒍᓂ ᑐᒃᓯᕋᖅᑕᐅᔪᑦ ᐊᑐᖅᑕᐅᓂᑯᓂ. ᐊᓱᐃᓛᒃ, ᒥᑭᓐᓂᖅᓴᓂᑦ ᑐᒃᓯᕋᖅᑕᐅᔪᓂᑦ ᐊᑭᓂᑦ ᐊᑐᕐᓂᑰᓗᓂ ᓴᓇᒡᕕᐅᔪᖅ ᐱᖃᕐᐸᑦ, ᐊᓯᔾᔨᖅᐸᓪᓕᐊᖖᒋᓐᓂᖅᓴᐅᓗᑎᒃ ᐊᑭᓕᒐᓛᒍᑏᑦ. 

ᐊᐅᓚᑦᑎᔨᓂᒃ ᑲᑎᒪᔨᐅᔪᑦ ᑐᓴᖅᑎᑦᑎᓚᐅᖅᑐᑦ 2015 ᐊᑭᓕᒐᓛᒍᑎᓂᑦ ᐱᒋᐊᓕᓵᖅᑎᓪᓗᒍ ᓄᕕᐱᕆ. ᑲᒪᒋᔭᒃᓴᐅᔪᑦ ᑕᐃᒪᐃᒐᔪᒃᑐᓂ ᓇᓪᓕᐅᒃᑯᒫᖅᑐᓄᐊᖅᑐᒃᓴᓂᒃ ᐊᑭᓕᒐᓛᒍᑎᑦ $2.05. ᐊᕐᕌᒎᑉ ᐊᖏᓛᖑᔪᖅ ᓇᓪᓕᐅᒃᑯᒫᓅᕈᓐᓇᖅᑐᖅ ᐊᑭᓕᖅᑕᐅᕙᒃᑐᓄᑦ (YMIR), ᐊᖏᓛᖑᓪᓗᓂ ᐊᑭᖓ ᑲᑎᖅᓱᖅᑕᐅᓯᒪᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᖃᐅᔨᓴᖅᑏᑦ (WSCC) ᐊᑐᖃᑦᑕᖅᑐᑦ ᓈᓴᐅᑎᓂᒃ ᐋᖅᑭᒃᓱᐃᓂᕐᒥᒃ ᓇᓪᓕᐅᒃᑯᒫᓄᑦ ᐋᓐᓂᖅᑐᕕᓂᕐᓄᑦ ᐃᖅᑲᓇᐃᔭᖅᑎᓄᑦ ᐊᑕᐅᓯᖅ ᐊᕐᕌᒍ, ᖁᑦᑎᖕᓂᖅᓴᐅᔪᖅ 2015-ᒧᑦ $86,000,ᑕᐃᑲᖖᒐᑦ $84,200. 

ᑕᑯᓇᒍᒪᒍᕕᑦ ᐊᔾᔨᖓᓂᒃ ᐊᑭᓕᒐᓛᒍᑎᓄᑦ ᓇᓗᓇᐃᖅᓯᒪᔪᓂᑦ, ᐅᓇ  ᓇᕿᓪᓗᒍ.

ᐅᑭᐅᑭᑦᑐᑦ ᐃᖅᑲᓇᐃᔭᖅᑏᑦ ᖃᐅᔨᒪᔭᕆᐊᖃᕐᒪᑕ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᕐᑕᐃᓕᒪᓂᕐᒥᒃ, ᐊᒻᒪᓗ ᖃᓄᐃᓐᓃᑦ ᐊᑐᑳᓪᓚᒋᐊᖃᖖᒋᒻᒪᑕ. ᓄᖅᑲᖅᑎᒐᒃᓴᐅᖕᒪᑕ. ᐃᓕᓴᐃᓂᖅ ᐅᔾᔨᖅᓱᕐᓂᕐᒥᒃ ᓄᖅᑲᖅᑎᑦᑐᓐᓇᖅᑐᓂᒡᓗ ᐱᕈᖅᐸᓪᓕᐊᓕᓵᖅᑎᓪᓗᒋᑦ ᐃᑲᔫᑎᓕᒃ ᖃᐅᔨᑎᑦᑎᓂᕐᒥᒃ ᑭᖑᓪᓕᕐᒥ ᐃᓅᓂᐊᖅᑐᓄᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᓯᕗᓂᑦᑎᓐᓂ ᐃᖅᑲᓇᐃᔭᖅᑎᐅᓂᐊᖅᑐᓄᑦ ᑖᒃᑯᓂᖓ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᔪᓐᓇᐅᑎᓂᑦ ᑲᒪᒋᔭᕆᐊᖃᖅᑐᓂᒡᓗ.

ᖃᐅᔨᒋᐊᕐᓗᒍ ᐊᔪᖖᒋᑦᑐᑦ ᑲᓇᑕ ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᖅ ᐃᓚᐅᖃᑕᐅᔪᓐᓇᕐᒪᖔᖅᐱᑦ ᖁᕝᕙᓯᒋᐊᖅᑎᑦᑎᓂᕐᓂᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᐊᔪᖖᒋᑦᑐᓂᑦ ᓴᓇᔪᓕᕆᓂᕐᒥᑦ ᐱᓕᕆᔾᔪᑎᐅᕙᒃᑐᓂᓪᓗ ᐅᑭᐅᖅᑕᖅᑐᒥ ᒪᒃᑯᒃᑐᓄᑦ ᓄᓇᑦᑎᐊᒥᐊᒻᒪᓄᓇᕗᒻᒥ. 

ᐱᔪᓐᓇᕐᓂᖃᕐᓂᖅ ᐱᔪᒪᖖᒋᓐᓂᕐᒥᒃ ᐊᐅᒃᑕᔫᖅ

ᖃᐅᔨᒪᕖᑦ ᐱᔪᒪᖖᒋᑦᑐᓐᓇᖅᑐᑎᑦ ᐱᔪᒪᖖᒋᓐᓂᕐᒥᒃ ᐊᑦᑕᕐᓇᕐᑐᓂᑦ ᐃᖅᑲᓇᐃᔭᕐᓂᕐᒥᒃ? ᐊᑐᕋᔭᕈᕕᑦ ᐱᑕᖃᖅᑐᒥᑦ ᑕᐃᒪᐃᒐᔪᖖᒋᑦᑐᒥᒃ ᐊᑦᑕᕐᓇᕐᑐᒥᑦ ᐃᓕᖕᓄᑦ ᐊᓯᖕᓄᓪᓘᓐᓃᑦ, ᐱᔪᓐᓇᕐᓂᖃᖅᐳᑎᑦ ᐱᔪᒪᖖᒋᓐᓂᕐᒥᒃ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᖃᐅᔨᓴᖅᑏᑦ ᑐᓂᓯᓲᑦ ᐃᖅᑲᓇᐃᔭᖅᑎᓂᑦ ᑮᓇᐅᔭᒃᑯᕕᖕᒥᐅᑕᒥᒃ ᐊᐅᒃᑕᔫᒥᑦ ᐱᓱᒡᕕᖃᕈᓐᓇᕐᓗᑎᒃ ᐱᔪᒪᖖᒋᓐᓂᕐᒥᒃ ᐊᑦᑕᕐᓇᖅᑐᒥᒃ ᐃᖅᑲᓇᐃᔮᒥᒃ. ᐱᓯᒪᐃᓐᓇᕐᓗᒍ ᐊᐅᒃᑕᔫᖅ ᖃᐅᔨᒪᔭᐅᔾᔪᑎᒋᓂᐊᕐᕕᐅᒃ, ᐊᑦᑕᕐᓇᕐᑐᒦᓐᓇᔭᕈᕕᑦ. ᑐᒃᓯᕋᕈᒪᒍᕕᑦ ᐊᐅᒃᑕᔫᒥᑦ, ᖃᐅᔨᒋᐊᕐᓗᒍ communications@wscc.nt.ca. ᐊᑐᐃᓐᓇᐅᔪᑦ ᖃᓪᓗᓈᑎᑑᖓᓪᓗᑎᒃ, ᐅᐃᕖᑎᑐᑦ, ᐃᓄᒃᑎᑐᑦ ᐊᒻᒪ ᐃᓄᐃᓐᓇᕐᑐᑦ.  

ᑎᒥᐅᔪᑦ ᐱᓯᓂᓰᓪᓘᓐᓃᑦ ᐊᑐᑦᑎᐊᖏᑦᑐᑦ ᖃᐅᔨᔭᐅᒃᐸᑕ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᕐᒥ ᐊᒻᒪᓗ ᐊᑦᑕᕐᓇᕐᑕᐃᓕᒪᓂᕐᒧᑦ ᐊᑐᐊᒐᓂᑦ, ᐊᓄᓪᓚᒃᑎᑕᒃᓴᐅᔪᑦ ᐅᑭᐅᖅᑕᖅᑑᑉ ᒐᕙᒪᖃᕐᕕᖏᑕ ᐃᖅᑲᑐᐃᕕᖏᓐᓂ ᓄᓇᑦᑎᐊᒥ ᓄᓇᕗᒻᒥᓗ. ᑐᓴᖅᑎᑦᑎᔪᖃᕐᐸᑦ ᐸᓯᔭᒃᓴᐅᓂᐊᖅᑐᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᖃᐅᔨᓴᖅᑏᑦ ᓴᒃᑯᐃᓗᑎᒃ ᑖᔅᓱᒥᖓ ᓇᓗᓇᐃᔭᖅᓯᒪᔪᒥᑦ ᑎᒍᒥᐊᖅᑎᐅᖃᑕᐅᔪᓂᑦ, ᐱᖃᑦᑕᐅᑎᔪᓐᓇᖁᓪᓗᑕ ᐱᒻᒪᕆᐅᔪᓂᑦ ᖃᓄᐃᓐᓂᕐᓂ ᐃᓕᑦᑎᓂᕐᒥᒃ, ᐱᓯᒪᒃᖡᓐᓇᖁᓪᓗᒍ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕖᑦ ᐊᑦᑕᕐᓇᖖᒋᓪᓗᑎᒃ. ᑕᑯᓇᒍᒪᓗᒍ ᖃᓄᐃᓐᓂᕆᔭᐅᔪᕕᓃᑦ ᐱᓕᕆᐊᖑᔪᓄᑦ ᐊᑖᓂ, ᓇᕿᓪᓗᒍ ᑲᑎᓯᒪᔾᔪᑎ ᐱᑕᖃᖅᑎᑕᐅᔪᖅ.  

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᖃᐅᔨᓴᖅᑏᑦ, ᐱᓕᕆᖃᑎᒋᔭᕗᑦ ᐃᓚᐅᓪᓗᑎᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᓂᖏᑦ ᒐᕙᒪᑐᖃᒃᑯᓐᓂ ᓴᓇᔪᓕᕆᓂᕐᒧᑦ (NTFL) ᐊᒻᒪᓗ ᐅᑭᐅᖅᑕᖅᑐᒥ ᐊᑦᑕᕐᓇᕐᑕᐃᓕᒪᓂᕐᒧᑦ ᑲᑐᔾᔨᖃᑎᒌᑦ (NSA), ᐃᓕᓐᓂᐊᓚᐅᑲᒃᑎᑦᑎᓲᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᕐᑕᐃᓕᒪᓂᕐᒥᑦ ᐅᔾᔨᖅᓱᕐᓂᕐᒥᒡᓗ. ᖃᐅᔨᒪᐃᓐᓇᕈᑎᖃᕆᑦ ᐊᒡᒋᖅᑐᓂᑦ ᐃᓕᓐᓂᐊᒐᒃᓴᓂᑦ! 

ᐅᑭᐅᖅᑕᖅᑐᒥ ᐊᑦᑕᕐᓇᕐᑕᐃᓕᒪᓂᕐᒧᑦ ᑲᑐᔾᔨᖃᑎᒌᑦ - ᖃᐅᔨᒋᐊᕐᓗᒋᑦ ᐅᑭᐅᖅᑕᖅᑐᒥ ᐊᑦᑕᕐᓇᕐᑕᐃᓕᒪᓂᕐᒧᑦ ᑲᑐᔾᔨᖃᑎᒌᑦ ᑐᑭᓯᒋᐊᒃᑲᓐᓂᕈᒪᒍᕕᑦ
  

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᖃᐅᔨᓴᖅᑏᑦ - ᖃᐅᔨᒋᐊᒃᑲᓐᓂᕐᓗᑎᑦ ᐅᕙᓂ!
 

ᑖᒃᑯᐊ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᒃᑲᓐᓂᕈᒪᕕᓪᓘᓐᓃᑦ? ᖃᐅᔨᒋᐊᕐᓗᒍ ᐃᑭᐊᖅᑭᕕᕗᑦ ᐃᕐᖐᓐᓇᒃᑯᓪᓘᓐᓃᑦ ᑎᑎᕋᕐᕕᑎᒍᑦ !ᑐᓴᕐᕕᒋᔪᒪᑐᐃᓐᓇᖅᐸᑦᑎᒋᑦ!