may 2014

NAOSH HAVAINIQ

MAY 4mit-10mut, 2014

 

North American-mi Havakvikni Aanniqtailinikkut Aanniaqtailinikkullu (NAOSH) Havainiq tikiutivuq, Havaktut Aaniqtailiniqmut Akiliqhininnganullu Katimayiingit (WSCC) quviahuktitauliqtut!  Tikiutinnahuaqtangit NAOSH Havainiq ihumapkailliutigiami atan'nguyangit, havaktut, havaqatigiiktamiknik, inuitlu akhuurutininnganik aaniqtailiniq aaniaqtailiniqlu havakvikmi, aihimapluni, nunagiyamiknilu. Tamna naunaipkaitjut uumani ukiumi una Aaniqtailiniq Atuinnaqpaklugu.

   

QANURILIURUTINGA 

1997mi angmaqtiqmatjuk NAOSH Havainiq havaakhauhiq, Kaanatamiutat Inungit Aaniqtailiniqmut Pipkaitjutiniq (CSSE) havakhimmaaqtuq tikiutinnahuaqhugit hapkuninnga:

  • Angikliyuumiqlugu kangirhiutinga ikayuutinga pipkaigiami havakvini aaniaqtailiniq aaniqtailiniqlu ukunani; 

  • Naunaipkailuni havaanga tunitjutininngalu ukunanik aaniqtailiniq aaniaqtailiniqmullu ayuittiaqhimayut; unalu 

  • Ikikliyuumiqlugit havakvikmi aaniraangata aanialiraangatalu pipkaipkailuni nutaanik aaniaqtailiniq aaniqtailiniqlu hulilukaarniit ilauyumayullu  NAOSH Havainiqmi.

Naunaiqtauhimayuugaluaq Kaanatamit, Amialikamitlu, Mexico-mitlu, NAOSH Havainiq angikliyuq atauhiqmi ukiumi quviahuutautimik pipkaitjutauyuq tamainnik pitjutingit havaamut nunallaanutlu. Angitqiyauyumit nunaryuaptiknit havaktiuyumik, nanminikkuuqtumit aulapkaiyiupluni, nunallaani timiqutigiyanginnit, inuit tamaita quviahuutigiyaat NAOSH Havainiq. 

  

Pihimmaariami iniqtirutinga, NAOSH Havainiq ihariagiyuq ikayuqtauyukhaq amigaittunit ikayuqtunik akiliqhimaittumik, timiqutigiyauyunit, havaqatigiinginnit, ikayuqtullu maniitigut. WSCC talvani ittuq aulapkailihaaqmat, quviahuktugut pihimmariaptikni pitquhivut tunigiami nakuuqpiaqtunik aaniqtailiniqmik hulilukaarutinik naunaipkaigiamilu tamarmikmut Nunatsiaqmi Nunavunmilu!

 

HAVAKVINI AANIQTAILINIQ AANIAQTAILINIQMULLU ILIHAITJUT 

Piliurhimayuq 2006mi Amialikamiut Inungit Aaniqtailiniqmut Havaktinginnit, Havakvini Aaniqtailiniq aaniaqtailiniqmullu Ilihaitjut quviahuutigiyauyuq uumani ukiumi Hitammiunmi, May 7.


Naunaiyaqlugu una ublua tatqirhiutikni, puiguqtaililugulu quanaaqlutit naunaiqlugulu ikayuutit tamainnut aaniaqtailiniq aaniqtailiniqlu inuknut angilraqtittiyut igluknut aaniqhimaittumik ubluq tamaat. Havakpaktut unaguqhimaittumik qayagittuaqhutiklu taimaa aaniqtailininnga hivulliutigiyakhaq havakvikni, ilitariyauyukhaqlu aallamik pipkaitjutikmata inuuhinginni tamaita havaktut. Pipkaitjutiyuq amigaittunik ilihaitjutikhamik, ayuirhainiq, ilihimayamiknik, ayuitaminiklu pivallianiq aaniqtailiniqmut ayuittianguriami.

 

NUNALLAANI HULILUKAARUTIT

  

WSCC quviahutigiyaa NAOSH Havainiq hulilukaarutiqaqhutik tamarmikni nunallaani havakviqaqtumi. Iqalungmi itkuvit, Inuvikmi, Yalunaimiluuniit, ilauquyaffi quviahuutigiami aaniaqtailiniqmik!

 

Iqalungmi

Aullaqtipkaigiami NAOSH Havainiq quviahuutinganik Iqalungmi havakvikput pipkaitjutiniaqtut Aaniqtailiniqmut Ulapqipkainiq Qun'ngiagakhaq! Hivulliut, May 5mi, Francophone Centre-mit, havakviit ilauyut hitamanik piukhat naunairiamikni kitkut nakuutqiamik aaniqtailiniqmut ilihimayukhaq. Niripkainiaqtut 12munngaqqat, hapkunannga Ukiuqtaqtumi Nunallaangit Katimayiit Havaamut (NTFL). Inuit tamaita qainginnarialgit! Tamna Aaniqtailiniqmut Ulapqipkainiq Qun'ngiagakhaq aullaqtinniaqtut 1 munngaqqat, taimaatut quviagitjavat niqit qun'ngiaraqnilu ilauyut akiniarahuat.

   

Aippiunmi, May 6, ilaulutit WSCC havaqatiginiaqtavut Iqaluit Taiguarvinga tautuktipkaigiami aaniqtailiniqmut pihimayuq Story Time 10qaangiqqat ublaami! Ilauquyaqqut nutaqqat ukiulgit 2mit 5mut naalagiamikni  aaniqtailiniqmut pihimayuq unipkaanik, uqariamikniklu qayagittuaqtukhat aaniqnaittumik.

 

Inuvik

NAOSH Havainiq pihimmaaqniaqtuq Inuvik-mi piqarluni uuminnga Aaniqtailiniqmut Katimalutik Aippiut, May 6mi uumani Mackenzie Hiniktarviani 8munngaqqat ublaami. Ilauqatigilugit WSCC uqaqtiunahuaqlu Jim Sawkins (Inuvik Qaptiriyiitkunnit) unalu Brad Driscoll (Atan'nguyauyuq, Inuvik Kaasiliinga.) hivuliqtiuplutik uqaqtumik akhuurutautininngatigut aaniqtailiniqmut. Tupauttaqtittinahuatlu NTFL-kut, tamaita ilauyut tuniyauniaqtut ilauyut aittuhiaqmik, atingalu iliurapkaipluni taktakhamut!

 

Yalunaimi

WSCC iniqtiqniaqtut NAOSH Havainiq Yalunaimi, uumani Aaniqtailiniqmut Apqutinga, Tallimiunmi, May 9. Nuuttuq taimaa aulapkaiqmata amigaittuni ukiuni, iluani hulilukaaqniaqtut quuliqpaamut  Centre Square Mall-ngani. Pilihaaqniaqtut 11 ublaami 1 qaangiqtumut, ilauquyaqqut hitamauyut atiliuriamikni pigiamikni 6nguyunut aaniqtailiniqmut nayuganganut uuktuutigiamikni ilihimayamiknik ayuitamikniklu! Tamaita ilauyut tuniyauniaqtut WSCC aittuutimik, niruquyauyullu, niripkaiyut NTFL.

  

Atiliurniq angmaumaniaqtuq May 7mi.

 

Kaapituqatigilutalu 3munngaqqat, kaapituqtipkainahuat Ukiuqtaqtumi Aaniqtailiniqmut Katimayiingit (NSA), talvani naunaipkaqniaqtugut kitkut aki mayut  Aaniqtailiniqmut Apqutinga tunilugillu taktakhanginnik! Niripkainiaqtutlu taktakhaniklu piqarlutik. 

 

INUULRAMIIT AKINIARUT 

 

WSCC ihumagiyut mikhigumi havakvikmi aaniqturninngit aaniaqturninngillu hivuniqmi, aaniqtailiniqmut uqaqtukhat piliriami mikkautillugit nutaqqat. Tamna ihumaplugi, piqaqtugut inuulramiilluanut ihumagiyauyut  NAOSH Havainiq hulilukaarut tamarmikni avikturhimayut naunaipkaigiami aaniqtailiniqmut pitquhingit aqagup aaniaqtailiniqmut hivuliqtinginnut.

 

Kalayunik Akimanahuarniq

Ilauquyaqqut nutaqqat sikuulihaaqtumit ilihaqtunut 6mi ilaugiamikni WSCC-kut atauhiqmi ukiumi Kalayunik Akimanahuarniqmi! Kitumik piumayamiknik hitamanik kalayakhamiknik uuktuutilgit (nirivikmi, sikuurvikmi, qaptiriyiitkunni, igluminilu), akhuuquyaqqut inuulramiit atuqlugit ihumaliuqtamiknik ilihimayamikniklu kalainnaqhimaittumik piksanik, kihimi ilitarilugitlu qayangnautingit. 

 

Umikvikhaa May 14.  Tunivaktugut taktakhanik ilihaqtumut tamarmiknit ilauyut ilihairutinginnit, aatjikutaaniklu taktakhaq sikuurvinganut taiguaqvinganutluuniit tuniyut akimatjutauyunik. 

 

Facebook-kut Uuktuut 

Hiamitiqtailiungittuq; Facebook akhuraaluk atuqtitjutauyuq uqariami, tahapkunalluanut Ukiuqtaqtmi inuulramiinut.  Taimaa aallanut uqariami qanuqtut ihumagiyanginnik, unipkaanik, piksanginniklu. Uvaptiknut, atuqtauninnga ikayuriami ayuirhapkaiyuq, pipkaigiami, nunakputlu qayangnaittumik nayuqviugiami.

 

Aturiami Facebook-mik ingilrutauyuq aaniqtailiniqmut naunaipkainiq, uuktuquyaqqut inuulramiit ukiulgit 13mit-25mut aatlanut naunaipkaigiami aaniqtailiniqmut uuktuutit unipkanginniklu, naunaipkairiaptiknilu huuq aaniqtailiniq akhuurutauyuq!

 

Umikvikhaa ulauyumayunut uuminnga uuktuutimik May 14. Aittuqniaqtugut taktakhanik kitumut titiraqluaqtuq piqaqtumik ilauniqmik.

  

Aaniqtailiniq Atuinnaqpaklugu

Naunaipkairiami akhuurutinga aaniqnaittumik ulapqiniq inuuhiqni tigumiaqtallu NAOSH Havainiq naunaipkaitjutinga, Aaniqtailiniq Atuinnaqpaklugu, atuqlugu CSSE-kut naunaitkutinga uuktuutinga (LINK) naunaipkarlugu akhuurutit. Piksaliurlutit iliknik tigumiaqtat naunaitkutaq iliurailugulu Facebook-mut inuit tamaita takuyakhaanik!

 

UUKTUUTIKHAPTIKNIK UUKTUUT

Malrukni ukiunik, WSCC pipkaitjutigiyaa Uuktuutikhaptiknik Uuktuut! Uuktuutikhaptiknik katimatjutingit havakviit aaniqtailiniqmik katimatjutigiyait, takuyumayaqqut katimatjutit naunaitkutingit aippaanganiqnit. Tunilugu katimatjutimut naunaitkutingit Thursday, May 9nguqtinnagu, ukunuuna email kayumiktukkutluuniit (1-866-979-8501) akimayiaqni nakuuqpiaqtumik aaniqnaittumik taktak havakviknut!

  

NAUNAIRYUUMIRUMAVIT?

Ilauyumavit hapkunani hulilukaarutini, naunairyuumirumavilluuniit? Takulugu website, unalu email us! Tuharumayugut iliknit!

 

Havaqatigiikkupta, nutqaqtitaaqtaqqut havakvikmi aaniarutiuyut 

aanirutiuyullu. 

wscc.nt.ca   /  1.800.661.0792   *   wscc.nu.ca  /  1.877.404.4407