April 2014

NAOSH Havainiq 

MAY 4-10, 2014 

 

North American-mi Havakvikni Aanniqtailinikkut Aanniaqtailinikkullu (NAOSH) havainiq tikihaqtulihaktuq!  Naunaiyaqlugit tatqirhiutitit uumunga May 4-10, 2014 ilaulutillu! 

 

Turaangayuq havaktipkaiyinun, havaktinun kitkunnunlu, NAOSH aghuuqhaqtaa anginiqarniq aanningittaaqniqni aannialaqinginniqtaaqniqni havakvikni, aihimavikni, nunallaamilu. 

 

Qinirhimalugu tikittughami tatqirhiutimi taiguagaghaq, aniniaqtuq havainingani May 5, turaanganiqaqtuq hivuagut pitjutainni NAOSH-mi tautuktihimayaillu hunanik WSCC-kut huliyut ilitturipkaiyumaplutik ilaupqarumaplutillu!

UPLUQ ITQAUMAVIK

ITQAUMANIQ TUQUHIMAYUNUN
  

Ukiuq tamaat, avatquhimayut 1,000 Kanadamiut havaktit tuquvaktut havakviknin aanniqtauniqnin aannilaqitjutininlu.  Una taimaittughaungittuq!

  

April 28 Kanadami Uplunguyuq Itqaumaviuyuq.  Uplunguyuq itqaumagilugut tuquhimayunun havakvikni, piniarhimalunilu piiyaqlugit hivunighani taimaatut tuqutjutit.  Itqaumanikkut hulitjutighat piniaqtut tamaani Kanadami. 

 

Ilauqatigiluta Yellowknife-mi Iqalungnilu itqaumaplugit taapkuat inuuhuiqtut 2013mi. Taamna Ukiuqtaqtuni Katimayiit Havaktinun (NTFL) pipkainiaqtut hulinirnun Maligaliuqvikni Iqalungni Yellowknife-milu uvani Hivulliunmi, April 28, qitiqqukpat. 

 

Uqariiqhimalugu April 28 Uplunguyuq Itqaumaniupluni havakvikni.  Nivingaqlugu Uplunguyuq Itqaumaniupluni piksamik, atimalutillu qirnariktunik tautuktitlugu ikayurutit.

 

 

Day of Mourning    

Nutaaq akuliak

tuhaqtitauniq nutaamik ministariliqtaptiknik  

 

Nanngariyauyuq Keith Peterson, ilaupkautiyuq niruaqtauviani Iqaluktuuttiap, nutaanguyuq Nunavunmi Ministauliqhuni Munariyalik WSCC-kunnun.

 

Hivulliqpaamik niruaqtauhimayuq 2004-mi, Minista Peterson tunihimayuq qauyihimattiarnirnik Ukiuqtaqtukkut havakvikminun.  Inuuhimayuq Whitehorse-mi, Iqaluktuuttiaq nunagiliqtaaq 1973-mi. 

 

Minista Peterson niriuqtuq hivumuutiyumaplugit havagutait WSCC-kut ilitturipkainikkut anniqtailinikkut qauyimayaghanik havakvikni, ikayuqhimmaaqhugit havaktit havaktipkaiyillu. 

 

Nakuugitqiyaa aanniqtailinikkut uqauti?  Qilanaaqnikkut quyaginnaruiqlutit; qilanaaruiqlutit hapirnarharuiqlugu aanniqtailitjutit hapirnarharuiqlugillu aanniqtailitjutait aallani.  

 

Uqaqatigilugu Minista Peterson uvani Niruaqtauvikni Havakviani, (867) 983-3777; Maligaliuqviup Havakviani, (867) 975-5028; qaritauyakkulluunniit titiraqvigilugu uvani [email protected]. 

   

Nanminirhurniq

tikittuq

Aullaqtiqhuni April 1, 2014, Nunatsiap Kavamatkut munariliqtaa aulapkainingani inungnun nunat, imait piqutiniklu kavamatkuqatkunnin. 

 

Una pitjutiqaqtuq WSCC-kunnun taamna munariniqaqniq aulapkainikkut havakvikni aanniqtailinikkut aanniaqtailinikkullu maligani tamainnun nuutiqhimayunun nunamiittuni uqhuqyuani kaasiliikkullu piqutit tatja munariliqtavut. Taapkuat Uqhuqyuat Kaasiliikkullu Havakvikni Aanniqtailikkut Aanniaqtialinikkullu, tiguhimayuq ataani Aanniaqtailinikkut Maligaqmin, tatja aulapkailiqtauyut  WSCC-kunnin maliktauyughallu tamainnin havaktinin havaktipkaiyininlu nuutiqhimayunin uqhuqyuani kaasiliikkullu piqutinin nunamiittun Nunatsiaqmi.  

 

Aallanik ilitturipkaitjutinik,  takulugit APIQUUTAUNGINNAQTUT, uqaqatigilutaluunniit uvani 1-800-661-0792. 

    
heartbleed bug
qayangnarhingittaangani unniutjuti 

 

Taamna Heartbleed Bug qaritauyakkuurutikkut ihuirutjutiuyuq pipkaqtittaaqtait hiamitiqtauyughaungittunik ilitturipkaitjutitnik pittaalaqipkaqtaatitlugit huungiyautinun qaritauyakkuuqtukkut-ihuinaaqtinun. Heartbleed tatja tuhaumapkaqtitauliqpiaqtuq, ihumaalutigiyauliqhunilu nunaqyuamin. 

 

WSCC-kut unniutiyait tigummiarutiqautivut pivaktugut iniqhimaqpiaqtumik ihivriuqniqmik hapummitjutiptiknik qaritauyakkuurutiptiknik.  Uvani, tunnganiqaqhuni ilitturipkaitjutini tatja hailihimayuni, qaritauyakkuuritivut qayangnaittut, ilvillu ilitaritjutitit hiamitiqtaulimaittut. 

 

Amirihimmaaqniaqtavut qaritauyakkuuritivut atuqluta nutaani ilittiripkaitjutinik hailihimaliqqata. Ilitturigupta qayangnaqtughanik ilingnun ilitaritjutinun iliurahainnaqniaqtugut ilitturipkaitjutinik qaritauyakkuurutiptikni ilitturipkainnarniarhimayugullu ilingnik.

 
Apiquutiqaruvit ihumaalutiqaruvilluunniit, uqaqatigitjavat  Harmeet Jagpal, Chief Information Officer.
      

tigummitjutiqaqtunI qauyiharniq

hamma uqaqhimayatit uvaptiknun


 

WSCC-kut 2013 Tigummitjutiqaqtuni Qauyiharniq havaktauvaktuq aippaangani ukiaghami. Leger, taapkuat Research Intelligence Group, havakpaktaa qauyiharniq pitjutigipluta, hivayautikkut, ilauvaktullu 800 uuktuqtut inutquaqhiutiqaqtullu, ukuallu 400 havaktiit tamaani Nunatsiaqmi Nunavunmilu. Piyumayait qauyiharniup kangiqhiyumaplugit havaktinin havaktipkaiyininlu ihumagiyainnik havakvikkut aanniqtailinikkut piyariaqanginnikkut, qauyihimaniq WSCC-kut, naammaginikkullu hulijutiptikni.  Quyagiyavut taapkuat ilauvaktut.  Ihumagiyatit anginiqaqpiaqtut uvaptiknun!  Ikayuqtutit piliuqnikkut WSCC-kut hivulliutjutighainnik tunivakhutalu anginiqaqtunik uqautinik qanuqtut nakuutqiyauyunik pitjutighanik ihariagiyarnun.

 

 

2013 Tigummitjutiqaqtuni Qauyiharniqmi Naunaitkutit

 

% kiuvaktuni angikhimayut angikhimaqpiaqtulluunniit hapkuninga uqautinik: 

  

 

Havaktipkaiyiit

Uuktuqtut/
Inutquaqhiutiqaqtut

Ilihimayut WSCC-kut Hulitjutainnik

86%

67%

Naammagiyaa WSCC-kut Tamainni Hulitjutainnik

88%

81%

Naammagiyaa Uuktuqnikkut Havagutaitigut 

85%

77%

Naammagiyaa Ihivriuqnikkut Havagutaitigut

91%

n/a

Havakvikmi Aanniqtailiniit Anginiqaqtut Havakvik Nakuuyumik Inirutiqariangani 

99%

n/a

Havakvikni Aanniqrutit Aannirutiyaungitkaluaqtaaqtut

98%

92%

    

ayuiqhimatjutiqaqtutit

ukiuqtaqtumi akittaqutinialiqtut

 

Ukiumi aputi mahaliqtuq, nauttiat nuiliqtut, akittaqutiqpiaqliqtullu.

 

Skills Canada, Kanadami, maniliuqniarhimangittuq timiquti, aghuuqhaqpaktait ayuirhimatjutit havaaghallu hanatjutini havaaghanilu qaritauyaliqitjutiqaqtuni. 

 

Tamarnik Nunavut Nunatsiaqlu pipkainiaqtait Ukiuqtaqtumi Ayuirhimajutitigut Akittaqutit qakugunnuaq.  Akimayut tamainni naliinni naunaiyaqtauyut uuktuqvighaqaqhutiklu ilaupkainikkut nunamiknik uvani Kanadami Ayuiqhimajutiqaqnikkut Akittaqutimi. 

 

Ukiuqtaqtumi Ayuirhimajutitigut Akittaqutit Nunatsiaqmi - Aippiunmi, May 6 - Yellowknife, NT

 

Ukiuqtaqtumi Ayuirhimajutitigut Akittaqutit Nunavunmi - Aippiunmi, April 29 - Inuksuk Angayughiit Iliharviani, Iqaluit, NU

 

Takuyaqtuqlugu Skills Canada NWT unalu Skills Canada Nunavut Facebook-mi ilitturipkaqlugillu hunanik takuyumayarnik, ikayurumaguvilluunniit!

 

 

    

iliharnikkut uqautjutit
aannaiqtailinikkut iliharniq  

  

WSCC, paannavullu NTFL unalu Ukiuqtaqtumi Aanniqtailinikkut Katimayiit (Northern Safety Association), hailihimapkaiyut ilihautighanik mighaagut havakvikni aanniqtailinikkut qauyihimanikkullu.  Ilitturihimalugit piyauliqtughanik iliharutighanik! 


 

Ukiuqtaqtuni Katimayiit Havaktinun - ilitturittiaqlutit ilihautighanik hamani!   

 

Ilanga 1: Kangiqhihimanikkut Havaktinun Ikayurutighanik
YellowknifeMay 29
Ilanga 2: Pipkailirnikkut Havagiaqtuffaaliqnikkut
Yellowknife
May 30

Ilanga 3: Pivallialiuqniq Havagiaqtuffaaliqnikkut Pinahuarutinik

 Yellowknife

 April 29-May 1

 

 Northern Safety Association - Hivayaklutit NSA naunaikhiyumaguvit 

 

Tamaungainnaqtailinikkut Munarinikkullu Aulapkaiyinun 

Yellowknife

April 23


 

Uppiritjutit Aanniaqtailinikkut Aanniqtailinikkullu Aulapkaitjutini (COR)

 

Yellowknife

April 28

Ihivriuqtinikkut Ayuirharnikkut Iliharniq (COR) 

Inuvik

April 29 & 30

Hivulliuqtinikkut Aanniqtailinikkut Nakuutqiyaunikkut Iliharniq (COR)

Yellowknife

May 1 & 2

Asbestos Piiqtittinikkut Qauyihimaniq
Yellowknife
May 2 & 3

 

WSCC Atannguyani Aanniqtailinikkut Iliharniq - ilitturittiaqlugit hamani! 

 

Atannguyaq Aanniqtailinikkut Iliharniq

Qamanittuaq

May 6-8

 

Kangiqtugaapik 

May 13-15


Yellowknife
May 27-29

Iqaluit

(pipkaqtitauyuq Uiuititun) 

May 27-29

Iqaluit
June 10-12

Yellowknife
June 10-12

Kangiqliniq
June 24-26
  
  
wscc.nt.ca   /  1.800.661.0792   *   wscc.nu.ca  /  1.877.404.4407