ᐋᖓᔅᑦ 2014

ᐅᓂᒃᑲᐅᓯᐅᖕᓂᐅᑉ ᐱᒻᒪᕆᐅᓂᖓ


ᓯᑎᐱᕆᒥᑦ ᓴᖅᑭᓛᖅᑐᑦ ᓴᐃᕝᑎᓇᑦ ᐅᖃᐅᓯᖃᓛᖅᑐᑦ ᐱᒻᒪᕆᐅᓂᖓᓂ ᐅᓂᒃᑲᐅᓯᐅᓂᖕᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᖕᓂᑦ ᖃᓄᐃᓕᓂᑰᔪᓂᒃᓗ ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓐᓄᓪᓗ.  ᑖᓐᓇ ᓇᓗᓇᐃᔭᐃᓯᒪᓂᐊᖕᒥᔪᖅ ᐊᓯᔾᔨᖅᑐᓂᑦ ᐊᑐᐊᒐᒥᑦ 11.02-ᒥᑦ, ᐅᓂᒃᑲᐅᓯᐅᖕᓂᖅ ᐋᓐᓂᖅᑐᒥᑦ, ᖃᓂᒻᒪᓯᖕᒥᑦ ᑐᖁᔪᒥᒃᓘᓐᓃᑦ ᐅᓂᒃᑲᐅᓯᐅᙱᓐᓂᖕᒧᑦ ᖃᓄᐃᓕᔭᐅᔾᔪᑕᐅᔪᓐᓇᖅᑐᓂᑦ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᖅᑎᑦᑎᔨᓂᓪᓗ.ᕿᒥᕐᕈᔪᓐᓇᖅᑕᐃᑦ ᐊᑐᐊᒐᖅ ᐅᕙᓂ.

  

ᓯᑎᐱᕆᒥᑦ ᓴᖅᑭᑦᑐᒃᓴᓂᑦ ᐅᑕᖅᑭᓗᓯ.

  

ᐃᖅᑲᓇᐃᔭᕐᕕᖕᒥᑦ ᐋᓐᓂᖕᓂᖕᒧᑦ ᖃᓄᐃᓕᑲᓪᓚᒃᑐᒧᓪᓗ ᐅᓂᒃᑲᐅᓯᖃᕆᐊᖃᕈᕕᑦ, ᐅᖄᓚᓗᑎᒃ ᐃᑲᕐᕋᓄᑦ 24-ᓄᑦ ᐅᖄᓚᕕᐅᔪᓐᓇᖅᑐᒧᑦ ᐅᓂᒃᑲᐅᓯᐅᕐᕕᖕᒧᑦ ᐅᕗᖓ 1-800-661-0792.

ᖃᓄᐃᙱᑦᑎᐊᖕᓂᓕᕆᓂᖅ

ᐱᓂᐊᕋᔮᕋᓱᖃᑦᑕᕋᑦᑕ ᑕᖃᓯᒪᓗᐊᖅᐸᒃᖢᑕᓘᓐᓃᑦ ᐃᓅᓯᑦᑎᐊᕙᖃᕋᓱᐊᖕᓂᖕᒥᑦ.  ᑕᒡᕙᓕᑭᐊᖅ ᐃᖅᑲᓇᐃᔭᖅᑎᑦᑎᔩᑦ ᐃᑲᔪᖅᑐᐃᕙᒃᐸᑕ ᑕᒪᒃᑯᐊ ᐊᔪᕐᓇᙱᓐᓂᕐᓴᐅᑎᑕᐅᓗᑎᒃ ᐃᓅᓯᖃᑦᑎᐊᕋᓱᐊᖕᓃᑦ!

 

ᑖᒃᑯᐊ BC ᐃᓅᓯᖃᑦᑎᐊᕋᓱᐊᖃᑎᒌᒃᑐᓕᕆᔨᒃᑯᑦ, ᑲᓇᑕᒥ ᑳᓐᓱᒧᑦ ᑲᑐᔾᔨᖃᑎᒌᒃᑯᑦ ᐃᖅᑲᓇᐃᔭᖅᑎᓪᓗ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦ ᓇᓪᓕᐅᒃᑯᒻᒫᓕᕆᔨᒃᑯᖏᓪᓗ, ᑲᑐᔾᔨᖃᑎᖃᖅᖢᑎᒃ ᓄᓇᑦᑎᐊᑉ ᒐᕙᒪᒃᑯᖏᓐᓂᑦ, ᐱᒋᐊᕋᓱᓕᖕᒪᑕ ᐊᕐᕌᒍᖕᓄᒃ ᒪᕐᕉᖕᓄᑦ ᓇᑉᐸᖓᓂᓪᓗ ᐱᓕᕆᐊᒃᓴᒥ ᑕᐃᔭᐅᔪᖅ ᖃᓄᐃᙱᑦᑎᐊᖕᓂᓕᕆᓂᖅ.  ᑖᒃᑯᐊ ᐱᓕᕆᐊᒃᓴᐃᑦ ᐃᖅᑲᓇᐃᔭᖅᑎᑦᑎᔨᓂ ᐊᔪᕈᓐᓃᖅᓴᐃᕙᒃᐳᑦ ᐃᖅᑲᓇᐃᔭᕐᕕᖕᒥᑦ ᐃᑲᔪᖅᑐᐃᓂᖕᓂᑦ ᐊᔭᐅᖅᑐᐃᓂᖕᓂᓪᓗ ᐃᓅᓯᖃᑦᑎᐊᕋᓱᐊᓂᖕᒥᑦ, ᐃᓄᖓᓄᑦ ᐋᖅᑭᐅᒪᔪᒥ ᐱᔪᒪᔭᖏᓐᓂᒃ ᐃᓱᒪᖃᖅᖢᑎᒃ ᐃᖅᑲᓇᐃᔭᖅᑎᖏᓐᓂᑦ.

 

ᐊᕐᕌᒍᒥᑦ ᓯᕗᓪᓕᖅᐹᒥ ᖃᓄᐃᙱᑦᑎᐊᖕᓂᓕᕆᓂᖕᒥᑦ ᐱᓕᕆᓂᐊᖅᐳᑦ ᑕᓪᓕᒪᓂᒃ ᐆᒃᑑᒪᔭᒃᑕᐅᔪᓂᑦ:  ᑎᐱᐅᔅᑯᑦ, ᑐᒥᓐᓂᐊᓐ ᑕᐃᒪᓐ ᐃᑳᑎᒃᑯᑦ, ᑕᐃᕕᒃ ᑕᐃᒪᓐᑯᑦ ᐅᔭᕋᖕᓂᐊᖅᑎᖏᑦ, ᐃᖅᑲᓇᐃᔭᖅᑎᓪᓗ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦ ᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᓄᓇᑦᑎᐊᑉ ᒐᕙᒪᒃᑯᖏᑦᑕ ᐋᓐᓂᐊᖃᖕᓇᙱᑦᑐᓕᕆᔨᒃᑯᖏᑦ ᐃᓄᓕᕆᔨᒃᑯᖏᓐᓂᒃᓗ.  ᐱᓕᕆᐊᖑᓇᓱᒃᑐᖅ ᑳᓐᓱᑖᓗᐊᖅᑕᐃᓕᒪᔾᔪᑕᐅᓇᓱᐊᖅᖢᓂ ᐊᓯᖏᓐᓂᒃᓗ ᖃᓂᒻᒪᓯᖕᓂᑦ ᐊᑐᓕᖅᑎᑦᑎᓂᒃᑯᑦ ᐃᖅᑲᓇᐃᔭᕐᕕᖕᒥᑦ ᖃᓄᐃᙱᑦᑎᐊᖕᓂᖕᓄᑦ ᐱᒋᐊᖅᑎᑦᑎᓂᒃᑯᑦ.

  

ᑖᒃᑯᐊ ᐱᓕᕆᐊᒃᓴᐃᑦ ᐊᔪᕈᓐᓃᕈᑕᐅᕙᒃᐳᑦ ᐃᓕᓐᓂᐊᕐᑎᑦᑎᔪᓐᓇᕐᓯᓪᓗᑎᒃ, ᖃᐅᔨᒪᓂᑎᒃ ᒪᓕᒃᓗᒋᑦ ᐱᓕᕆᔪᓐᓇᖕᓯᓂᖕᒥᑦ, ᐊᕙᑖᓂᒃᓗ ᐃᑲᔪᖅᑐᐃᔪᓐᓇᖕᓂᖕᒥᑦ ᐊᔪᕆᖅᓱᐃᓂᖕᒥᑦ.  ᑖᒃᑯᐊ ᐃᖅᑲᓇᐃᔭᖅᑎᓪᓗ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦ ᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᓂᕆᐅᒃᐳᑦ ᐃᓚᒋᔭᐅᔭᕆᐊᒃᓴᖅ ᐱᒋᐊᖅᑕᐅᓕᓵᖅᑐᒥᑦ.  ᓯᕗᓪᓕᖅᐹᒥᑦ ᐃᓕᓐᓂᐊᖕᓂᐅᓂᐊᖅᑐᖅ ᐱᒋᐊᓛᖅᑐᖅ ᓄᕕᐱᕆᒥᑦ.  ᑐᑭᓯᒋᐊᒃᑲᓐᓂᕈᒪᒍᕕᑦ ᒪᐅᓇ ᓇᕿᓪᓗᒍ.

 

 

ᑮᓇᐅᔾᔭᒃᓵᑦ ᐋᖅᑭᒋᐊᖅᓯᒪᔪᑦ 


ᐃᖅᑲᓇᐃᔭᖅᑎᑦᑎᔩᑦ, ᒫᓐᓇ ᐊᑲᐅᓛᖑᓕᖅᑐᖅ ᕿᒥᕐᕈᔭᕆᐊᒃᓴᖅ ᑮᓇᐅᔾᔭᒃᓵᓄᑦ ᓇᓚᐅᑦᑖᖅᑕᐅᓯᒪᔪᓂ ᑐᓐᓂᖅᑯᑎᒋᓚᐅᖅᑕᖕᓂᑦ 2014-ᒧᑦ.  ᐃᖅᑲᓇᐃᔭᖅᑎᓪᓗ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦ ᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᓇᒃᓯᐅᔾᔨᓂᐊᖅᐳᑦ ᑮᓇᐅᔾᔭᒃᓵᓄᑦ ᐋᖅᑭᒋᐊᕈᑎᓄᑦ ᐃᖅᑲᓇᐃᔭᖅᑎᑦᑎᔨᓕᒫᓄᑦ ᐋᖓᔅᑦ ᓄᙳᐊᓂᑦ.  ᐃᓚᓕᐅᑎᓯᒪᓂᐊᖅᑐ ᑎᑎᖅᑲᒧᑦ ᑕᒪᑐᒪᓂ ᐊᕐᕌᒍᒥ ᓇᖕᒥᓂᖃᖅᑎᐅᑉ/ᑐᑭᒧᐊᒃᑎᐅᑉ ᑐᓴᒐᒃᓴᖏᓐᓂᑦ ᐅᓪᓗᒥᒨᖓᔪᓂᑦ.  ᕿᒥᕐᕈᔭᕆᐊᖃᒻᒪᕆᒃᐸᐃᑦ ᓇᒃᓯᐅᑎᓗᒋᓪᓗ ᐊᓯᔾᔨᖅᓯᒪᕐᔪᐊᖅᑐᖃᖅᐸᑦ.

 

ᐅᓂᒃᑲᐅᑎᓄᐊᕆᓂᖅ ᐊᓯᔾᔨᖅᓯᒪᕐᔪᐊᖅᑐᓂᑦ ᑮᓇᐅᔾᔭᒃᓵᓄ ᓇᓚᐅᑦᑖᖅᑕᐅᓯᒪᔪᑦ ᐊᕐᕌᒍᒧᑦ ᐊᔪᕐᓇᖏᓛᖑᕗᖅ ᐊᑭᓕᒐᒃᓴᖅᑖᙱᑦᑕᕆᐊᒃᓴᖅ ᑐᖓᐅᑦᑎᓂᖕᓄᑦ.  ᐊᓯᔾᔨᖅᑐᓂᑦ ᓇᓗᓇᐃᖅᓯᔭᕆᐊᒃᓴᖅ, ᑎᑎᕋᕐᓗᒍ ᑮᓇᐅᔾᔭᒃᓵᓄ ᐊᓯᔾᔨᖅᑐᖅᓯᐅᓂᑦ, ᒫᓂ  ᐊᑐᐃᓐᓇᐅᔪᖅ.  ᐊᑭᖃᙱᑦᑐᒃᑯᑦ ᓱᑲᑦᑐᒃᑰᖅᑎᓪᓗᒍ 1-866-277-3677-ᒧᑦ ᓄᓇᑦᑎᐊᒥᑦ 1-866-979-8501-ᒧᓪᓘᓐᓃᑦ ᓄᓇᕗᒻᒥᑦ.  

 

ᐊᐱᖅᑯᑎᒃᓴᖃᕈᕕᑦ ᑮᓇᐅᔾᔭᒃᓵᕕᑦ ᐊᓯᔾᔨᖅᑕᐅᓂᖓᓂ, ᖃᐅᔨᒋᐊᕐᓗᑎᒃ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᒃᑯᓐᓄᑦ ᓄᓇᑦᐊᒥ 1-800-661-0792-ᒧᑦ ᓄᓇᕗᒻᒥᓪᓗ 1-877-404-4407-ᒧᑦ. 

ᐊᓯᔾᔨᖅᑐᑦ ᐊᑐᐊᒐᐃᑦ


ᑖᒃᑯᐊ ᐊᐅᓚᑦᑎᔨᓂᒃ ᑲᑎᒪᔨᐅᔪᑦ ᕿᒥᕐᕈᕗᐃᑦ ᐅᑯᓂᖓ ᐊᑐᐊᒐᓂᑦ ᓯᑎᐱᕆᒥ ᑲᑎᒪᓕᖅᐸᑕ.  ᐃᓚᐅᔪᒪᒍᕕᑦ ᕿᒥᕐᕈᓂᐊᖅᑎᓪᓗᒋᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᓪᓗ
ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᐊᑐᐊᒐᓕᕆᔪᓂ ᐃᕐᖐᓐᓇᒃᑰᕈᑎᒃᑯᑦ ᑎᑎᕋᕐᕕᒋᓗᒋᑦ ᐊᑐᐊᒐᓂᑦ ᑮᓇᐅᔭᓕᕆᓂᖕᓄᓪᓗ ᐅᓂᒃᑳᓕᐅᕐᕕᒃᐳᑦ.

ᓯᑎᐱᕆ 2014

  • ᐊᑐᐊᒐᖅ 02.01, ᐃᖅᑲᓇᐃᔭᖅᑎᑦᑎᔨᑦ ᖃᐅᔨᓴᖕᓂᖏᑦ
  • ᐊᑐᐊᒐᖅ 02.03, ᓇᖕᒥᓂᖅ ᓇᓪᓕᒃᑯᒻᒫᖃᕈᓐᓇᖕᓂᖅ
  • ᐊᑐᐊᒐᖅ 02.05, ᑮᓇᐅᔾᔭᒃᓵᓂᑦ ᐅᓂᒃᑲᐅᓯᐅᖕᓂᖅ
  • ᐊᑐᐊᒐᖅ 2.06, ᑎᑎᕋᖅᑕᐅᑎᑦᑎᓂᖅ ᐱᓕᕆᔾᔪᑎᓂᒃ

ᓯᓚ ᐊᓂᖕᓂᖕᒧᑦ ᓈᒻᒪᙱᑎᓪᓗᒍ ᐃᖅᑲᓇᐃᔭᖕᓂᖅ

 

ᐊᐅᔭᐅᔪᖅ ᓇᐹᖅᑐᓕᖕᓂᑦ ᐃᑭᑦᑐᒻᒪᕆᐊᓘᑎᓪᓗᒋ ᐊᒃᑕᕐᕕᒃᓗᐃᓐᓇ ᐊᑦᑎᖅᑕᐅᓪᓗᓂ "ᑕᒻᑉᑲᐃᓅ", ᓯᓚ ᐃᓱᒪᒋᔭᐅᓯᒪᖕᒪᕆᒃᓯᒪᕗᖅ ᐊᒥᓱᒻᒪᕆᖕᓄᑦ ᐃᖅᑲᓇᐃᔭᖅᑎᓄᑦ.  ᐳᔪᖕᒥᑦ ᓇᐹᖅᑑᑉ ᐊᒃᑕᕐᕕᐅᓪᓘᓐᓃᑦ ᐃᑯᐊᓚᓂᖓ ᐊᒃᑐᐃᑐᐃᓐᓇᕆᐊᓕᒃ ᐃᓚᖏᓐᓂᑦ ᐃᖅᑲᓇᐃᔭᕐᕕᖕᒥᑦ.  ᐆᒻᒪᑎᒥᒍᑦ ᐳᕙᖕᒥᒍᓪᓘᓐᓃᑦ ᐊᑲᐅᙱᓕᐅᕈᑎᖃᖅᐸᒃᑐᑦ, ᓄᑕᕋᓛᑦ, ᓄᑕᖅᑲᑦ ᐃᓐᓇᑐᖃᐃᓪᓗ ᐊᑦᑕᖕᓇᓛᒦᑉᐳᑦ.  

 

ᐳᔪᖕᒦᓗᐊᖁᓇᒃ ᐃᖅᑲᓇᐃᔭᕐᕕᖕᒥᑦ, ᐃᖅᑲᓇᐃᔭᖅᑎᑦ ᐃᓯᖅᓯᒪᔪᓐᓇᖕᓂᓕᒫᖏᓐᓂᑦ ᐃᓯᖅᓯᒪᖃᑦᑕᓪᓗᐊᖅᑐᑦ; ᐹᑦ ᐃᒐᓛᓪᓗ ᒪᑐᓯᒪᓗᒋᑦ; ᓯᓚᒥᑦ ᐱᓕᕆᔭᕆᐊᖃᕈᕕᑦ, ᐊᑐᑦᑎᐊᕐᓗᑎᒃ ᐊᑦᑕᖕᓇᖅᑕᐃᓕᒪᔾᔪᑎᓂᒃ ᓄᖅᑲᖔᑲᐃᓐᓇᖅᐸᒃᓗᑎᓪᓗ.

 

ᐅᑯᐊ ᒪᓖᓐᓇᐅᔭᑯᓗᖕᓇᙱᑦᑑᒐᓗᐊᑦ ᐊᑦᑕᖕᓇᖅᑕᐃᓕᒪᓃᑦ.  ᐃᖅᑲᓇᐃᔭᕆᐊᖃᕈᕕᑦ ᐊᓂᖅᓵᖅᑐᑦᑎᐊᖕᓇᙱᑦᑐᒥ, ᐅᑯᐊ ᐅᔾᔨᖅᓱᕆᐊᖃᖅᐸᑎᑦ ᐊᓂᕐᓵᑐᓗᐊᕐᓂᖅ, ᐊᓂᖅᓵᖅᑐᑦᑎᐊᙱᓐᓂᖅ, ᓴᒡᕖᑦ ᓱᑲᖓᖅᑰᔨᓂᕐᓗ, ᐅᐃᔾᔭᙳᓴᔮᖕᓂᕐᓗ.  ᐳᔪᖅ ᖃᓯᓕᓇᑐᐃᓐᓇᕆᐊᖃᖅᐳᖅ ᐃᔨᖕᓄᑦ, ᓱᕐᓘᖕᓄᑦ, ᐃᒡᒋᐊᖕᓄᓪᓗ.  ᐊᑲᐅᙲᓐᓇᕈᕕᑦ ᐃᖅᑲᓇᐃᔭᕈᓐᓇᐃᓪᓕᓗᑎᓪᓗ ᐋᓐᓂᐊᓯᐅᑎᒥᑦ ᑕᑯᔭᖅᑐᕐᓗᑎᑦ.

 

ᐃᖅᑲᐅᒪᓂᐊᖅᐳᑎᑦ, ᐃᖅᑲᓇᐃᔭᖅᑎᑦᑎᔨᐅᑉ ᑲᒪᒋᕚ ᑕᒪᒃᑯᐊ ᐅᔾᔨᖅᑐᖕᓃᑦ ᑖᒃᑯᐊ ᐋᓐᓂᐊᖃᖕᓇᙱᓐᓂᖏᑦ ᐊᑦᑕᖕᓇᙱᓐᓂᖏᓪᓗ ᑭᒃᑯᓕᒫᑦ ᐱᖁᑎᖓᓃᑦᑐᓂ.  ᐃᖅᑲᓇᐃᔭᖅᑎᓪᓗ ᐱᔪᓐᓇᖕᓂᖃᖅᐳᑦ ᕿᐱᓗᒃᓯᔭᕆᐊᒃᓴᖅ ᐱᓕᕆᐊᒃᓴᒥᑦ ᐊᑦᑕᖕᓇᕆᒍᓂᐅᒃ ᐃᒻᒥᓄᓪᓘᓐᓃᑦ.  ᐊᐱᖅᑯᑎᒃᓴᖃᕈᕕᑦ, ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᐅᖃᓗᒃᕕᒋᓗᒋᑦ 1-800-661-0792-ᒧᑦ.

ᓄᑖᑦ


ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᐅᖃᓕᒫᒐᓕᐊᕆᓯᒪᓕᖅᑕᖏᑦ 

ᑖᒃᑯᐊ ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓪᓗ ᐊᒃᓱᕈᖅᖢᑎᒃ ᓄᑖᓂᒃ ᑐᓴᐅᒪᓇᖅᑐᓂᒃᓗ ᐃᓗᓕᖃᐅᖅᑎᑦᑎᓇᓱᖃᑦᑕᖅᐳᑦ ᐅᖃᓕᒫᒐᓕᐊᓕᒫᓂᑦ.  ᑖᒃᑯᐊ ᓴᖅᑮᓐᓇᖅᑐᑦ ᓴᖅᑭᔮᖅᑎᑦᑎᕗᑦ ᓄᑖᙳᕆᐊᖅᑐᓂᑦ ᐊᑦᑕᖕᓇᙱᑦᑐᑎᒎᖅᑐᓂᒃᓗ ᓄᑖᓂ ᐱᓕᕆᔾᔪᑎᓂ ᐊᑐᕈᓐᓇᖕᓂᐊᖅᑕᖕᓂᑦ!

 

ᓄᑖᑦ ᐃᖅᑲᓇᐃᔭᖅᑎᑦ ᐱᔪᓐᓇᖕᓂᖏᓐᓄᑦ ᓴᖅᑭᔮᒐᒃᓴᐃᑦ

ᖃᐅᔨᒪᕕᒋᑦ ᐃᖅᑲᓇᐃᔭᖅᑎᐅᓪᓗᑎᑦ ᐱᔪᓐᓇᖕᓂᑏᑦ?   ᐅᕘᓇ ᓇᕿᓪᓗᒍ  ᕿᒥᕐᕈᔪᒪᒍᕕᑦ ᐃᖅᑲᓇᐃᔭᖅᑎᑦ ᐱᔪᓐᓇᖕᓂᖏᓐᓄᑦ ᓴᖅᑮᒐᒃᓴᐃᑦ, ᐊᑐᐃᓐᓇᐅᔪᑦ ᐊᒥᓱᒐᓚᒃᑎᒍᑦ ᐅᖃᐅᓯᖅᑎᒍᑦ.  ᑐᒃᓯᕋᕈᒪᒍᕕᑦ ᐃᖅᑲᓇᐃᔭᕐᕕᖕᒥᑦ ᓴᖅᑭᔮᖅᑎᒐᒃᓴᓂᑦ,   ᐃᕐᖐᓐᓇᒃᑰᑦᑎᑎᕋᕐᕕᒋᑎᒍᑦ. 

 

ᓇᖕᒥᓂᖁᑎᖃᖅᑐᑦ ᑲᒪᒋᔭᕆᐊᓕᖏᓐᓄᑦ ᐅᖃᓕᒫᒐᐃᑦ

ᖃᐅᔨᒪᕖᑦ ᓇᖕᒥᓂᖅ ᐃᒡᓗᖃᖅᑎᐅᓗᑎᑦ ᑖᒃᑯᐊ ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓐᓄᓪᓗ ᐃᓱᒪᒋᔭᐅᔪᓐᓇᕋᕕᑦ ᐃᖅᑲᓇᐃᔭᖅᑎᑦᑎᔨᐅᔪᑎᑐᑦ ᐱᖃᓐᓇᕆᔭᑎᑦ, ᐃᓚᑎᑦ ᐊᓯᖏᓪᓘᓐᓃᑦ ᐃᖅᑲᓇᐃᔭᖅᑎᒃᑳᖓᕕᒋᑦ ᐃᒡᓗᖁᑎᖕᓄᑦ ᐃᓗᐊᓂᓪᓘᓐᓃᑦ?  ᐅᖃᓕᒫᒐᖅᑖᓵᕗᑦ ᖃᐅᔨᒋᐊᕐᓗᒍᑦ, ᐅᕘᓇ ᐊᑐᐃᓐᓇᐃᔪᖅ. 

ᑭᕙᓪᓕᖕᒥᑦ ᐱᓕᕆᐊᓄᑦ ᑕᑯᒃᓴᐅᑎᑦᓯᓂᖅ 2014 
ᓯᑎᐱᕆ 29 - ᐅᑐᐱᕆ 1

ᐳᓛᕆᐊᓛᖅᐳᓯ ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᑦᑕ ᐃᓂᐊᓄᑦ ᑲᖏᖅᖠᓂᖕᒥᑦ ᑕᓪᓕᒪᒋᓕᖅᑕᖓᓐᓂᑦ ᐊᕐᕌᒍᒪᑖᑦ ᑭᕙᓪᓕᖕᒥᑦ ᐱᓕᕆᐊᓄᑦ ᑕᑯᒃᓴᐅᑎᑎᓂᖕᓂᑦ.  ᑕᑯᓛᕈᒪᕙᑦᑎᒋ5.

ᑎᑎᕋᕐᕖᑦ ᒪᑐᓯᒪᓂᖏᑦ:

ᐃᖅᑲᓇᐃᔭᖅᑏᑦ ᐅᓪᓗᖓ - ᓯᑎᐱᕆ 1, 2014 (ᓄᓇᑦᑎᐊᒥᑦ ᓄᓇᕗᒻᒥᓪᓗ ᑎᑎᕋᕐᕕᖏᑦ ᒪᑐᓯᒪᓂᐊᖅᑑᒃ) 

 

ᐅᓂᒃᑲᐅᓯᖃᖕᓂᐊᕐᓗᓂ ᐋᓐᓂᖅᑐᒻᒪᕆᖕᒥᑦ, ᖃᓄᐃᓕᑲᓪᓚᒃᑐᓂᑦ, ᐱᕐᕈᓗᐊᕿᔪᓂᒃᓘᓐᓃᑦ ᐅᖄᓚᓗᑎᒃ ᐃᑲᕐᕋᓄᑦ 24-ᓄᑦ ᐅᖄᓚᕕᐅᔪᓐᓇᖅᑐᒧᑦ ᐅᓂᒃᑲᐅᓯᐅᕐᕕᖕᒧᑦ:  1-800-661-0792.

ᐃᓕᓐᓂᐊᒐᒃᓴᓄᑦ ᑐᓴᐅᒪᔭᒃᓴᑦ

ᐊᑦᑕᖕᓇᖅᑕᐃᓕᒪᓂᖕᒧᑦ ᐃᓕᓐᓂᐊᒐᒃᓴᐅᓛᖅᑐᑦ

ᐃᖅᑲᓇᐃᔭᖅᑎᓪᓗᐊᑦᑕᖕᓇᖅᑕᐃᓕᒪᔪᓕᕆᔨᒃᑯᖏᑦᓇᓪᓕᐅᒃᑯᒻᒫᓕᕆᔨᒃᑯᖏᓪᓗ, ᐱᖃᑎᖃᖅᖢᑎᒃ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐅᑭᐅᖅᑕᖅᑐᒥ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᓐᓂᓪᓗ, ᐃᓕᓐᓂᐊᒐᒃᓴᖃᖅᑎᑦᑎᕗᐃᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᖕᒥᑦ ᐅᔾᔨᖅᑐᑦᑎᐊᖕᓂᖕᒥᓪᓗ.  ᑐᓴᐅᒪᓇᓱᐊᕆᑦ ᐃᓕᓐᓂᐊᒐᒃᓴᐅᓛᖅᑐᓂᑦ! 

 

ᐅᑭᐅᖅᑕᖅᑐᒥᑦ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᑦ -  ᖃᐅᔨᒋᐊᕐᕕᒋᓗᒋᑦ ᐅᑭᐅᖅᑕᖅᑐᒥᑦ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᑦ ᑐᑭᓯᒋᐊᒃᑲᓐᓂᕈᒪᒍᕕᑦ

ᑐᙵᕕᖏᑦ ᐋᓐᓂᐊᖃᖕᓇᙱᑦᑐᓕᕆᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐊᐅᓚᑦᑎᓂᖕᒥᑦ 
ᔭᓗᓇᐃᕝ
ᓯᑎᐱᕆ 22
ᖃᐅᔨᓴᖅᑐᓕᕆᔨᒻᒪᕆᐅᓂᖕᒧᑦ ᐃᓕᓐᓂᐊᒐᒃᓴᖅ
ᔭᓗᓇᐃᕝ
ᓯᑎᐱᕆ 23 - 24
ᓯᕗᓕᖅᑐᐃᓂᖅ ᐊᑦᑕᖕᓇᖅᑕᐃᓕᒪᓂᖕᒧᑦ ᐱᐅᓛᓂᑦ
ᔭᓗᓇᐃᕝ
ᓯᑎᐱᕆ 25 - 26

 

ᐅᑭᐅᖅᑕᖅᑐᒥᑦ ᐃᖅᑲᓇᐃᔭᖅᑐᓕᕆᔨᒃᑯᑦ -ᖃᐅᔨᒋᐊᒃᑲᓐᓂᕐᓗᑎᑦ ᐅᕙᓂ! 

 

ᓯᕗᓪᓕᖅᐹᖅ:  ᑐᑭᓯᕙᓪᓕᐊᓂᖅ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒻᒫᓂᑦ
ᔭᓗᓇᐃᕝ
ᓯᑎᐱᕆ 16
ᐊᐃᑉᐸᖓ:  ᐃᖅᑲᓇᐃᔭᕐᕕᖕᒧᑦ ᐅᑎᖅᐸᓪᓕᐊᓂᓕᕆᓂᖅ
ᔭᓗᓇᐃᕝ
ᓯᑎᐱᕆ 17
ᐱᖓᔪᖓᑦ:  ᐃᖅᑲᓇᐃᔭᕐᕕᖕᒧᑦ ᐅᑎᖅᐸᓪᓕᐊᓂᖕᒧᑦ ᐱᓕᕆᐊᒃᓴᑦ
ᔭᓗᓇᐃᕝ
ᓯᑎᐱᕆ 23-25

 

ᐃᖅᑲᓇᐃᔭᖅᑐᑦ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᑦ ᓇᓪᓕᐅᒃᑯᒻᒫᓕᕆᔨᒃᑯᓪᓗ - ᒪᐅᓇ ᖃᐅᔨᒋᐊᒃᑲᓐᓂᕐᓗᑎᒃ!

ᐊᖓᔪᖅᑲᐅᑎᑦ ᐊᑦᑕᖕᓇᖅᑕᐃᓕᒪᔪᓕᕆᓃᑦ
ᐃᖃᓗᐃᑦ
ᓯᑎᐱᕆ 9-11
ᐊᖓᔪᖅᑲᐅᑎᑦ ᐊᑦᑕᖕᓇᖅᑕᐃᓕᒪᔪᓕᕆᓃᑦ
ᔭᓗᓇᐃᕝ

ᓯᑎᐱᕆ 16-18

ᐊᖓᔪᖅᑲᐅᑎᑦ ᐊᑦᑕᖕᓇᖅᑕᐃᓕᒪᔪᓕᕆᓃᑦ
ᐃᖃᓗᒃᑑᑦᑎᐊᖅ 
ᓯᑎᐱᕆ 23-25

 

ᖃᐅᔨᒃᑲᓐᓂᕈᒪᕖᑦ?

ᑖᒃᑯᐊ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᕖᑦ, ᖃᐅᔨᒋᐊᒃᑲᓐᓂᕈᒪᕕᓪᓘᓐᓃᑦ?  ᖃᐅᔨᒋᐊᕐᕕᒋᓗᒍ ᐃᑭᐊᖅᑭᕕᕗᑦ, ᐃᕐᖐᓐᓇᒃᑯᓪᓘᓐᓃᑦ ᑎᑎᕋᕐᕕᒋᑎᒍᑦ!  ᑐᓴᕐᕕᒋᔪᒪᑐᐃᓐᓇᖅᐸᑦᑎᒋᑦ! 

wscc.nt.ca   /  1.800.661.0792   *   wscc.nu.ca  /  1.877.404.4407