TAAQHIVALIAVIA 2014

NAUNAIYAUTIKHATIT HAVAGVINGNI UQAUDJITIT

 

Amihuyugut ikayuqtiqagakhaitugut Havaktit Uqaujiyianit, kihimik ihumaliurutigilugu ayukhautauyumik havagvingmi aanniarunmik taimalunniit aanniqnikkut. Mamitirnahuaniinaungittukkut nakuuhittirnikkullu, havaliqtukhauyutit aghurnaqtunik makpiraanik titiraqlutillu aullaqtitailutillu havaktinut aanniqtailinirmut havalimaiqqatalu nalliqtarvik. Qauyimayugut havangnaqpiaktut aghungnaqpiaktullu.  

UVUUNA HAVAGVINGNI UQAUDJITIT  


Havaktit Uqaudjiyianit Havagvik (WAO) haliyuq ikayuutikhanik aanniqtunut havaktinut ilagiiktunullu makpiraanik havaktitlugit. Havagvingni Uqaudjiyi ilaungittuq ukunani Havaktinut Aanniqtailinirmut Havalimaiqqatalu Nalliqtarvik (WSCC-kut); inmikkuktut ikayuqtikhat aanniqtunut havaktinut. Havaktit Uqaudjiyianit Havagvik (WAO-kut) ikayuqpaktait aanniqtunut havaktinut titiraqtitlugit hanaqitilugillu Havaktinut Aanniqtailinirmut havalimaiqqata nalliqtarvikmut tuyutikhanik ikayuqtiuplutiklu makpiraliqititlugit. Makpiraliqidjutait angiqtaungitpata, Havaktit Uqaudjiyi ikayuqtaaqtuq hapkuninga havaktitlugit.

Takulugu nunangni Havagvingni Uqaudjitit:


Yellowknife - Garry Tkachuk, Havagvingni Uqaudjitit

Garry nunaqaqtuq Ukiuqtaqtumi havagvigiplugu, 35-ni ukiuni havaarihimayaa. Hapkunani ukiuni, aulaqpakhimayuq amihunut nunallaanut Nunatsiaqmi Nunavunmillu. Garry akhuuqpaktuq uuktuqpauhiallu ihuariyauvaktuq amihunit havaktinit havagvingni kavamatkunit, nanminiqaqtunit, havagviuyunillu. 

 

Garry akhuuqpiaqpaktuq ikayurnahuaqhugit Ukiuqtaqturmiut angiktaulimaitun tukhiqtauhimayait maniktautikhainutpiyakhainut akhuurutigivakta Havaktinut Uqaudjiyip. Pinahuaqpakta ikayuutikhanik havaktit uuktuqpakhimayut maniktautikhainutpiyakhainut kangiqhinaqpiatumik, ihuaqut inirnariqpakhutiklu. 

 

Iqaluktuttiaq- Attima Hadlari, Tuklia Havaktinut Uqaudjiyi

Attima ihuaqtunik havaarivakhimayait uqaqtiliqtuinikkut numiktitirinikullu Kavamangat Nunavut havaariyaminut uminga Tuklia Havaktinut Uqaudjiyi. Uqaqtakhunillu Ukiuqtaqturmiunut tamani Nunavunmi Uqahiinik allatqiktunik, Inuinnaqtun Inuktitutlu. Uqaqqatigiplugu aanniqhimayuq havakti uqauhianik uqaqhuni aturumayanik, Attima ikayuqpaktait havaktit nalluyainik atuqtakhat.  

 

Havakpakhuni allatqiiktuni katimayini aullaakpakhunillu Nunavunmi, Attima pittiaqtauvaktuq ihuariyauplunillu havaqatiminit havaqatigingnikkut. Inirnarikhivaktuq hiammitiqtakhaungittuniklu havaghanik havaktunut ilagiiktunullu. 

KITKUT HIVAYAQTAAQQAT HAVAKTUNUT UQAUDJIYIMUT?


WAO-kut hailiyuq ikayurniakhimayuq tamainik aanniqtunik havakhutik ilagiiktunullu WSCC-kut makpiraanik havaktitlugit. Iikayurniakhimayut hailiyut hanaqititlutit WSCC-kut makpiraanik havaktitlugit, hivuani inniqtinagit makpiraanik titiraqtakhanik, hivuagulluunniit upautitinnatit Ihivriukhinikkut Katimayiralaanut Uuktuvvaruktinut Ihuaghaiyinut Katimayiit. 

 

 

AKILIQTUKHAUVAT ATURNIIT HAVAKTUNUT UQAUDJIYIT ATUQTAKHAT?

Tamaita atuqtakhat tuniyauyut WAO-kunit hailiyut akiittumik aanniqtunut havaktunut ilagiiktunullu.

 

 

TAMAITA HUNAUVAT ATUQTAKHALLUANGIT HAVAKTUNUT UQAUDJIYIT HAVAKPAKTAIT?

WAO-kut ikayuqpaktut amihunut ikayuutikhanik atuqtaghat havaktunut anniqtunut Nunatsiaqmi Nunavunmillu, ilauyut hapkuat:

  • Pittaqhutiklu kangiqhidjutikhanik WSCC-kunit inungnik ikayurakhaminik;
  • WSCC-kunut inungnik uqauhikhainik ikayuqpaktut;
  • WSCC-kut atuqtakhainik makpiraanik nkangiqhipkainiikut ihumaliurutikhaniklu;
  • Ihivriuklutik tutqumavinik naunairutikhanik, pittaqtutlu naunaiyautinik ikayuutikhat uuktuutainut;
  • Ikayuqhugit aanniqhimayut havakhutik ihuakhainikkut titiqanik tuyuutikhanik WSCC0kunut ihumaliuqtinut; taimalu
  • Uqaudjiplutik inungnik uuktuqtunik allanik ikayuqtauvikhainik nunamingni.

QANURILIUQPAKPAT AANNIQHIMAYUQ HAVAKTUQ UQAQVIGIYANGAGIT HAVAKTUNUT UQAUDJIYI?

Aanniqtuq Havaktuq ilagiitlunniit uqaqvigiyarangatik WAO-kut makpiraanik hanaqiliqpaktut. Makpiraanik hanaqiliqpaktut uuktuutinik atuqtainik. WAO-kut tukhikhunguyut adjiliukhimayunik makpiranginik inuup WSCC-kunit ihivriuktakhaminik, naunaiyaiyut uuktuutit ihuariakhainik. Uuktuutit ihuaqqata, WAO-kuthivayakhunguyait aanniqtut havaktit kangiqhipkaidjutikhanik atuqtakhanik. Tunihiniaqtut ikayuutikhamingnik naiunaikhilutiklu qanuriliurutikhainik.

 

 

HUMITPAT HAVAKTUNUT UQAUDJIYIT HAVAGVIIT?

Havaktunut Uqaudjiyit Havagviit ittut Yellowknife-mi, ikayuqpaktut Nunatsiamiutanik, Iqaluktuttiami, ikayuqtukhat Nunavunmiunik. 

NAUNAIKHIDJARIKHIYUMAGUVIT ?


Naunaikhidjarikhiyumaguvit WAO-kut hunauyakhaillu pittaaktakhat, takulugu www.workersadvisor.ca hivayaqlugiluunniit:

Yellowknife, NT

Hivayauta:  (867) 445-7303

Kayumiktukkut:  (867) 920-7101

Qaritauyakkut:  [email protected]

 

Nunavunmi

Hivayauta: (867) 979-5303

Kayumiktukkut: (867) 983-2187

Akiittuq: 1-866-727-3830

Qaritauyakkut: [email protected]

wscc.nt.ca   /  1.800.661.0792   *   wscc.nu.ca  /  1.877.404.4407