ᔪᓚᐃ 2014

ᐃᖅᑲᓇᐃᔭᕐᕕᒋᔭᕕᑦ ᐅᖃᐅᔾᔪᐃᔨᖓᑦ ᖃᐅᔨᒪᓕᕐᓗᒍ

 

ᑕᒪᒃᑭᑲᓴᒃᑐᒃᓴᐅᔪᒍᑦ ᐃᑲᔪᖅᑕᐅᔭᕆᐊᖃᓚᐅᕐᓯᒪᓇᑕ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᐅᕙᒃᑐᓄᑦ, ᑭᓯᐊᓂ ᑕᐅᑐᙳᐊᕐᓗᑎᑦ ᐊᒃᓱᕈᕐᓇᖅᑐᒥ ᐃᖅᑲᓇᐃᔭᕐᓂᕈᕕᑦ ᓲᕐᓗ ᐋᓐᓂᐊᕐᑖᕐᓇᖅᑐᓂᓐ ᐋᓐᓂᕐᓯᒪᔪᓂᓘᓐᓃᑦ. ᐊᒃᓱᕉᑎᖃᑐᐃᓐᓇᕈᓐᓃᕐᓗᑎᑦ ᒪᒥᑎᑦᑎᓇᓱᐊᕐᓂᕐᒥᒃ ᐱᔪᓐᓃᕐᑎᑦᑎᓇᓱᖕᓂᕐᒥᒡᓗ, ᐊᒻᒪᑦᑕᐅᖅ ᐱᓕᕆᐊᒃᓴᖃᕆᓪᓗᑎᑦ ᐸᐃᑉᐹᓕᕆᔭᕆᐊᖃᕐᓂᕐᒥᒃ ᐊᒻᒪ ᐊᑐᒐᕆᔭᕆᐊᖃᕐᓂᐊᖅᑐᓂᒃ ᑎᑎᕋᕆᐊᖃᕐᓂᖅ ᐃᓚᒋᔭᐅᓂᖏᓐᓄᑦ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᓄᑦ ᐃᑲᔫᓯᐊᕐᓂᓕᕆᓂᕐᒧᑦ. ᑐᑭᓯᐅᒪᔪᒍᑦ ᑖᓐᓇ ᐊᒃᓱᕈᓗᐊᓕᕐᓇᕈᓐᓇᕐᒪᑦ. 

ᑖᓐᓇ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᐅᔪᖅ
 

ᑖᓐᓇ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᒻᒪᕆᖕᓄᑦ ᑎᑎᕋᕐᕕᒃ (WAO) ᐃᑲᔪᖃᑦᑕᕈᓐᓇᑦᑎᐊᕐᑐᖅ ᐃᖅᑲᓇᐃᔭᕐᕕᖕᒥᓂ ᐋᓐᓂᖅᑐᕕᓂᕐᓂᒃ ᐃᓚᖏᓐᓂᑦ ᑮᓇᐅᔭᖅᑖᕋᓱᒃᑎᓪᓗᒋᑦ ᐋᓐᓂᖅᑐᕐᓯᐅᑎᖏᓐᓂᒃ. ᑖᓐᓇ ᐅᖃᐅᔾᔪᐃᔨᐅᔪᖅ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᙱᓚᖅ ᐃᖅᑲᓇᐃᔭᖅᑎᓄᑦ ᐋᓐᓂᖅᑕᐃᓕᒪᔪᓕᕆᓂᖅ ᐊᒻᒪ ᐋᓐᓂᕐᑐᖃᕐᓂᖅᐸᑦ  ᓇᓪᓕᐅᒃᑯᒫᓕᕆᔨᒃᑯᓐᓄᑦ (WSCC); ᐃᓛᒃᑰᕐᖢᑎᒃ ᐃᑲᔪᖅᐸᒃᑐᑦ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ. ᑖᓐᓇ(WAO)ᐃᑲᔪᖅᐸᒃᐳᖅ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ ᐊᑐᐊᖅᓯᑦᑎᐊᖁᓪᓗᒋᑦ ᐋᓐᓂᕐᑐᖃᕐᐸᑦ ᓇᓪᓕᐅᒃᑯᒫᖅᑖᕋᓱᖕᓂᒃᑯᑦ ᐊᒻᒪ ᐃᑲᔪᖅᓱᐃᕙᒃᖢᑎᒃ ᐃᑲᔫᓯᐊᕐᐸᓪᓕᐊᓇᓱᒃᑎᓪᓗᒋᑦ. ᐃᑲᔫᓯᐊᕋᓱᒃᑐᖅ ᐊᖏᖅᑕᐅᖏᓐᓂᕐᒧᑦ ᐅᓐᓂᕐᓗᒋᐊᖃᕐᐸᑦ, ᑖᓐᓇ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᐅᔪᖅ ᐃᑲᔪᕈᓐᓇᕐᒥᔪᖅ ᑕᒪᒃᑯᑎᒎᓈᖅᑎᓪᓗᒋᑦ.

ᑲᑎᖃᑎᒋᒍᒃ ᓄᓇᔅᓯᓐᓂ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨ:


ᔭᓗᓇᐃᒥ-ᒋᐅᕆ ᑦᑲᑦᓴᒃ, ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨ

ᒋᐅᕆ ᖁᕕᐊᓱᒻᒪᕆᒃᐳᖅ ᓄᓇᖃᕆᐊᒃᓴᖅ ᐃᖅᑲᓇᐃᔭᕐᖢᓂᓗ ᐅᑭᐅᖅᑕᖅᑐᒥ, ᑕᐃᒪᐃᓯᒪᓕᖅᐳᕐᓗ ᐊᕐᕌᒍᓄᑦ 35 ᐅᖓᑖᓄᑦ. ᒫᓐᓇᐅᓕᖅᑎᓪᓗᒍ, ᓂᐅᕐᕈᖃᑦᑕᕐᓯᒪᓕᖅᐳᖅ ᐊᒥᓱᓄᑦ ᓄᓇᓕᖕᓄᑦ ᓄᓇᑦᑎᐊᒥ ᓄᓇᕘᒥᓗ. ᒋᐅᕆᐅᑉ ᐊᒃᓱᕈᖃᑦᑕᕐᓂᖓ ᐱᓇᓱᐊᑦᑎᐊᕐᓂᖓᓗ ᐃᑲᔫᑎᖃᕐᓯᒪᕗᖅ ᐃᒃᐱᒋᔭᐅᑦᑎᐊᕐᓂᕐᒥᓄᑦ ᖃᐅᔨᒪᔭᖏᓐᓂᑦ ᑕᒪᐃᓐᓂᑦ ᖁᕝᕙᓯᓕᕇᖕᓂᑦ ᒐᕙᒪᒃᑯᓐᓂ, ᓇᖕᒥᓂᖃᖅᑐᓂ, ᐊᒻᒪᓗ ᐱᓕᕆᕝᕕᖃᖅᑐᓂ.

 

ᒋᐅᕆ ᐊᒃᓱᕈᒻᒪᕆᒃᐸᒃᐳᖅ ᐃᑲᔪᕋᓱᒃᖢᓂ ᐅᑭᐅᖅᑕᖅᑐᒥᐅᓂᒃ ᐱᓇᓱᒃᑕᒥᖕᓂᒃ ᐱᔪᓐᓇᖁᓪᓗᒋᑦ ᐊᒻᒪ ᐃᓱᒪᒋᑦᑎᐊᕐᓯᒪᕚ ᐱᓇᓱᐊᒐᕆᒐᒥᐅᒃ ᐃᖅᑲᓇᐃᔭᖅᑎᓂᒃ ᐅᖃᐅᔾᔪᐃᒋᐊᖅᑎᐅᓂᓂ. ᑐᕌᒐᕆᕚ ᐃᖅᑲᓇᐃᔭᖅᑎᑦ ᐃᑲᔪᖅᓯᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑐᐊᒐᕐᓂᒃ ᐊᑐᕆᐊᖃᕐᓂᐊᖅᑎᓪᓗᒋᑦ ᐃᖅᑲᓇᐃᔭᕐᑎᓄᑦ ᓇᓪᓕᐅᒃᑯᒫᓕᕆᑎᓪᓗᒋᑦ ᓇᓗᓇᖏᑦᑎᐊᖅᑐᒥᒃ, ᓈᒻᒪᖅᑯᑦᑐᒥᒃ.

 

ᐃᖃᓗᒃᑑᑦᑎᐊᒥ-ᐊᑦᑎᒪ ᕼᐋᑦᓚᕆ, ᑐᒡᓕᕆᔭᐅᔪᖅ ᐃᖅᑲᓇᐃᔭᕐᑎᓄᑦ ᐅᖃᐅᔾᔪᐃᔨᒧᑦ

 

ᐊᑦᑎᒪ ᐊᔪᖏᑦᑎᐊᖅᑐᖅ ᑐᓵᔨᐅᓂᕐᒥᒃ ᑎᑎᖅᑲᑎᒍᓪᓗ ᒐᕙᒪᒃᑯᓐᓄᑦ ᓄᓇᕘᒥ ᑕᕝᕗᖓ ᑐᒡᓕᐊᓄᑦ ᑖᔅᓱᒪ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᒧᑦ. ᐅᖃᖃᑎᖃᕈᓐᓇᑦᑎᐊᕐᑐᖅ ᐅᑭᐅᖅᑕᖅᑐᒥᐅᓂᒃ ᓇᓂᓕᒫᖅ ᓄᓇᕗᒻᒥ ᐃᓄᐃᑦ ᐅᖃᐅᓯᖏᑦ ᐊᔾᔨᒌᖏᑦᑐᑦ ᐅᖃᐅᓯᖏᑎᒍᑦ, ᐃᓚᒋᔭᐅᓪᓗᑎᒃ

ᐃᓄᐃᓐᓇᖅᑐᓐ ᐃᓄᒃᑎᑐᓪᓗ. ᐅᖃᖃᑎᖃᕈᓐᓇᕐᖢᓂᓗ ᐃᖅᑲᓇᐃᔭᖅᑎᒥᒃ ᐋᓐᓂᕐᓯᒪᔪᒥᒃ ᐊᑐᕈᒪᔭᖓᓂᒃ ᐅᖃᐅᓯᕐᒥᒃ ᐊᑐᕐᓗᓂ, ᐊᑦᑎᒪ ᐃᑲᔪᕈᓯᖃᕐᐳᖅ ᐃᖅᑲᓇᐃᔭᖅᑎᓂᒃ ᐊᑐᖅᑕᐅᓕᒪᖏᑦᑐᒃᑯᑦ. 

 

ᐃᖅᑲᓇᐃᔭᖅᐸᖕᓂᑰᕗᕐᓗ ᐊᔾᔨᒌᙱᑦᑐᓂ ᑲᑎᒪᔨᓂ ᐊᒻᒪ ᓄᒃᑕᕐᑲᑦᑕᕐᓯᒪᓪᓗᓂ ᓄᓇᕗᓕᒫᒥ, ᐊᑦᑎᒪ ᐋᔩᖃᑎᒌᖕᓇᑦᑎᐊᖅᑐᒥᒃ ᐊᒻᒪ ᐃᒃᐱᒍᓱᖕᓂᖃᑦᑎᐊᕐᐳᖅ ᐃᖅᑲᓇᐃᔭᖃᑎᖃᕐᖢᓂ. ᐃᑲᔪᖅᐸᒃᐳᖅ ᑐᐊᕕᕋᓂ ᐊᒻᒪ ᑲᙳᓇᕐᓂᖓ ᐃᒃᐱᒋᑦᑎᐊᖢᓂᒋᑦ ᐃᖅᑲᓇᐃᔭᖅᑎᐅᔪᖅ ᐊᒻᒪ ᐃᓚᖏᑦ. 

ᑭᓇ ᖃᐅᔨᒋᐊᕈᓐᓇᕐᐸ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᒥᒃ?


ᑖᒃᑯᐊ (WAO) ᐃᑲᔪᖃᑦᑕᕈᓐᓇᖅᑐᑦ ᑕᒪᐃᓐᓂᒃ ᐋᓐᓂᖅᑐᕕᓂᕐᓂᒃ ᐃᓚᒋᔭᖏᓐᓂᒡᓘᓐᓃᑦ ᑖᒃᑯᓂᖓ WSCC-ᑯᓂᑦ ᐱᓇᓱᒐᒃᓴᓂᒃ. ᐃᑲᔪᖅᑕᐅᕕᒃᓴᐅᓲᖅ ᓇᓕᐊᓐᓂᑐᐃᓐᓇᑦᑎᐊᖅ ᑖᒃᑯᐊ ᐱᓇᓲᑕᐅᕙᒃᑐᑦ ᐃᓗᓕᖏᓐᓃᑦᑐᓂᒃ, ᐱᔭᕇᓵᕐᓂᕐᓂ ᐱᓇᓲᑎᒋᔭᑎᑦ, ᐅᕝᕙᓘᓐᓃᑦᓴᖅᑕᐅᓕᒑᓕᖅᐸᑕ ᑕᑯᔭᐅᔭᕆᐊᖃᕐᓗᑎᒡᓗ ᖃᐅᔨᓇᓱᐊᖅᑎᑦ ᑲᑎᒪᔨᖏᓐᓂᑦ ᐅᕝᕙᓘᓐᓃᑦ ᐊᖏᖅᑕᐅᙱᓐᓂᕐᓕᐅᕈᑎᑦ ᓴᖅᑭᓚᐅᖏᓐᓂᖏᓐᓂ. 

 

 

ᑮᓇᐅᔭᒥᒃ ᐊᑐᕆᐊᖃᖅᐹ ᐃᑲᔪᖅᑎᒋᓂᐊᕐᓗᒋᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᖅᓱᐃᒋᐊᖅᑎᑦ?

ᑕᒪᕐᒥᒃ ᐃᑲᔫᑎᒋᔭᐅᔪᓐᓇᖅᑐᑦ ᑖᒃᑯᓇᙵᑦ WAO-ᑯᓐᓂᑦ ᐊᑐᒐᒃᓴᐅᕗᑦ ᐊᑭᖃᙱᓪᓗᑎᒃ ᐋᓐᓂᖅᓯᒪᔪᒧᑦ ᐃᖅᑲᓇᐃᔭᖅᑎᒧᑦ ᐃᓚᖏᓐᓄᓪᓘᓐᓃᑦ.

 

 

ᑭᓱᓪᓚᕆᐅᕙᑦ ᐃᑲᔫᑕᐅᔪᓐᓇᕐᑐᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᐅᑉ ᐱᓂᐊᒐᒃᓴᖏᑦ?

ᑖᓐᓇ (WAO) ᐱᔭᒃᓴᐅᑎᑦᑎᕗᖅ ᐊᔾᔨᒌᙱᑦᑐᓂᒃ ᐃᑲᔫᑎᒋᔪᓐᓇᖅᑕᖏᓐᓂᒃ ᐃᖅᑲᓇᐃᔭᖅᑎᓄᑦ ᐋᓐᓂᖅᓯᒪᔪᓄᑦ ᓄᓇᑦᑎᐊᕐᒥ ᐅᕝᕙᓘᓐᓃᑦ ᓄᓇᕘᒥ, ᐅᑯᐊ ᐃᓚᐅᓪᓗᑎᒃ: 

  • ᑐᑭᓯᔭᐅᔪᒪᔪᓂᒃ ᐱᔾᔪᔾᔨᔪᓐᓇᕐᖢᑎᒃ (WSCC)-ᑯᓐᓂᑦ ᐱᔪᒪᔭᖏᑦ ᒪᓕᒡᓗᒋᑦ;
  • ᐃᑲᔪᖅᐸᒃᖢᑎᒃ ᐃᑲᔪᕋᓱᐊᖅᑕᒥᖕᓂᒃ ᐅᖃᖃᑎᖃᑦᑎᐊᕐᓂᕐᒥᒃ (WSCC)-ᑯᓐᓂᒃ;
  • ᑐᑭᓯᓇᕐᓯᑎᑦᑎᓗᑎᒃ ᑖᒃᑯᐊ (WSCC)-ᑯᑦ ᖃᓄᐃᓕᐅᖅᐸᓪᓕᐊᓂᖏᓐᓂᒃ ᐊᒻᒪ ᖃᓄᐃᓕᐅᕐᓂᐊᕈᒪᓂᖏᓐᓂᒃ;
  • ᕿᒥᕐᕈᕙᒃᖢᑎᒃ ᑲᑎᓯᒪᔪᓂᒃ ᖃᓄᐃᑉᐸᓪᓕᐊᓂᖓᑕ ᓇᓗᓇᐃᖅᓯᔾᔪᑎᓂᒃ, ᐊᒻᒪ ᐱᓇᓱᒃᑲᓐᓂᖅᐸᒃᖢᑎᒃ ᐃᓚᐅᔭᕆᐊᓕᖕᓂᒃ ᑕᕝᕙᓂ ᑎᑎᖅᑲᖁᑎᖏᓐᓂ ᐃᑲᔪᖅᑐᐃᒃᑲᓐᓂᕈᑎᒃᓴᓂᒃ; 
  • ᐃᑲᔪᖃᑦᑕᖅᐳᑦ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ ᐋᖅᑭᒃᓱᐃᑎᓪᓗᒋᑦ ᐊᒻᒪ ᑐᓂᓯᑎᓪᓗᒋᑦ ᐱᓇᓲᑎᒥᖕᓂᒃ (WSCC)-ᑯᑦ ᖃᓄᐃᓕᐅᕈᒪᓕᖅᐸᓪᓕᐊᓂᓕᒫᖏᓐᓂ; ᐊᒻᒪᓗ
  • ᑲᒪᒋᔭᐅᒃᑲᓐᓂᖅᑎᑦᑎᕙᒃᖢᑎᒃ ᓄᓇᓖᑦ ᐊᓯᖏᓐᓄᑦ ᐃᑲᔪᖅᑎᒃᑲᓐᓂᐅᔪᓄᑦ.

ᖃᓄᓐᐃᓐᓇᔭᖅᐸ ᑕᐃᒪ ᐋᓐᓂᖅᓯᒪᔪᒥᒃ ᐃᖅᑲᓇᐃᔭᖅᑎᒥᒃ ᖃᐅᔨᒋᐊᖅᑐᖃᖅᐸᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᒥᒃ?

 

ᐃᑲᔪᓯᒋᐊᕋᔭᖅᑐᑦ ᐋᓐᓂᖅᓯᒪᔪᒥᒃ ᐃᖅᑲᓇᐃᔭᖅᑎᒥᒃ ᐅᕝᕙᓘᓐᓃᑦ ᐃᓚᒋᔭᖓᓂᒃ ᖃᐅᔨᒋᐊᖅᑐᖃᖅᐸᑦ (WAO)-ᑯᓐᓄᑦ. ᖃᖓᓕᒫᖅ ᖃᓄᑎᒋᒃ ᐃᑲᔪᕋᓱᐊᖅᑕᐅᓯᒪᑎᒋᒐᓗᐊᕈᕕᑦ ᐃᑲᔫᓯᐊᖅᑖᕋᓲᑎᖕᓄᑦ. ᑖᒃᑯᐊ (WAO)-ᑯᑦ ᑐᒃᓯᕋᖅᓂᐊᖅᐳᑦ

ᓇᓕᖅᑲᖏᓐᓂᒃ ᐃᑲᔪᖅᑕᐅᓇᓱᒃᑑᑉ ᑎᑎᖅᑲᖅᑕᖏᑦ ᓄᐊᑕᐅᓯᒪᔪᑦ (WSCC)-ᑯᓐᓂᑦ,ᕿᒥᕐᕈᔭᐅᓂᐊᕐᓗᑎᒡᓗ ᖃᐅᔨᔾᔪᑕᐅᔪᓐᓇᕐᓂᐊᕐᓗᑎᒡᓗ ᑖᓐᓇ ᐱᓇᓲᑎ ᐊᑐᕐᓂᖃᑦᑎᐊᕈᓐᓇᕐᒪᖔᑦ. ᐱᓇᓲᑎᓕᐊᖑᓯᒪᔪᖅ ᐊᑑᑎᖃᑦᑎᐊᕈᓐᓇᕐᐸᑦ, ᑖᒃᑯᐊ (WAO)-ᑯᑦ ᑐᓴᖅᑎᑦᑎᓇᔭᖅᐳᑦ ᑖᒃᑯᓄᖓᑦᑎᐊᒻᒪᕆᒃ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᐊᐅᓚᓂᖓᓂᒡᓗ ᑐᓴᖅᑎᓕᕐᓗᒋᑦ. ᐃᑲᔪᕐᓂᐊᓕᕐᓗᑎᒡᓗ ᖃᓄᐃᓕᐅᖅᐸᓪᓕᐊᓂᐊᓕᕐᓂᖏᓐᓂᒃ. 

 

ᓇᓂ ᑕᐃᒪ ᐃᖅᑲᓇᐃᔭᖅᑎᓄᑦ ᐅᖃᐅᔾᔪᐃᔨᒃᑯᑦ ᑎᑎᕋᕐᕕᖃᖅᐸᑦ? 

ᑖᒃᑯᐊ (WAO)-ᑯᑦ ᐃᓂᖃᖅᐳᑦ ᔭᓗᓇᐃᒥ, ᓄᓇᑦᑎᐊᕐᒥᐅᓂᒃ ᐃᑲᔪᖅᐸᒃᖢᑎᒃ, ᐊᒻᒪᑦᑕᐅᖅ ᐃᖃᓗᒃᑑᑦᑎᐊᒥ, ᓄᓇᕗᒻᒥᐅᓂᒃ ᐃᑲᔪᖅᐸᒃᖢᑎᒃ.

ᑐᑭᓯᒋᐊᓪᓚᒃᑲᓐᓂᕈᒪᕖᑦ?


ᑐᑭᓯᒋᒃᑲᓐᓂᕈᒪᑐᐊᕈᕕᑦ ᑖᒃᑯᐊ (WAO)-ᑯᑦ ᒥᒃᓵᓄᑦ ᐊᒻᒪ ᖃᓄᐃᑦᑐᓂᒃ ᐃᑲᔫᑎᖃᕈᓐᓇᕐᒪᖔᑕ, ᐅᕗᖓ ᖃᐅᔨᒋᐊᕆᑦ  www.workersadvisor.ca ᐅᕝᕙᓘᓐᓃᑦ ᑎᑎᕋᕐᓗᑎᑦ ᐅᑯᓄᖓ:

ᔭᓗᓇᐃᕝ, ᓄᓇᑦᓯᐊᖅ

ᐅᕐᑳᓚᐅᑖ: (867) 445-7303

ᓱᒃᑲᔪᒃᑯᑦ (867) 920-7101

ᐃᕐᒌᓐᓈᕈᑎᒃᑯᑦ: [email protected]

 

ᓄᓇᕗᑦ

ᐅᕐᑳᓚᐅᑖ: (867) 979-5303

ᓱᒃᑲᔪᒃᑯᑦ: (867) 983-2187

ᐊᑭᖃᖏᑦᑐᖅ: 1-866-727-3830

ᐃᕐᒌᓐᓈᕈᑎᒃᑯᑦ: [email protected]

wscc.nt.ca   /  1.800.661.0792   *   wscc.nu.ca  /  1.877.404.4407