June 2014
NUTAAT HAVAKTIIT UQAUTJIUTINGA

Tamna Havaktiit Uqautjiutinga Havakvinga (WAO) ikayuqpagait kiutjutiniklu aaniqtunut havaktinut Nunatsiaqmi Nunavunmilu.    

 

Takulugu Julaip makpiraanga pittaariaqni naunaitqiamik Garry Tkachuk-mut unalu Havaktiit Uqautjiutinga Havakvinga. 

 

 

PIPKAITJUTIHIMAGUIT: ILIHIMALUGIT PILAARUTIT
NUTAAT HAVAKTIIT PILAARUTINGIT MUNARIYAKHALLU AKHUURHAIYUT 

WSCC's nutaat havaktiit pilaarutingit Akhuurhaiyut, Pipkaitjutihimaguit: Ilihimalugit Pilaarutingit, pipkaitjutigiyaa havaktingit nanigiamikni nipingit huligiamiknilu naunaiyaigianahuaqqat atuliriaqqamiklu havakvingit pilaarutingit. Pilluaqhugit nutaat havaktiit,  Akhuurhaiyut ihumagilluaqtait hapkuat: inuulramiit havaktingit havalihaaliqtut; havaktingit havalihaalirahuaffaaqtut havaguillakhimallaktilluni; inuitlu nutaanguyut Kaanatamut. 

Titiraqhimayut ikayuutivagait havaktuq havagumangittumik qayangnaqtumi havakvikmi, ilihimagiami qayangnaqtut havakvikmi, ilaugiamilu havakvingit aaniqnaittumik pipkaigiamikni. Ukiuq tamaat, amigaitjuaqtut havaktingit Nunatsiaqmi Nunavunmilu aaniqpaktut havakvikmi. Ayuirhalutit qanuqtut aaniqtailigiaqni aaniqnaittumik havaarni; pulaarlugu qaritauyaqqut naunairyuumirumaguvit.    

 

AYUITTIAQNIQ KAANATAMI AKIMANAHUARNIQ

NWT unalu Nunavut Ayuittiaqniq Kaanatami Avikturhimaniq Akimanahuarniq piyuq Iqalungmi April 29mi, Yalunaimimy May 6mi. Sikuuqtut ilihaqtumi 9mit 12mut tamainni Nunatsiaqmi Nunavunmilu tautuktipkarait ayuitamiknik ilauplutiklu akhuraalukmik akimanahuarniqmik. 

 

WSCC maniitigut ikayuqpagait pipkaitjutigiplugulu Havakvikmi aaniqtailiniq Ayuittiaqniq Akimanahuarniq ukiuq tamaat, quviahuktugut takugiami Dawson Kovacs uumannga East Three Ilihariaryuumivikmi Inuvikmi akimapkainahuarhugu Nunatsiaq, unalu Nigel Neeveacheak uumannga Netsilik Iliharvinganit Taloyoami akimapkainahuarhugu Nunavut Kaanatami! Ilauyut akimanahuarniq Yalunaimi hivulliqpaariyaa Dawson ahinunngarmat Beaufort Delta-mit, malrukniklu Nigel ilauyuq  Akimanahuarniqmut. Quvianaraaluk tamainnut kaanatami akimayut Havakvikmi aaniqtailiniq, Brittany Arsenault, Saskatchewan-mit. Quvianaraaluk tamainnut sikuuqtut ilauyut tamainni Kaanatami.

TIGUMIAQTUUQATAUYUT ILAUYUT KATIMAYIIT

 

Akhuuqpiaqqit aaniqtailiniqmut? Ilauyumavit piiqtailigiami havakvikmi aaniarutingit aanirutinginniklu? Ikayurumavit naunairiami Ukiuqtaqtumi havakvingit qayangnaittut, unalu havaktingit aaniqtut havaktillugit munariyauvat? Angiruvit hapkununnga apirhuutinut, tamna Havaktiit Aaniqtailiniqmut Akiliuhianiqmut Katimayiingit (WSCC) nakuuqpiaqtumik havaakhalik iliknut.

 

WSCC piliuliqtuq Tigumiaqtuuqatauyut Ilauyut katimayiit (SEC) ikayuriami katitiqlugit ihuaqtumi pigiami naunaitkutaq pipkaitjutivaktuq ihumaliuqtaptiknik. Ilauyumik SEC-mut tuniniaqtutit kiutjutikhanik uqaqtakhaniklu amigaittunik aatlatqiinguyut pinahuarutinik, tigumiaqtuuqatauyut ikayuutinik, maliganik, aaniqtailiniqmut ikayuutikhat taiguagakhallu, amigaittutlu hunavaluit.

 

SEC-mi ilauyut manikhaqpakniaqtut hitamanik katimatjutimut manikhaq $275mik ($1,100 atauhiqmi ukiumi), naunaiyarniaquq qanuraaluktut ilaugumi. Katimayiuyukhaq malruukni ukiuni. WSCC qinirhiayuq katimayiuyukhanik pipkaiyut aatlatqiinik tigumiaqtuuqatauyukhanik, ukunaniklu havaktingit, atan'nguyat, inuitlu, tamainnit Nunatsiaqmi Nunavunmilu. 

 

Ilaugumaguvit alianaqtumik pipkaitjutimut ikayuriaqni hivumuuriami Ukiuqtaqtumi Aaniqtailinirmut pitquhinganik, naunaipkarluta! Tuyuqlugu havaatigut naunaitkutit, titiraqhimayarniklu huuq ilauyumayutit SEC-mut Tallimanguqtinnagu, June 27, June 27, 2014 Ikhivautalikmut, Tigumiaqtuuqatauyut Ilauyut katimayiit.  
 

NAOSH QUVIAHUUT  

NORTH AMERICAN-MI HAVAKVIKNI AANIQTAILINIKKUT AANIAQTAILINIKKULLU QUVIAHUUT  

 

NAOSH Quviahuut iniqtuq, aatlamik nakuuqpiaqtumik ukiumik quviahuutigiyut akhuurutininnganut aaniqtailiniqmut aaniaqtailiniqmullu havakvikmi, iglukni, nunagiyarnilu.

 

Tamna Aaniqtailiniqmut Apqutimi Yalunaimi takuyut qaffinik akhuuqtut ilauyut akimanahuat aatlatqiinit havakviuyunit akiniaqtut akimanahuarhutiklu, atauhiq ilauyut akimaplutik.

 

Iqaluit pipkaiqtut Aaniqtailiniqmut Ulapqiunik, ulapqiunik uuktuqtut aaniqtailiniqmut apirhuutinik, akimanahuaqhutik.

 

Ilauyut Inuvikmi katimayut Aaniqtailiniqmut Uqaqhutik akhuurutauniqmut atayumik havakvikmi aaniaqtailiniqmut aaniqtailiniqmullu (OHS) ihumaliurhutik.

 

Quvianaraaluk tamainnut NAOSH Quviahuutimut akimayut!

  • Inuvikmi - Lynn MacKinnon, Inuvialuit Nunagiyangani Kuapuriisingat
  • Iqalungmi - Qikiqtani Aaniarvik
  • Yalunaimi - SSi Micro's Qayangnaqtunik Piiqtuiyiit
  • Nutaqqat Akimanahuarniq Kalayunik - Inuvik Taiguaqvinga: Destiny, Kianna, Mischa, Madison, Alayna, unalu Maria
  • Ilihimayamiknik Minitsimik Akimanahuarniq - Stuart Hodgson Havakvikmi aaniqtailiniq Katimayiit 

ATANNIUNIQMUT KATIMAYIINGIT NAUNAIPKAINIQ 
NAUNAIPKAINIQ ROBERT GABUNA

Quviahuktugut uqariami Robert Gabuna nutaatqiyauyuq katimayiuyuq Atanniuniqmut Katimayiinginnut (GC).

 

Robert pilihaaliqtaa pingahunik ukiunik ilauyukhaq GC-mi Inuup Ilauyumayumut Ilaunahuarniq. GC-munngaqtuq aatlatqiinik qanuriliurninnga havaanginnik kavamatkunni nanminiqaqtumilu, unalu ayuitaminik tariup akiani Philippines-mi. Nunaqaqtuq tatja Iqalungmi. Robert  ilauniq aittuutinga ihumaliuqtamiknut tamainni Kaanatami ukunanik pipkaiplugu  Manitoba-mi Nunagiyangat Niruaqniqmut Pinahuarut, ikayuqtuq aatlatqiinguyut inungit pinahuarutingit Inunginnut Manituupamiutat Timimitigut Ayurhautilgit, havakhunilu Manitoba Kavamanganut havagiami to nanminiqarumayunut pinahuarut nuulihaaqtunut, amigaittuniklu. 

 

Robert hivulliqpaanga katimalihaarami GC-kunnut quuliqpaanguyuq pitjutaut, niriuktugutlu ilaugiami ukiunut amigaittunut.

MALIGAT AATLANGURNIQ

 

Atanniuniqmut Katimayiingit ihivriuqtaik angiqhugitlu aatlangurninngit hapkununnga maliganut katimatillugit June 2014mi: 
 

  • 09.02, Aaniqnaittumik Ikayuut. Una maligaq taiyauyuugaluaq 02.08, Aaniqnaittumik Ikayuut Pinahuarutimik.
  • 03.02, Pilaarutit.
  • 03.03, Pipkaitjutiyuq Pitillugulu Pitjutinganit Havakniq.
  • 03.06, Pilaarutingit Havakvikmi Aaniarutingit Manikhaqniq. Una maligaq taiyauyuugaluaq 03.06, Havakvikmi Aaniarutingit.
  • 03.07, Naunaiyainiq Tatjakaffuk Manikharvikhaq.
  • 04.10, Havakvikmut Akinga Nuutiqniq Ikayuutikhaqlu.
  • 11.02, Naunaipkainiq Aaniqtuqaqqat, Aaniaqtuqaliqqat Tuqutauqaqqatluuniit. Una maligaq taiyauyuugaluaq 11.02, Naunaipkainiq Aaniqtuqaqqat.

 

Takulugu una WSCC Policy Manual takugiaqni tamaita maligat. 
UYARAKHIUQVIKMI ANNAUTJIUNAHUAQNIQLU AKIMANAHUARNIQ
June 13-14, 2014

Ayuittiarniq ikayuutautiuyuqlu uyarakhiurniqmi annautjiunahuaqniqlu akimanahuat ittuq inuuyuq tuquyuqluuniit qilamiuqtuqaliqqat.

 

WSCC-kut ilauquyait inuit qun'ngiariamikmi 57nguyuq Ukiumi Uyarakhiuqtiit Annautjiunahuaqniqlu Akimanahuarniq  Yalunaimi June 13mi 14lu. Inuit katimayut takugiami uyarakhiurvinguaqtumi  hulaqutiryuanik qun'ngiaqhugitlu akimanahuaqtunit atuqtut akhuurutauyumik.

Tallimat akimanahuat hitamanit uyarakhiurvikmit qaiyut Nunatsiaqmit Yukon-mitlu uuktuqtut uumani ukiumi. Havaangit aatlangayuq ukiuq tamaat, pipkaitjutiplugit ilauyut aatlanguriami atuqtamiknik ilihimayamikniklu. Una quviahuut pipkaitjutiyuq pigiamikni annautjiunahuaqniqlu ulapqiyut  havaqatigiigiamikni ilauqatigiigiamikniklu ilauyunit aatlanit uyarakhiurvikmit. 

 

Uukturuiramitkik ilihimayamiknik ayuitamikniklu, uuktuqtut havaqatingitlu katimayut Uyarakhiuqniqmut Annautjiunahuaqniqlu Aittuutit Niripkainiq Explorer Hiniktarvingani. Ekati aggitiyaa uumani ukiup Tamainnit Qaanganit Ataanitlu Uyarakhiurviup aittuutingit.

 

WSCC quviahuktut maniitigut ikayuqtaat una quviahuutinga akhuurhimmaaqtuq atuliqtitauyuq havakvikmi aaniqtailiniq tamainni Ukiuqtaqtumi havakvingit.

INUVIK URHUQYUALIQINIRMUT TAUTUKTIPKAINIQ 
June 23-25,2014

Tamna 14nguqtuq Ukiumi Inuvik Urhuqyualiqinirmut Tautuktipkainiq piniaqtuq June 23 - 25 uumani Midnight Sun Ulapqivikyuangani Inuvikmi. Avatqumayut 500 ilauqatauniaqtut uqaqtillugit ihumaalutigiyamiknik Urhuqyuatigut Kaasiliitigutlu. Pulaaquyaffi WSCC-kunnut tautukvingani 52. Niriuktugut takugiaqni talvani! 

HAVAKVIIT UMIKHIMANAHUAT

24nik-IKAARNINIK HULITJUTINIQMUT NAUNAIPKAINIQ HIVAYAUTINGA:  

1-800-661-0792


Nunaqaqqaarhimayut Ublunga - June 21, 2014 (NWT Havakviuyut umikhimaniaqtuq Hivulliutmi, June 23)

Kaanatap Ublunga - July 1, 2014 (tamaita havakviuyut umikhimanahuat) 

Nunavut Ublunga - July 9, 2014 (Nunavunmi Havakvingit umikhimaniaqtuq) 

ILIHAITJUTIKHAMUT IKAYUUTIKHAT
AANIQTAILINIQMUT ILIHAITJUTIKHAT  

  

WSCC-kut, havaqatigiivutlu NTFL unalu Ukiuqtaqtumi Aaniqtailinirmut Katimayiit, tuniyugut ilihaitjutikhanik ukunuuna havakvikmi aaniqtailiniq ilihimaniqlu. Naunaiqhimaguit ilihaitjutikhanik!   

 

Ukiuqtaqtumi Aaniqtailinirmut Katimayiit - Uqaqvigilugu NSA-kut naunaitkutikhanik

 

Ihivriuqtiunnguriami Ilihainiq  YalunaimiJune 17mit-18mut
Hivuliqtiuyukhaq Aaniqtailiniqmut NakuutqianiqmutYalunaimiJune 19mit-20mut

 

WSCC-mut Munaqtiuyukhaq Aaniqtailiniqmut Ilihaitjut - naunairyuumirumaguvit naqitlugu una! 

 

Munaqtiuniqmut Aaniqtailiniq
KangirliniqmiJune 24mit-26mut

 

Nunatsiami Katimayiingit HavaamitigutNaunairyuumirumaguvit ilihaitjutikhanik naqitlugu una!


wscc.nt.ca   /  1.800.661.0792   *   wscc.nu.ca  /  1.877.404.4407