Maassi 2014

HUNAUYUQ HAVALIMAIQATA HIMAUTIKHAQ MANIKTAQVIKHANIK?

 

Taima tamna Havaktunut Qayangnaiyautikhat Himautikhaq Maniktaqvikhanik Katimayiingit itqumayumik ihumayut taima havagvingni aanniqtauhimayut aanniarutiqagumiklu ihuaqhigiaqaqtun, naunaiyagiikhimayut naunairutikhat, ukiuk tamaat tausinik avatqumayut havaktiit aanniqtauvaktun havaktilunik Nunatsiarmi Nunavunmilu. Aanniaqtaugaangamik havaktiit, haatpaktun talvuuna Havaktunut Qayangnaiyautikhat Himautikhaq Maniktaqvikhanik Katimayiingit ikayuutikharnik inmikkut ilanginutlu.

 

QAYANGNAIRNIKKUT MUNAGINIKKUTLU

 

WSCC-ngit ilaqatigiiqatigiyait tigumitjutiqaqtunik havagviini qayangnairnikkut, munagitjutikharniklu havaktinut, hivunikharnik talvani havagvingmi aanniarutingnik aanniqtailinikkutlu tamaini Nunatsiarmi Nunavunmilu. Tamna WSCC-ngit malrungnik hanaqidjutiqaqtuq: havaktinut havaktitiunutlu havakhimaagiangat qayangnaitumik. Qayangnairutikharniklu havakviani; munagitjutikharniklu havaktinut taima aanniqtaugumik aannirutingninlu havakhimaaqtilunik. 

 

Maligutikharnun havaktitiut maniktarvikharnikkut hanaqidjutikharni, kavamaliqihimayuq talvuuna Havalimaiqata Himautikhaq Maniktaqvikhanik Maligaq (ngit), qullangnaiyautikhaq munagiyaangat tamangnik havaktunut havaktitiunutlu. Havaktitiut akilikhivaktun ihivriudjutikharnik talvanga maniktaqvikharnun, Havaktunut Munagitjutikharnik Maniktaqvikhaq. Taima hiamitiqtitivaktuq akikhangit titiqiqiyaangat tapfuminga havaktunut maniktaqvikharnik tamaini havaktitiunin. Tamna hanaqitjutikhaq munaqtiuvangman havaktitiunut taima kuatiqtauliqinaitumik aanniqtauhimayunut havaktimin.

 

Tamna WSCC-ngit ikayuutigivaktun havaktinut munagiyainiklu taima akilikhaiplutik pitjutikharnik, atuqhutik hanaqitjutikharnik talvanga Havaktunut Munagitjutikharnik Maniktaqvikhaq. Pitjutikhaq ilauhimayuq talvuuna himiqtautikharnik manikharnik akiliktauyungnaigaangamik havaamingnin, akikharnik talvuuna aanniaqtunik ikayuutikharnik hanalrutikharniklu, allaniklu ikayuutikharnik piqaqtukhat havakvingmi aanniqtaugumik aanniarutiqaligumikluuniit.

 

Havalimaiqata himautikhat manikhat maligauyuq. Qaffiuyut havagvikyuat ilaungitun talvanga WSCC-kutni aturutikhainun. 

 

Hitamauyut hanaqitjutikhangit nalvaaqtauhimayunik hanaqitjutikhat talvuuna havaktinut himautikhat manikhaqnik imaitun:

  • Angigiikhimayuq Himautikhaq Manikhaq - Himautikhaq Manikhaq pigiaqaqtuq aaniqtauhimayunut havaktinut atugiaqagumitku atugiaqangitkumitkuluuniit, havaqatigiyait, havaktitiunutlu atugiaqaqtaingitlu. Taima havaktiit akiliuhiarutikharnik uuktugiaqaqtun havaktitiunut taima ayungnautiqaligumik havaamingni aanniarutingnik aaniqtaugumikluuniit;
  • Katitiqhimayuq Akiliuhiatikhaq - Havaktitiun ilaqatigiikhutik akiliktuivaktun himautikharnik maniktaqvikharnik aaniqtauhimayunut havaktinut; 
  • Nanminikkut Titiqiqinikkut Angirutikharnik - WSCC-kut munagihimaaqtait havaktiit havaktitiungitlu talvuuna havaktinut himautikharnik maniktaqvikhat maligaq; taimalu
  • Anginiqaqtunik Nunalaani - WSCC-kut ihumaliukhimayut kuatiliqiyaulimaitun ihivriuqtaulunik. Havakti havaktitiukluuniit angirutiqangitkumik tapkuninga WSCC-kutnik ihumaliukhimayainik talvuuna Ihivriuqtauliqiyunut Katimayiingit Ihuiguhuktuniklu Tuhaqtitiunik Katimayiinutlu. 

HAVALIMAIQATA AKILIKTUUTIKHAQ AANIQTAUQAQQAN

 

"Aulahimayut talvuuna" talvuunalu "aulahimaaqtiluni taima" akhuqnaqtun WSCC-kut naunairutikhangit talvuuna aaniqtaunikkut, taimalu aulahimaaqtiluni havakhimaaqtiluni aulayut talvuuna humi ikaaknikkutlu aaniqtauhimayuq. Tamangnik aulahimayukhat aaniqtautjunmun havaktingit havaatigun taima pigiaqagiangat himautikharnik manikharnik talvuuna havaktinut himautikharnik maniktaqvikharnik hanaqitjutingni. 

 

WSCC-kut nalvaaqhiyaangat himautikharnik manikharnik, naunaiyaiyukhat katitirvinga talvuuna aaniqtaunikkut havaktiim havaatigun. Havakti piqaqqan aanniarutmik aihinin havakvimni, himautikharnik maniktalimaituq.

 

Tamna WSCC-kut manikharnik aituinginaqtun havaktinut aaniqtaugumik talvanga havaamingni, aaniqtaungitunik havagiaqtuligumik havaguigumikluuniit, taima aulaqagumik havaamingnik ahitqugumi pangnairutikharni, (imaatun ituq, hulilukaaktilunik havaamingni ahitqugumik havaagiyangngitamingnik). WSCC-kut tunihimaanginaqtun havaktinut aqutkumik akhaluutmik akhaluutmiluuniit havakhimaaqtilunik. 

 

Ihuaqtumik ilituqgipkaiyut ayungnautigiyainik qiniqhimaaqtiluniklu munarhiliqitjutikharnik aanniarutiqaqtunut havaktiim manikharnik himautikharnik maniktaqvikharnik, taimalu WSCC-kut qillaminuaq ihumaliugiangat aulatitiyaangat havaktiim ihuaqhaitjutikharnik. 

 

AANIQTAUHIMAYUNUT ILITUQHAINIQ

 

Aaniqtauhimayut Havakti

Qiniqhimaarniq munarhiliqitjutikharnik hivulliqpaanguyuq havaktinut aaniqtauhimayunut. Havakti aaniqtaugumik havaktiluni, uqallautiyakhait aanniaqtailiqiyunut havaktimun havaktilunik aaniqtauhimayut. Havakti ilitugipkaktukhauyuq havaamingni aaniqtauyuq havaktitiungitlu qillaminuaq.

 

Aaniqtauhimayuq havakti ukiumik atauhirmik ilitugipkaktaqhagiyaat qanga aaniqtauhimayuq titiqatigun Havaktingit Ilitugitjutikhangit Aaniqtaunikkut talvani WSCC-kutni, kihimi qillaminuaq titirangit iniqtakhait namakumi. Taima qillaminuaq WSCC-kut aituqtaugumik havaktim himautjutikhat manikhat, aulaniaqtuq qillaminuaq pitjutikhangit ikayuutikhangitlu taima ikayugiangat havaktiim ihuaqhaqtauhimaaqtiluni havafaagiangat. 

 

Havaktitiuyuq

Havaktitiut munagiyakhait aaniqtauhimayuq havakti. Taima aituqtauyukhat aaniqtauhimayunut pangnairutikharnik akiliktuilutiklu ingilravikharnik qanitqiamun aaniaqvingmun, munarhitkunun, taktimunlu taimaitukhaugumi. Taima pingahunik ublungnik aaniqtauvianganin, iniqtiqtukhat tuniuhatlu Havaktitiunut Ilitugitjutikharnik Aaniqtaunikkut talvunga WSCC-kutnun, tuniuhatlu aadjiliuhimayumik tapfuminga aaniqtauhimayunut. Tamna Naunaituq Qayangnairutikhat Malirutikhangit piqaqtukhat havaktitiunut ihuaqtumik ilitugitjutikharnik tamainik aaniqtauhimayunik. 

 

Aanniaqtuliqiyikkut Munarhiliqiyungit

Taakti munarhitkunluuniit munagiyut aaniqtauhimayumik havaktimik titiraqtukhauyut ilitugitjutikharnik talvunga WSCC-kutnun taima pingahunik ublut qangiqtinani talvuuna hivullirnirmun ihivriuqtaunikkut munagiyauligumiluuniit munarhinin. Tamna Hivulliuyuq Aanniaqtailinikkut Ilitugitjutikhaq ikayuutaungman aaniqtauhimayunut havaktimun maniktagiangat. Aituqtauhimayut ihuaqtumik aanniaqtailiqinikkut munagitjutikharnik havaktimun havagiangat inuuhimaagiangat, taima namaligumi havakti taimailiugiaqaqtuq. 

 

Ilaqatigiiktun Munagiyakhaingit

Havagvingmi qayangnaitkutikhangit maniqtakvikhangitlu ilitugitjutikhangit tamaita havaktiit havaktakhait. Havaqatigiigumik, ikikliyumiqtitaaqtugut havakvingmi aaniqtailinikkut havaktinut ilamingnunlu, havaktitiunutlu taima ikayuutikhimaagumik qillaminuaq qayangnaitumiklu havaamingnun utigiangat.

 

Ilihaiqyumigumavit?

Tamna Tunnganiitun Nunaqyuangit Timituqangit Havaktunun aituihimaaqtun akiqangitumik atauhirmik ublumik ilihairutikharnik, talvuuna Ilituginahuaqnikkut Havaktingit Himautikharnik Maniktaqvikharnik, taima qunngiattiagutikharnik nalunnaitkutikharnik havaktimun himautikharnik manikharnik akiliktuutingit. Taima tunihimaaqtuq akiliktuutikhangit allatqiinik hanaqitjutikharnik ilituqhaiyangat hivunikharnik, pitjutikharnik, ikayuutikharniklu, ihuagiyaungitunik katimatjutikharnik hanaqitjutikharnik. Tamna NTFL ilihaihimaaqtitiyut uminga ilihairutikharnik talvani Nunatsiarmi Nunavunmilu. 

ILIHIMAVIT?

  1. Havaktut tuniyukhat uuminnga Havaktut Unipkaarutingit Aaniqtumik WSCC-kunnut pingahut ublut qaangiqtinnagu aaniqtautjutiminit.

  2. Aaniqtut havaktut atauhiqmik ukiumik titiraqtinnagit maniit utiqtitjutikhanginnik aaniqtautiminit.
  3. Aaniqhimayup hivulliutigiyakhaa aaniqtailininnganik. Munarhiliatjavutit qilamiuqlutit.
  4. Apirhuutinganik titirainnarialiuyutit Unipkaarutingit Aaniqtumik apirhuutinganik hivayautikut atuqlugu WSCC-kut Hivayautikkut - Manikhamik ikayuutautinganik. Ayurnaittuq hivayaqtutut Yalunaimut Iqalungmutluuniit havakvinganut.

  5. Amigaittunik apirhuutiqaqqit? Hivayarlugu WSCC-kut uumani 1-800-661-0792 Nunatsiami uumungaluuniit 1-877-404-4407 Nunavunmi, qaritauyakkutluuniit.
  
wscc.nt.ca/  1.800.661.0792   *   wscc.nu.ca  /  1.877.404.4407