ᒫᑦᓯ 2014

ᑭᓲᖕᒪᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒻᒫᓕᕆᔩᑦ?

 

ᑖᒃᑯᐊ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᐅᒃᐱᕈᓱᒃᑐᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᖅᑐᑦ ᐊᒻᒪᓗ ᐋᓐᓂᐊᑦ ᐊᑐᙱᑦᑐᓐᓇᖕᒪᑕ, ᐊᓪᓛᑦ, ᐊᕐᕌᒍᑕᒫᑦ ᑕᐅᓴᒐᓴᐃᑦ ᐃᖅᑲᓇᐃᔭᖅᑎ ᐋᓐᓂᖃᑦᑕᖅᑐᑦ ᐃᖅᑲᓇᐃᔭᖅᖢᑎᒃ ᓄᓇᑦᑎᐊᒥ ᓄᓇᕗᒻᒥᓪᓗ. ᐋᓐᓂᕌᖓᒥᒃ, ᓵᖃᑦᑕᖅᑐᑦ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔨᒃᑯᓐᓄᓪᓗ ᐃᑲᔪᖅᑕᐅᔪᒪᓪᓗᑎᒃ ᐃᒻᒥᓄᑦ ᐃᓚᒥᓄᓪᓗ. 

 

ᐊᑦᑕᖕᓇᖅᑕᐃᓕᒪᓂᖅ ᐊᒻᒪᓗ ᑲᒪᑦᑎᐊᖕᓂᖅ

 

ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗᐱᓕᕆᖃᑎᖃᖃᑦᑕᖅᐳᑦ ᐱᖁᑎᖃᖅᑎᐅᖃᑕᐅᔪᓂ ᑕᒪᒃᑯᐊ ᐃᖅᑲᓇᐃᔭᕐᕖ ᐊᑦᑕᖕᓇᖅᑕᐃᓕᒪᓃᑦ, ᑲᒪᑦᑎᐊᓃᑦ ᐃᖅᑲᓇᐃᔭᖅᑎᓂᑦ, ᐱᓇᓱᐊᓛᖑᓪᓗᑎᒃ ᐃᖅᑲᓇᐃᔭᕐᕕᖕᒥᑦ ᖃᓂᒻᒪᓯᖕᓂᑦ ᐋᓐᓂᖕᓂᓪᓗ ᐲᖅᓯᓇᓱᐊᖅᖢᑎᒃ ᓄᓇᑦᑎᐊᒥ ᓄᓇᕗᒻᒥᓪᓗ. ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᒪᕐᕈᐃᓕᖓᔪᓂ ᐊᐅᓚᓐᓂᖃᖅᐳᑦ: ᑕᒪᒃᑯᐊ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᑦᑎᔩᓪᓗ ᐃᖅᑲᓇᐃᔭᕈᓐᓇᖁᓪᓗᒋᑦ ᐊᑦᑕᖕᓇᖏᑦᑐᒥᑦ ᐊᑦᑕᖕᓇᙲᓐᓇᖅᑐᒥᒃᓗ ᐃᖅᑲᓇᐃᔭᕐᕕᖃᖁᓪᓗᒋᑦ; ᐊᒻᒪᓗ ᑲᒪᑦᑎᐊᖁᓪᓗᒋᑦ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓂ ᐅᕝᕙᓘᓐᓃᑦ ᖃᓂᒻᒪᓯᖅᑖᖅᑐᑦ ᐃᖅᑲᓇᐃᔭᖅᖢᑎᒃ.

 

 ᒪᓕᒐᓕᐊᖑᓯᒪᔪᑦ ᐃᖅᑲᓇᐃᔭᖅᑎᑦᑎᔩᓄᑦ-ᑮᓇᐅᔭᖃᖅᑎᑕᐅᔪᑦ ᓇᓪᓕᐅᒃᑯᒻᒫᕈᑎᓄᑦ, ᐊᐅᓚᑕᐅᓪᓗᑎᒃ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᓄᑦ ᐱᖁᔭᓂᑦ, ᓲᕐᓗ ᓇᓪᓕᐅᒃᑯᒻᒫᖑᕗᖅ ᓴᐳᔾᔨᓪᓗᓂ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔭᖅᑎᑦᑎᔨᓂᒃᓗ. ᐃᖅᑲᓇᐃᔭᖅᑎᑦᑎᔩ% ᐊᑭᓕᖅᓱᐃᕙᒃᐳᑦ ᑮᓇᐅᔭᖃᕐᕕᓪᓗᐊᑕᒥ, ᑖᓐᓇ ᐃᖅᑲᓇᐃᔭᖅᑎᑦ ᓴᐳᑎᔭᐅᓯᒪᓂᖏᓐᓄᑦ ᑮᓇᐅᔭᑦ. ᑕᒪᓐᓇ ᐊᕗᑎᑎᑕᐅᓇᓱᐊᖅᖢᓂ ᐊᑮᑦ ᑲᒪᒋᔭᐅᓂᖏᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᓕᕆᔾᔪᑎᖏᓐᓄᑦ ᐃᖅᑲᓇᐃᔭᖅᑎᑦᑎᔨᓕᒫᓂᑦ. ᑕᒪᓐᓇ ᓴᐳᒻᒥᔾᔪᑕᐅᕗᖅ ᐃᖅᑲᓇᐃᔭᖅᑎᑦᑎᔨᓂᑦ ᐃᖅᑲᖅᑐᐃᕕᒃᑰᖅᑎᑕᐅᔭᕆᐊᒃᓴᖅ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ.

 

 ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᐃᑲᔪᖅᑐᐃᕙᒃᐳᑦ ᐋᓐᓂᖅᑐᓂᑦ ᐃᖅᑲᓇᐃᔭᖅᑎᓂᑦ ᐸᖅᑭᔭᖏᓐᓂᒃᓗ ᐊᑭᓕᖅᓱᐃᓂᒃᑯᑦ ᐃᑲᔫᑎᑎᒍᑦ, ᐊᑐᖅᖢᑎᒃ ᑕᐃᑲᙵᑦ ᐃᖅᑲᓇᐃᔭᖅᑎᑦ ᓴᐳᑎᔭᐅᓯᒪᓂᖏᓐᓄᑦ ᑮᓇᐅᔭᖏᑎᒍᑦ. ᑕᒪᒃᑯᐊ ᐃᑲᔫᑎᑦ ᐃᓚᖃᕈᓐᓇᖅᐳᑦ ᓇᓪᓕᐅᒃᑯᒻᒫᓄ ᐃᑲᕐᕋᓄᑦ ᔭᒐᐃᔭᓄᑦ, ᐃᓅᓕᓴᖅᑕᐅᔾᔪᑎᓄᑦ ᐅᕝᕙᓘᓐᓃᑦ ᐱᖁᑎᒧᑦ, ᐊᒻᒪᓗ ᐊᓯᖏᓐᓄᑦ ᐱᔨᑦᑎᕋᐅᑎᓄ ᐊᑐᕆᐊᓖᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᑯᐊᓄ ᖃᓂᒻᒪᖕᓂᑯᐊᓄᓪᓘᓐᓃᑦ.

 

 ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᖃᕆᐊᖃᖕᓂᖏᑦ ᒪᓕᒐᐅᕗᖅ. ᓴᓇᕝᕕᐅᔪᑦ ᑭᑭᑕᐅᓯᒪᙱᓚᑦ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᐊᑐᕆᐊᓕᖕᓂᑦ.

 

 ᑎᓴᒪᓪᓗᐊᑕᐅᕗᑦ ᐊᒻᒪᓗ ᑐᙵᕕᒋᔭᐅᔪᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᓕᕆᔨᖏᓐᓄᑦ ᐅᑯᐊᖑᕗᑦ:

 

  • ᐸᓯᔭᒃᓴᖃᙱᓐᓂᒃᑯᑦ ᓇᓪᓕᐅᒃᑯᒻᒫᑦ - ᓇᓪᓕᐅᒃᑯᒻᒫᑦ ᐊᑐᐃᓐᓇᐅᔪᑦ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ, ᐃᒻᒥᓂᒃ, ᐃᖅᑲᓇᐃᔭᖃᑎᖏᓐᓄᓪᓘᓐᓃᑦ, ᐃᖅᑲᓇᐃᔭᕐᕕᖏᓐᓄᓪᓘᓐᓃᑦ ᐸᓯᔭᒃᓴᐅᓇᑎᒃ. ᐅᑎᒧᑦ, ᐃᖅᑲᓇᐃᔭᖅᑎᑦ ᐃᖅᑲᖅᑐᖅᑕᐅᑎᑦᑎᔪᓐᓇᖏᓚᑦ ᐃᖅᑲᓇᐃᔭᖅᑎᑦᑎᔨᓂᑦ ᓴᓇᕝᕕᖕᒥ ᐋᓐᓂᐊᖅᑖᕈᑎᒃ ᐋᓐᓂᕈᑎᒃᓘᓐᓃᑦ;
  • ᑲᑐᔾᔨᓂᒃᑯᑦ ᓵᑕᒃᓴᑦ - ᐃᖅᑲᓇᐃᔭᖅᑎᑦᑎᔩᑦ ᑲᑐᔾᔨᖃᑎᒌᒍᑎᖃᖅᐳᑦ ᐊᑭᖓᓂ ᓇᓪᓕᐅᒃᑯᒻᒫᕋᓱᒃᑐᒧᑦ ᐋᓐᓂᖅᓯᒪᔪᒧᑦ ᐃᖅᑲᓇᐃᔭᖅᑎᒧᑦ;
  • ᐃᓛᒃᑯᑦ ᐱᓕᕆᐊᖃᖕᓂᖅ ᐊᒻᒪᓗ ᐋᖅᑭᖅᑕᐅᕙᒃᑐᑦ - ᑖᒃᑯᐊ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᓴᐳᒻᒥᒃᖠᓲᑦ ᑕᒪᐃᓐᓂᒃ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔭᖅᑎᑦᑎᔨᓂᒃᓗ ᒪᓕᒃᖢᑎᒃ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᓕᕆᓂᖕᒧᑦ ᒪᓕᒑᓂᑦ; ᐊᒻᒪᓗ
  • ᐃᓛᒃᑰᑦ ᐱᔪᓐᓇᖕᓂᖃᖕᓂᖅ - ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᐋᖅᑭᒃᑕᖏᑦ ᐃᖅᑲᖅᑐᐃᕕᒃᑯᑦ ᕿᒥᕐᕈᔭᐅᔪᓐᓇᙱᓚᑦ. ᐃᖅᑲᓇᐃᔭᖅᑎ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᔨ
     ᐊᖏᖃᑎᖃᙱᒃᑯᑎᒃ
    ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔨᒃᑯᓐᓄᓪᓗ ᐋᖅᑭᒃᑕᓂ ᐊᔪᐃᓐᓈᕆᔪᓐᓇᖅᑑᒃ ᓇᓕᐊᒃ ᕿᒥᕐᕈᔨᒃᑯᑦ ᑲᑎᒪᔨᕋᓛᖏᑦᒍᑦ ᐊᒻᒪᓗ ᓴᖑᓂᐊᕐᕕᐅᕙᒃᑐᓄᑦ ᐃᖅᑲᖅᑐᐃᔨᙳᐊᓄᑦ

ᓇᓪᓕᐅᒃᑯᒻᒫᒐᒃᓴᐅᔪᑦ ᐋᓐᓂᕈᑏᑦ

 

"ᓴᖅᑭᑉᐸᓪᓕᐊᔪᑦ" ᐊᒻᒪ "ᐱᓕᕆᐊᖑᓂᖓᓂ" ᐱᒻᒪᕆᐅᕗᑦ ᐅᖃᐅᓰᑦᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔨᒃᑯᑦ ᐊᑐᖃᑦᑕᖅᑕᖏᑦ. "ᓴᖅᑭᑉᐸᓪᓕᐊᔪᑦ" ᑐᑭᖃᖅᐳᖅ ᑭᓱ ᐋᓐᓂᕈᑕᐅᖕᒪᖔᖓᓐᓂᑦ ᐊᒻᒪ "ᐱᓕᕆᐊᖑᓂᖓᓂ" ᑐᑭᖃᖅᖢᓂ ᖃᖓ ᐊᒻᒪ ᓇᒥ ᐋᓐᓂᓚᐅᖕᒪᖔᖓᓐᓂᑦ. ᑕᒪᒃᑮᒃ ᐊᒃᑐᐊᔭᕆᐊᓖᒃ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᐅᑉ ᐃᖅᑲᓇᐃᔭᖕᓂᖓᓂ ᓇᓪᓕᐅᒃᑯᒻᒫᖅᑕᐅᔪᓐᓇᖁᓪᓗᒍ ᒪᓕᒃᓗᑎᒃ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᓕᕆᔾᔪᓯᖏᓐᓂᑦ.

 

ᑖᒃᑯᐊ ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗᐋᓐᓂᖅᑐᒥᑦ ᓇᓪᓕᐅᒃᑯᒻᒫᖅᓯᔪᓐᓇᕆᐊᒃᓴᖏᓐᓂᑦ, ᓇᓗᓇᐃᖅᓯᑦᑎᐊᕆᐊᓖᑦ ᐊᒃᑐᐊᓂᖃᖅᑐᒥᑦ ᐋᓐᓂᖅᑐᒧ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᑲᖅᓇᐃᔮᖓᓄᑦ. ᐃᖅᑲᓇᐃᔭᖅᑎ ᐋᓐᓂᐊᖄᓂᒃᑯᓂ ᐱᒋᐊᖅᑐᕕᓂᖕᒥᑦ ᐃᖅᑲᓇᐃᔮᖓᑕ ᓯᓚᑖᓂ, ᓇᓪᓕᐅᒃᑯᒻᒫᒐᒃᓴᐅᙱᓚᖅ.

 

 ᑖᒃᑯᐊᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᓇᓪᓕᐅᒃᑯᒻᒫᖅᓯᖃᑦᑕᖕᒪᑕ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓄᑦ ᐃᖅᑲᓇᐃᔭᖅᖢᓂᑎᒃ, ᐋᓐᓂᕈᑕᐅᔪᓄᓪᓕ ᓴᓇᔭᖅᑐᓕᖅᑎᓪᓗᒍ ᐊᖏᕐᕋᐅᓕᖅᑎᓪᓗᒍᓗ, ᐃᑲᔪᖅᑎᓪᓗᒍ ᐃᖅᑲᓇᐃᔮᒧᑦ ᐊᒃᑐᐊᔪᓂ ᐱᓕᕆᐊᓄᑦ, ᐅᕝᕙᓘᓐᓃᑦ, ᐃᖅᑲᓇᐃᔭᖅᑎᓪᓗᒋᑦ, ᐃᖅᑲᓇᐃᔭᖅᑎ ᓴᙳᐊᓪᓚᒃᑯᓂ ᐃᖅᑲᓇᐃᔮᒻᒥ ᐸᖕᓇᐅᑖᓂ (ᓲᕐᓗ ᐃᒻᒥᓄᑦ ᐱᔨᑦᑎᓕᑳᓪᓚᒃᑯᓂ ᓯᓚᑖᒍᑦ ᐱᓕᕆᐊᒃᓴᖏᑎᒍᑦ). ᑖᒃᑯᐊᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᓇᓪᓕᐅᒃᑯᒻᒫᖃᖅᑎᑦᑎᓲᑦ ᐃᖅᑲᓇᐃᔭᖅᑎᓂᑦ ᐋᓐᓂᖅᑐᓂᑦ ᐊᖁᑎᓪᓗᒋᑦ ᓄᓇᓯᐅᑎᒦᑎᓪᓗᒋᓪᓘᓐᓃᑦ ᐱᓕᕆᐊᑎᒃ ᐱᓕᕆᔾᔪᓂᔾᔪᒃ.

 

ᐅᓂᒃᑲᐅᓯᐅᑦᑎᐊᖕᓂᖅ ᖃᓄᐃᓐᓂᑯᕕᓂᖕᓂᑦ ᐋᓐᓂᐊᕕᓕᐊᖕᓂᕐᓗ ᐃᖅᑲᓇᐃᔮᒧᑦ ᐋᓐᓂᐊᕈᑕᐅᔪᒥ ᐋᓐᓂᕈᑕᐅᔪᒥᒃᓘᓐᓃᑦ ᐃᑲᔪᖅᑐᐃᔾᔪᑕᐅᕗᑦ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ ᓇᓪᓕᐅᒃᑯᒻᒫᖅᑖᕋᓲᑎᐊᓄᑦ, ᐊᒻᒪᓗ ᐱᕕᖃᖅᑎᑕᐅᕙᒃᖢᑎᒃ ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᕿᓚᒻᒥᐅᔪᒃᑯᑦ ᑕᒻᒪᖅᓯᒪᙱᑦᑐᓂᒃᓗ ᐋᖅᑭᒃᓯᑲᐅᖅᑐᕈᓐᓇᖁᓪᓗᒋᑦ ᑲᒪᑦᑎᐊᖁᓪᓗᒋᑦ ᐋᓐᓂᖅᑑᑉ ᖃᓄᐃᑦᑐᓐᓃᖕᓂᖓᓄᑦ. 

 

ᐋᓐᓂᖕᓂᖕᒧᑦ ᐅᓂᒃᑲᐅᓯᖕᓂᖅ

 

ᑕᐃᓐᓇ ᐋᓐᓂᖅᑐᖅ ᐃᖅᑲᓇᐃᔭᖅᑎ 

ᐋᓐᓂᐊᕕᓕᐊᖕᓂᖅ ᓯᕗᓪᓕᖅᐸᐅᔭᕆᐊᖃᖅᐳᖅ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ. ᐃᖅᑲᓇᐃᔭᖅᑎ ᐋᓐᓂᕈᓂ ᐃᖅᑲᓇᐃᔭᕐᓗᓂ, ᐋᓐᓂᐊᓯᐅᑎ ᐅᖃᐅᑎᑲᐅᑎᒋᔭᕆᐊᓕᑎᒃ ᐋᓐᓂᖕᓂᕋᕐᓗᓂ ᐃᖅᑲᓇᐃᔭᖅᖢᓂ. ᐃᖅᑲᓇᐃᔭᖅᑎ ᐅᓂᒃᑳᕆᐊᓕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᕈᑎᒥᓂ ᐃᖅᑲᓇᐃᔭᖅᑎᑦᑎᔨᖏᓐᓄᑦ ᕿᓚᒻᒥᐅᓛᖅ.

 

ᐋᓐᓂᖅᑐᑦ ᐃᖅᑲᓇᐃᔭᖅᑎᑦ ᐊᕐᕌᒍᓕᒫᒥ ᐅᓪᓗᖓᓂ ᐋᓐᓂᕐᕕᐊᓂᑦ ᑎᑎᕋᖅᑎᑦᑎᔭᕆᐊᖃᖅᐳᑦ ᐃᖅᑲᓇᐃᔭᖅᑎᐅᑉ ᐅᓂᒃᑳᓂ ᐋᓐᓂᖕᓂᖕᒧᑦ  ᑖᒃᑯᓄᖓ ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ, ᑭᓯᐊᓂᓕ ᐊᑲᐅᓛᖑᓪᓗᓂ ᑎᑎᕋᖅᑕᐅᑲᐅᑎᒋᒃᐸᑕ ᐋᓐᓂᖅᑐᖃᖅᑎᓪᓗᒍ. ᕿᓚᒻᒥᐅᓂᖅᓴᖅ ᑖᒃᑯᐊᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᐱᒍᓂᔾᔪᒃ ᓇᓪᓕᐅᒃᑯᒻᒫᖅᑖᕈᑕᐅᓇᓱᒃᑐᑦ, ᕿᓚᒻᒥᐅᓂᖅᓴᖅ ᐃᑲᔫᓯᐊᕈᓐᓇᖕᓂᖅᓴᐅᓇᔭᖅᑐᑦ ᐱᔨᑦᑎᖅᑕᐅᓵᓕᓗᑎᒃᓗ ᑲᒪᒋᔭᐅᓂᖓᓂ ᐃᖅᑲᓇᐃᔭᖅᑎᐅᑉ ᖃᓄᐃᑦᑐᓐᓃᖕᓂᒃᓴᖓᓂ.

 

ᐃᖅᑲᓇᐃᔭᖅᑎᑦᑎᔩᑦ

ᐃᖅᑲᓇᐃᔭᖅᑎᑦᑎᔩᑦ ᑲᒪᒋᔭᖃᕆᐊᓖᑦ ᐋᓐᓂᖅᑐᒥᑦ ᐃᖅᑲᓇᐃᔭᖅᑎᒥᑦ. ᐋᓐᓂᖅᑐᓕᕆᔨᕆᐊᓕᖏᑦ ᐊᒻᒪᓗ ᐊᑭᓖᓗᑎᒃ ᐋᓐᓂᐊᕐᕕᓕᐊᕈᑎᒃᓴᖓᓂ ᖃᓂᓛᒧᑦ, ᐋᓐᓂᐊᕕᖕᒧᑦ ᐅᕝᕙᓘᓐᓃᑦ ᓘᒃᑖᒧ ᐱᔭᕆᐊᖃᕈᑎᒃ. ᐅᓪᓗᑦ ᐱᖓᓱᑦ ᐋᓐᓂᓚᐅᖅᑎᓪᓗᒍ, ᑎᑎᕋᕆᐊᓕ ᓇᒃᓯᐅᔾᔨᓗᑎᒃᓗ ᐃᖅᑲᓇᐃᔭᖅᑎᑦᑎᔨᐅᑉ ᐅᓂᒃᑳᓂ ᐋᓐᓂᖕᓂᐅᑉ  ᑖᒃᑯᐊᓄᖓ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔨᓄᓪᓗ, ᐊᒻᒪᓗ ᐊᔾᔨᐊᓂᑦ ᑐᓂᓯᓗᑎᒃ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ. ᑖᒃᑯᐊ ᐊᑦᑕᖕᓇᖅᑕᐃᓕᒪᑎᑦᑎᓂᖕᒧᑦ ᒪᓕᒐᖏᑦ ᐱᔭᕆᐊᖃᖅᑎᑦᑎᕗᑦ ᐃᖅᑲᓇᐃᔭᖅᑎᑦᑎᔨᓂᑦ ᑕᒻᒪᖅᓯᒪᙱᑦᑐᓂᑦ ᑎᑎᖅᑲᖁᑎᖃᕆᐊᖃᖕᓂᖏᓐᓂᑦ ᖃᓄᐃᓕᐅᕈᑕᐅᔪᓕᒫᓂᑦ.

 

ᐊᓐᓂᐊᖃᖕᓇᙱᑦᑐᓕᕆᔩᑦ

ᓘᖅᑲᖅ ᐋᓐᓂᐊᓯᐅᖅᑎᓘᓐᓃᑦ ᑲᒪᔪᐃᑦ ᐋᓐᓂᖅᑐᒥ ᐃᖅᑲᓇᐃᔭᖅᑎᒥᑦ ᐅᓂᒃᑳᓕᐅᕆᐊᖃᖅᐳᑦ ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᐅᓪᓗᓂ ᐱᖓᓱᓂᑦ ᑕᑯᓚᐅᖅᑳᖅᑎᓪᓗᒋᑦ ᐅᕝᕙᓘᓐᓃᑦ ᐃᓅᓕᓴᐃᓚᐅᖅᑳᖅᑎᓪᓗᒋᑦ. ᑖᒃᑯᐊ ᓯᕗᓪᓕᖅᐹᖅ ᐋᓐᓂᖕᓂᖕᒧᑦ ᐅᓂᒃᑳᑦ ᐃᑲᔫᑕᐅᖃᑦᑕᖅᐳᑦ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ ᓇᓪᓕᐅᒃᑯᒻᒫᖅᑖᕈᑎᒃᓴᖓᓄ. ᓈᒻᒪᒃᑐᒥᑦ ᐃᓅᓕᓴᖅᑕᐅᓂᖏᑦ ᐃᖅᑲᓇᐃᔭᖅᑎᒥᑦ ᐅᓂᖅᓵᓕᑎᑦᑎᕙᒃᐳᑦ ᐃᖅᑲᓇᐃᔮᖓᓄᑦ ᐊᒻᒪᓗ ᐃᓅᓯᑐᐃᓐᓇᖓᓄ, ᖃᓄᐃᑦᑐᓐᓃᑐᐊᕈᓂ ᐊᑦᑕᖕᓇᕈᓐᓃᕈᓃᑐᐊᕈᓂᓘᓐᓃᑦ. 

 

ᑲᑐᔾᔨᓂᒃᑯᑦ ᑲᒪᒋᔭᕆᐊᓖᑦ

 ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᖕᒧᑦ ᓇᓪᓕᐅᒃᑯᒻᒫᖅᑖᕋᓱᖕᓂᕐᒧᓪᓗ ᐅᓂᒃᑳᓕᐅᖕᓃᑦ ᑭᒃᑯᓕᒫᑦ ᑲᒪᒋᕙᖏᑦ. ᐱᓕᕆᖃᑎᒌᖕᓂᒃᑯᑦ, ᐊᒃᓱᕈᖕᓇᓗᐊᙱᓐᓂᕐᓴᐅᔪᓐᓇᖅᐳᑦ ᐊᒃᑐᐃᓂᖏᑦ ᐃᖅᑲᓇᐃᔭᕐᕕᖕᓂᑦ ᐋᓐᓂᖅᑐᑦ ᐃᖅᑲᓇᐃᔭᖅᑎᓄ ᐊᒻᒪᓗ ᐃᓚᖏᓐᓄᓂᑦ ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎᑦᑎᔨᓄᑦ ᐃᑲᔪᖅᑐᐃᓵᓕᓂᒃᑯᑦ ᐊᒻᒪᓗ ᐅᑎᑦᑎᐊᕈᓐᓇᖁᓪᓗᒍ ᐃᖅᑲᓇᐃᔮᒥᓄᑦ.

 

ᐃᓕᑦᑎᒃᑲᓐᓂᕈᒪᕖᑦ?

ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᓂᕐᒥ ᑲᑐᔾᔨᖃᑎᒌᑦ ᐃᖅᑲᓇᐃᔭᕐᓂᖕᒧᑯᑦ ᐅᓪᓗᖕᒥᑦ ᐊᑕᐅᓯᖕᒥᑦ ᐊᑭᖃᙱᔅᖢᒍ ᐃᓕᓐᓂᐊᕐᑎᑦᑎᓲᑦ Understanding Workers' Compensation -ᒥᑦ, ᑕᑯᓐᓇᒃᑲᓐᓂᖅᑐᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᖏᓐᓂᑦ, ᓇᓗᓇᐃᔭᐃᔪᑦ ᐃᑲᔫᓯᐊᓂᑦ ᐊᒻᒪᓗ ᓇᓪᓕᐅᒃᑯᒻᒫᓄᑦ ᐊᑭᓕᐅᑎᓂᑦ. ᐅᓂᒃᑲᐅᓯᖃᖅᖢᓂᓗ ᖃᓄᖅ ᓇᓪᓕᐅᒃᑯᒻᒫᖅᑖᕋᓱᖕᓂᖕᒧᑦ ᐅᓂᒃᑲᐅᓯᐅᖕᓂᖕᒥᑦ ᐊᑐᖅᑕᐅᔭᕆᐊᓕᖕᓂᑦ, ᐃᑲᔫᓯᐊᓂᑦ ᐱᔨᑦᑎᕋᐅᑎᓂᒃᓗ ᐊᒻᒪᓗ ᐊᔪᐃᓐᓈᕆᐊᕐᕕᒃᑰᖕᓂᖕᓂᑦ. ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᓂᕐᒥ ᑲᑐᔾᔨᖃᑎᒌᑦ ᐃᖅᑲᓇᐃᔭᕐᓂᖕᒧ ᐃᓕᓐᓂᐊᕐᑎᑦᑎᖃᑦᑕᖅᐳᑦ ᓄᓇᑦᑎᐊᒥᑦ ᓄᓇᕗᒻᒥᓪᓗ.

ᖃᐅᔨᒪᕖᑦ?
  1. ᐃᖅᑲᓇᐃᔭᖅᑎᑦᑎᔩᑦ ᓇᒃᓯᐅᔾᔨᔭᕆᐊᓖᑦ  ᐃᖅᑲᓇᐃᔭᖅᑎᑦᑎᔨᐅᑉ ᐅᓂᒃᑳᓂ ᐋᓐᓂᖕᓂᐅᑉ ᑖᒃᑯᓄᖓ ᐃᖅᑲᓇᐃᔭᖅᑎᑦᐊᑦᑕᖕᓇᖅᑕᐃᓕᒪᓂᕐᒧᑦᓇᓪᓕᐅᒃᑯᒻᒫᓕᕆᔩᓪᓗ ᐅᓪᓗᑦ ᐱᖓᓱᑦ ᐃᓗᐊᓂᑦ ᐋᓐᓂᖅᑐᖃᓚᐅᖅᑎᓪᓗᒍ.
  2. ᐋᓐᓂᖅᑐᑦ ᐃᖅᑲᓇᐃᔭᖅᑎᑦ ᐊᕐᕌᒍᓕᒫᖃᖅᐳᑦ ᐋᓐᓂᖕᓂᕆᓚᐅᑦᑕᖓᓂ ᑎᑎᕋᕈᓐᓇᖅᖢᑎᒃ ᓇᓪᓕᐅᒃᑯᒻᒫᒃᓴᖏᓐᓂᑦ.
  3. ᐋᓐᓂᖅᑐᖅ ᐃᖅᑲᓇᐃᔭᖅᑎᐅᑉ ᓯᕗᓪᓕᖅᐸᐅᑎᑦᑕᕆᐊᖃᖅᑕᖓᑦ ᖃᓄᐃᙱᑦᑎᐊᖕᓂᑎᒃ. ᐋᓐᓂᐊᕐᕕᓕᐊᑲᐅᑎᒋᔭᕆᐊᖃᖅᑐᑦ.
  4. ᐱᓇᔪᒍᓐᓇᖅᐳᑎᑦ ᐃᖅᑲᓇᐃᔭᖅᑎᐅᑉ ᐅᓂᒃᑳᓂ ᐋᓐᓂᖕᓂᖕᒧᑦ ᐅᖄᓚᐅᑎᒃᑯ ᐊᑐᕐᓗᑎᑦ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᐅᖄᓚᐅᑎᒃᑯᑦ-ᓇᓪᓕᐅᒃᑯᒻᒫᓕᕆᔨᒃᑯᑎᒍᑦ. ᐊᔪᖕᓇᙱᑦᑎᐊᖅᑐᖅ ᓲᕐᓗ ᐅᖃᓗᒃᑐᑎᑐᑦ ᔭᓗᓇᐃᒧᑦ ᐃᖃᓗᖕᓄᓪᓘᓐᓃᑦ.
  5. ᐊᐱᖅᑯᑎᒃᓴᖃᒃᑲᓐᓂᖅᐲᑦ? ᐅᖄᓚᓗᑎᑦ ᐃᖅᑲᓇᐃᔭᖅᑎᑦ ᐊᑦᑕᖕᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒻᒫᓕᕆᔩᓪᓗ ᐅᕗᖓ 1-800-661-0792 ᓄᓇᑦᑎᐊᒥᑦ ᐅᕝᕙᓘᓐᓃᑦ 1-877-404-4407-ᒧᑦ ᓄᓇᕗᒻᒥᑦ ᐅᕝᕙᓘᓐᓃᑦ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᑦᑎᒍᑦ ᐅᕘᓇ visit our website.
  
wscc.nt.ca/  1.800.661.0792   *   wscc.nu.ca  /  1.877.404.4407
 WSCCNTNU WSCCNTNU