Mai 2015

Prosiect yn cael ei redeg gan y South West Grid for Learning gyda Llywodraeth Cymru i wella e-Ddiogelwch yng Nghymru gydag addysg a chefnogaeth i ysgolion

Helo bawb! Mae'n braf cael diweddaru chi ar gymaint o weithgareddau a chynlluniau sydd i ddod yn y misoedd nesaf pan ddaw at e-Ddiogelwch ac ysgolion yng Nghymru. Dyma brif straeon y mis hwn:

* Byddem yn cynnal gweithdy ar y cyd ag ESTYN yn y DDDC

* Cefnogaeth e-Ddiogelwch ar gael i Awdurdodau Lleol yng Nghymru nawr

* Cipolwg o'r CwrddHwb yn Yr Wyddgrug

* Diwrnod Rhyngrwyd Ddiogelach - dyddiad i'ch dyddiadur

* Yn dod yn fuan... cynnwys wedi'i arwain gan bynciau

Os oes cwestiynau neu awgrymiadau e-bostiwch esafety@swgfl.org.uk

Welwn ni chi eto fis Mehefin!

Byddem yn y DDDC yng Nghaerdydd ar 24 Mehefin - yn cynnal gweithdy ar y cyd ā ESTYN

Rydym yn falch iawn o gael cyhoeddi byddem yn cynnal gweithdy ar y cyd ā ESTYN yn y

Digwyddiad Dysgu Digidol Cenedlaethol yng Nghaerdydd ar 24 Mehefin. Gyda phwyslais newydd ar gymhwysedd digidol yn y cwricwlwm a'r cynnydd mewn technolegau digidol ym mywydau plant a phobl ifanc, mae'n fwy pwysig nag erioed i ysgolion gyfarparu eu dysgwyr gyda sgiliau digidol, ond hefyd bod ganddynt y teclynnau a'r gefnogaeth gywir i asesu a gwella eu darpariaeth e-Ddiogelwch. Bwriad y gweithdy ydy hysbysu ysgolion am sut bydd ESTYN yn arolygu e-Ddiogelwch mewn ysgolion ac yn cyflwyno teclynnau fel 360 safe Cymru, wedi'i gynhyrchu gennym ni yn y South West Grid for Learning i helpu ysgolion ar eu siwrne i ddatblygu polisļauac ymarferiadau e-Ddiogelwch. Mae SWGfL yn cefnogi ac yn cynghori Ofsted, ESTYN, ETI, ISI ac Adran Addysg yn barod i weithredu safonau yn ymwneud ā diogelwch ar-lein mewn ysgolion, a chael enw da yn genedlaethol ac yn rhyngwladol yn cynhyrchu teclynnau e-Ddioglewch aml-wobrwyol i ysgolion.

I gofrestru am y digwyddiad cliciwch yma. Byddwn hefyd yn arddangos yn y digwyddiad felly efallai gwelwn ni chi yno.

Cefnogaeth e-Ddiogelwch i Awdurdodau Lleol yng Nghymru ar gael nawr

Fel rhan o'n partneriaeth barhaol gyda Llywodraeth Cymru, bydd y South West Grid for Learning yn darparu cefnogaeth e-Ddiogelwch un pwrpas i bob Awdurdod Lleol yng Nghymru. Gallwn nawr gyhoeddi ein bod am gynnal 2 ddiwrnod o hyfforddiant a chefnogaeth ymhob un o'r 22 Awdurdod Lleol. Bydd y dyddiau yma ar gael i Awdurdodau Lleol mewn dau Gyfnod - un yn nhymor yr hydref yn 2015 a'r llall yn nhymor y gwanwyn 2016. Dros yr wythnosau nesaf byddem yn cysylltu gyda phob Awdurdod Lleol gyda chynnig manwl o gefnogaeth a hyfforddiant diogelwch ar-lein ar gyfer yr Awdurdod Lleol a'i ysgolion a bydd yn annog yr Awdurdodau Lleol i gychwyn cadw dyddiadau addas. Bydd Cyfnod 1 yn cael ei gynnal rhwng 21 Medi a 29 Tachwedd 2015 a Chyfnod 2 yn cael ei gynnal rhwng 25 Ionawr a 31 Mawrth 2016. Mwy o fanylion i ddod.

Pedwar trźn, pedwar siwrne car, dros 60 o athrawon a phitsa - fy anturiaethau yn CwrddHwb: Yr Wyddgrug

Am gyfle gwych oedd cael cyfarfod gyda chymaint o bobl ymroddedig a diddorol yn CwrddHwb: Yr Wyddgrug yn ddiweddar. Mae'r digwyddiadau CwrddHwb wedi cael eu disgrifio i mi fel gwibfachu, ble mae athrawon yn mynd mewn cylch o gwmpas y byrddau ac yn cyfarfod y cyflwynwyr mewn grwpiau bach (tua 10 i bob grwp). Dwi ddim wedi bod i ddigwyddiad gwibfachu o'r blaen, ond os yw hyn yn debyg, yna mae'n rhaid ei fod yn flinedig iawn!

Yn amlwg, roedd fy sesiwn yn ymwneud ā e-Ddiogelwch. Nid oedd yn drafodaeth ganolbwyntiedig, ond yn hytrach yn fwrlwm o ffeithiau, ffigyrau, taflenni a hwyl. Hoffwn feddwl bod yr athrawon wedi dysgu rhywbeth newydd yn y 10 munud treuliwyd gyda fi. O 360 degree safe Cymru i'r adnodd Llythrennedd Digidol, neu fy hanesion am gyfrifon personadiad ysgolion, trafodwyd popeth.

Ond i fod o ddifrif am funud - mae'r pethau yma yn wir bwysig. Mewn byd ble mae plant a phobl ifanc yn treulio'u bywydau ar-lein, mae'n fwy pwysig nag erioed i'w haddysgu am y peryglon a'r cyfleoedd sydd ynghlwm ā'r byd yma. Mae'n hanfodol i helpu'ch disgyblion i ddeall bod y pethau maen nhw'n ei wneud a'i ddweud ar-lein yn gallu cael effaith ar eu cyflogadwyedd, ac i sicrhau bod ein disgyblion yn cyfrannu mewn ffordd bositif yn economaidd ac yn gymdeithasol. Nid yn unig hynny, ond mae'n eu cyfarparu nhw ā'r sgiliau i adnabod a herio seibrfwlio yn bositif a gallai hyn eu helpu nhw i amddiffyn eu hunain yn erbyn hyn, yn lleihau'r perygl o niwed neu hunan laddiad.

Felly cofiwch ymweld ā hwb.cymru.gov.uk, yn y parth e-Ddiogelwch (ar gael am ddim a heb angen mewngofnodi) byddwch yn darganfod cysylltiadau i adnoddau defnyddiol gwych o ansawdd uchel. Ar y prif dudalen cartref, ar ōl i chi fewngofnodi, gallwch glicio ar y cyswllt i 360 degree safe Cymru a chychwyn ar adolygu polisi ac ymarferiad e-Ddiogelwch eich ysgol. Felly cerwch amdani, byddwch yn cael eich synnu pa mor eang ydyw. A chofiwch fod ESTYN yn arolygu e-Ddiogelwch - mae'n rhan o'r cylch gwaith diogelu - mae hyn yn ei wneud yn fater ysgol gyfan. Nid oes dim yn fwy pwysig nag diogelwch eich disgyblion.

Dwi'n bwriadu bod yn y sesiynau CwrddHwb eraill ledled Cymru a byddwn yn mynychu'r Digwyddiad Dysgu Digidol Cenedlaethol yn Neuadd y Ddinas, Caerdydd (24 Mehefin, rhag i chi anghofio).

Gyda llaw - os ydych chi'n digwydd cyfarfod ā fi (ac rydych chi wedi darllen mor bell ā hyn) - cofiwch ddweud #PitsaBarbiciwSbeislyd ac fe gewch chi anrheg fach am ddarllen hwn i gyd ac fe ddywedaf stori wrthych chi!

Andrew Williams, Ymgynghorwr Diogelwch Ar-lein, South West Grid for Learning

Diwrnod Rhyngrwyd Ddiogelach - dyddiad i'ch dyddiadur

Dyddiad pwysig i'ch dyddiadur - bydd y Diwrnod Rhyngrwyd Ddiogelach yn cael ei ddathlu ar 9 Chwefror 2016! Llynedd, roedd ein Diwrnod Rhyngrwyd Ddiogelach yr un mwyaf erioed. Mae'r diwrnod yn cael ei gydlynu yn y DU gan Ganolfan Rhyngrwyd Fwy Diogel y DU, sydd yn cynnwys tair elusen - ni, y South West Grid for Learning, Childnet a'r Internet Watch Foundation. Fel rhan o'r gwaith rydym yn ei wneud gyda Llywodraeth Cymru, rydym yn bwriadu cefnogi gweithgareddau yng Nghymru ar gyfer Diwrnod Rhyngrwyd Mwy Diogel y DU ac rydym yn gobeithio cael mwy o ysgolion i gymryd rhan. Cadwch olwg allan am ddiweddariadau ar slogan ac ymgyrch flwyddyn nesaf.

Yn dod yn fuan!

Mis diwethaf rhannom rhai o'r pethau oedd yn cael eu cynllunio yn y misoedd nesaf!

Byddem yn cynhyrchu llawer o gynnwys ar gyfer y Parth e-Ddiogelwch ar Hwb fydd yn canolbwyntio ar bwnc y mis. Ein pwnc ar gyfer mis Mehefin fydd Credyd Creadigol a Hawlfraint. Byddem yn cynhyrchu Awgrymiadau Gorau, cyngor a gwybodaeth i bobl ifanc, yn ogystal ag athrawon, am sut i ddefnyddio cynnwys digidol yn barchus.

Darganfyddwch bopeth sydd angen ei wybod am E-ddiogelwch SWGfL ar ein gwefan.

Dilynwch ni ar gyfryngau cymdeithasol @eSafety_Wales

Cofiwch yrru ymlaen neu gofrestru os gwelwch yn dda!

Cofion gorau

Tīm e-Ddiogelwch y South West Grid for Learning (Partner yng Nghanolfan Rhyngrwyd Mwy Diogel y DU)