Vonast til að fá betri stöðu með kynjafræði sem útgangspunkt 

- segir Tony Bero í Jafnréttisskólanum 

Tony Bero.

Nafn: Tony Bero

Land: Palestína

Aldur: 34

Fjölskylda: Kvæntur og á eina dóttur 

Af hverju kaustu að stunda nám við Háskóla Sameinuðu þjóðanna á Íslandi?

Ég heyrði um skólann fyrir nokkrum árum síðan frá samstarfsfélögum mínum hjá UNRWA á Vesturbakka Palestínu, og vonaði að einn daginn fengi ég tækifæri að stunda nám við Jafnréttisskóla Háskóla Sameinuðu þjóðanna (UNU-GEST). Fyrir um sex mánuðum fékk ég tölvupóst frá yfirmanni mínum um að ég gæti sótt um og eftir nokkur viðtöl fékk ég þær fréttir að ég hefði komist inn. Það var síðastliðinn október. Ég kom til Íslands þann 4. janúar og verð hér til 23. maí, en eiginkona mín og dóttir koma í mars og dvelja hjá mér þar til að ég klára námið.

Hvað er það sem þú getur tekið með þér eftir nám við Háskóla Sameinuðu þjóðanna?

Það er svo margt, en ég vona fyrst og fremst að ég geti notað þekkinguna sem ég öðlast hér í skólanum til að styrkja starfshæfni mína í heimalandi mínu. Einkum og sér í lagi bind ég vonir við að geta stuðlað að jafnrétti með aðferðum sem gera mér kleift að vinna að þessu markmiði í ólíkum og menningarheimum. Ég vinn hjá UNRWA, sem er stofnun á vegum Sameinuðu þjóðanna sem vinnur með palestínskum flóttamönnum. Ég vona að ég komi til með að búa yfir hæfileikum í kynjafræðum sem ég mun nýta við ákvarðanatökur. Við úthlutun til verkefna verður að taka tillit til hagsmuna kvenna, karla, stelpna og stráka. 

 Hvaða námskeið hefurðu tekið og hvað hefurðu lært af þeim?

Áður en ég kom hingað hafði ég þegar tekið ýmis námskeið í verkefnastjórnun. Hér á Íslandi erum við í skólanum til að vinna að því að ljúka diplóma gráðu í alþjóðlegum jafnréttisfræðum. Það efni sem að við höfum fjallað um í þeim námskeiðum sem við höfum tekið undarfarið eru m.a. gagnrýnin hugsun, kvenréttindi, kyn og kynjajafnrétti, kynjasamþætting, að beita kynjasjónarhorni á rökramma og kynjuð hagstjórn.

Hvaða námsgreinar hafa þér þótt áhugaverðastar og af hverju?

Kyn og þróun, kynjasamþætting, verkefnastjórnun og hvernig kynjasjónarhorni er beitt á rökramma, kynjuð hagstjórn og  kyn og öryggismál. Allt er þetta mikilvæg þekking sem ég sé fyrir mér að geta notað heima í starfinu mínu í Palestínu.

Um hvað snýst lokaverkefnið þitt í jafnréttisskólanum?

Við munum vinna að lokaverkefnunum okkar síðasta mánuðinn. Lokaverkefnið mitt mun vera um kynjabundið ofbeldi í flóttamannabúðum á vesturbakka Palestínu. Ég vil vinna að verkefnatillögu um kynjabundið ofbeldi í flóttabúðunum og finna leið til að allar stofnanirnar á staðnum geti unnið saman að lausn; menntakerfið, heilbrigðiskerfið, félagskerfið og hjálparstofnanir. Ég vona að þegar ég komi heim geti ég fengið styrki til að koma af stað þessu verkefni sem væri til þriggja ára.

Hefurðu áætlun varðandi starfsferil þinn þegar þú snýrð til baka heim eftir námið hér?

Ég vona að ég geti notað þekkinguna sem ég hef hlotið hér í Jafnréttisskólanum til að fá betri stöðu innan UNRWA, vonandi með kynjafræði sem útgangspunkt.

Hvernig hefurðu í huga að nýta námið þitt hér við Jafnréttisskólann í heimalandi þínu?

Ég vona að ég geti komið af stað vitundarvakningu um kynjajafnréttindi og kynjasamþættingu, en það er sú sýn að  kynferði verði grundvallarforsenda við mótun nýrrar stefnu eða við töku ákvarðana á opinberum vettvangi.

Ef að við myndum spyrja vini þína og fjölskyldu hvað væru þínar góðu hliðar og slæmu hvað heldurðu að þau myndu segja?

Slæmu hliðarnar væru líklegast að ég væri of sjálfselskur, að ég vil alltaf vera bestur og vita meira, sem mér finnst reyndar ekki vera galli, heldur einfaldlega góður mannlegur eiginleiki. Ég er ekki góður að vinna í hópum og ég vil helst vinna einn. Og kannski kann að vera að ég sé of skipulagður. 

En góðu hliðarnar;  líklegast myndi fólk segja að ég sé mjög skipulagður, bæði í verkefnum og vinnu. Ég virði tíma annarra og ég veiti smáatriðum athygli. Að sama skapi myndu þau eflaust segja að ég sé áreiðanleg manneskja, þar sem fólk getur alltaf treyst því að ég ljúki því sem ég tek að mér.

Viltu deila með okkur því hvernig þú upplifir íslensku þjóðina?

Íslendingar eru mjög vingjarnlegir og það er mjög auðvelt að tala við þá. Þeir mismuna aldrei eftir uppruna og tala alltaf fallega til manns, þótt maður sé frá öðru landi. Þeir eru rólegir og hjálpsamir, en eru alltaf að berjast við tímann. Eitt sem að mér fannst áhugavert þegar ég flutti hingað er hvað karlmenn hjálpa mikið við uppeldi barna. Ég bý í íbúð fyrir ofan leikskóla á Eggertsgötunni, og ég tók strax eftir því hversu margir karlmenn komu með börnin sín og sóttu á leikskólann. Í Palestínu og öðrum Arabalöndum deila foreldrar ekki eins mikið ábyrgðinni, ábyrgðin er öll hjá móðurinni.

Er það eitthvað annað sem að þú vilt deila með okkur?

Ég mun sakna þessa lands mjög mikið, ásamt fólksins og menningarinnar. Hér eru allir vinir og að mínu mati er engin mismunun til staðar. 

Viðtal: Ásrún Birgisdóttir starfsnemi hjá Félagi Sameinuðu þjóðanna

Níu þingmenn stjórnarandstöðunnar lögðu í gær fram beiðni um skýrslu frá utanríkisráðherra um skipulag þróunarsamvinnu vegna fyrirhugaðrar sameiningar Þróunarsamvinnustofnunar Íslands og utanríkisráðuneytis. Þingmennirnir óska eftir því að sérstaklega verði fjallað um rök fyrir fyrirhugaðri sameiningu Þróunarsamvinnustofnunar Íslands og þróunarsamvinnuskrifstofu utanríkisráðuneytisins og rök fyrir því að starfsemin verði innan ráðuneytisins eftir sameininguna. 

Eftirfarandi atriði komi m.a. fram í skýrslunni: