|
|
|
Veftímarit um
þróunarmál |
|
|
|
|
5. árg. 157. tbl. |
2. maí 2012 |
|
|
|
|
 | |
Íslendingar og NDF leggja fram fé í frumrannsóknir á jarðhitanýtingu í sigdalnum í austanverðri Afríku. Ljósmynd frá Hellisheiði: gunnisal |
Ísland helsti ráðgjafi Alþjóða-bankans á sviði jarðhitanýtingar
Framkvæmdastjóri Sameinuðu þjóðanna, Ban Ki-moon, setti fram á árinu áætlun um átak í orkumálum sem hefur þrjú meginmarkmið: að allir jarðarbúar hafi aðgang að sjálfbærri orku árið 2030, að orkunýtni hafi tvöfaldast á þeim tíma og sömuleiðis hlutdeild endurnýjanlegra orkugjafa. Í framhaldi af þessu ákvað allsherjarþing SÞ að árið 2012 yrði
alþjóðlegt ár í baráttunni fyrir sjálfbærri orku fyrir alla jarðarbúa. Alþjóðabankinn brást við áskorun framkvæmdastjóra SÞ um sjálfbæra orku fyrir alla, m.a. með gerð samkomulags við Íslendinga um samstarf við uppbyggingu jarðhita í Austur-Afríku. Utanríkisráðuneytið átti frumkvæði að samstarfinu en með samstarfssamningum er Ísland orðið helsti ráðgjafi Alþjóðabankans á sviði jarðhitanýtingar.
Þessar upplýsingar komu meðal annars fram í ítarlegri skýrslu utanríkisráðherra um utanríkismál á þingi í síðustu viku. Í skýrslunni kom fram að í ríkjum Afríku sunnan Sahara-eyðimerkurinnar hafa 585 milljónir íbúa ekki aðgang að rafmagni og 653 milljónir ekki aðgang að hreinni eldunaraðstöðu.
Ennfremur segir þar að talið sé að mögulegt sé að virkja allt að 14.000 MW af rafmagni úr jarðhita í sigdalnum og veita allt að 150 milljón íbúum aðgang að hreinni, endurnýjanlegri og stöðugri raforku. "Þetta er mikið hagsmunamál fyrir íbúa þessa fátækasta hluta Afríku, enda ekki talið að þeir komist úr örbirgð án aðgengis að orku og hreinni eldunaraðstöðu," sagði Össur Skarphéðinssonar. Hann gerði síðan grein fyrir því í hverju alþjóðlega samstarfið við Alþjóðabankann væri fólkið og sagði það í grunninn tvíþætt:
"Annars vegar er kveðið á um að Íslendingar aðstoði löndin, eftir þörfum, við að gera grunnrannsóknir á jarðhitasvæðum einstakra ríkja, þ.e.kortleggja þau og meta og framkvæma fyrstu hagkvæmniathuganir. Þannig megi koma þeim á það stig að áreiðanlegar áætlanir um tilraunaboranir liggi fyrir. Samtímis þessu munu báðir aðilar, undir forystu Alþjóðabankans, leitast við að afla fjármagns til að framkvæma nauðsynlegar tilraunaboranir. Þessi þáttur jarðhitavirkjana er jafnan sá sem ber með sér hvað mesta áhættu og hefur reynst flöskuháls í þróun nýtingar á jarðhita í fátækum ríkjum. Samstarfið er opið öðrum þjóðum og fjármögnunarsjóðum sem vilja koma að því með fjárframlögum. Í þessu sambandi hafa utanríkisráðherra og embættismenn utanríkisþjónustunnar þegar rætt við ýmsar þjóðir um hugsanlega aðkomu, s.s. Noreg, Bretland, Bandaríkin, Kína og Rússland. Þá hefur einnig verið rætt við þróunarsjóð OPEC ríkja (OFID). Fyrirhugað er að ræða við aðra aðila, t.d. þýska þróunarbankann (KfW) og Evrópusambandið, auk þess sem sérstakt átak verður gert í því að laða að alþjóðlega loftslagssjóði.
ÞSSÍ framkvæmdaaðili með frumrannsóknum og hagnkvæmiathugunum
Þróunarsamvinnustofnun Íslands verður framkvæmdaraðili þess hluta samningsins sem lýtur að gerð frumrannsókna og hagkvæmniathugana. Jafnframt hefur verið fundað með fulltrúum Norræna þróunarsjóðsins (NDF) og hefur fulltrúi sjóðsins lýst yfir áhuga á því að fjármagna þennan hluta samningsins til móts við Íslendinga. Hins vegar kveður samkomulagið á um að efla þekkingu starfsmanna Alþjóðabankans á jarðhita og fá til þess aðstoð Íslands. Jafnframt mun Alþjóðabankinn byggja upp alþjóðlegt þekkingarnet, sem m.a. er ráðgert að tengja Jarðhitaskóla HSÞ og Íslenskum orkurannsóknum (ÍSOR). Þarna mun skapast vettvangur sem gæti gert íslenskum sérfræðingum kleift að verða leiðandi í umræðunni um nýtingu jarðhita.
Fram kemur í skýrslunni að Íslandi hafi um nokkurra ára skeið stutt starf ESMAP, sérstakrar deildar innan Alþjóðabankans sem vinnur að málefnum varðandi endurnýjanlega orku, bæði með framlögum og með því að kosta jarðhitasérfræðing til deildarinnar. "Í kjölfar aukinnar áherslu á endurnýjanlega orkugjafa á alþjóðagrundvelli hefur samstarf Íslands og Alþjóðabankans á sviði jarðhitanýtingar styrkst og fyrirhugað er að bæta við sérfræðingi á sviði endurnýjanlegrar orku. Það er liður í því að byggja enn frekar upp samstarf Íslands við bankann með sérstaka áherslu á Austur-Afríku."
Skýrsla utanríkisráðherra um utanríkis- og alþjóðamál |
|
|
|
|
|
 | | Frá Mangochi, Malawi. Ljósm. gunnisal |
Ný markmið í undirbúningi sem taka við af þúsaldarmarkmiðunum
Undirbúningur er að hefjast að gerð nýrra alþjóðlegra þróunarmarkmiða sem eiga að taka við af þúsaldarmarkmiðunum þegar tímamörkum þeirra er náð í árslok 2015. Ban Ki-moon framkvæmdastjóri Sameinuðu þjóðanna hefur falið David Cameron forsætisráðherra Breta að vera í forystu fyrir nefnd sem ætlað er það hlutverk að semja ný markmið en nú eru innan við þúsund dagar þar til tímabili þúsaldarmarkmiðanna lýkur. Ljóst er að mörg þúsaldarmarkmiðanna átta nást ekki á þeim stutta tíma en eins og allir vita voru þau samþykkt árið 2000 og hafa verið leiðarljós í öllum stuðningi við þróunarríkin.
Hvers konar markmið koma til með að taka við? Það er stóra spurningin sem Sameinuðu þjóða nefndin mun glíma við en fyrsta lota í þeirri vinnu á að hefjast í byrjun maímánaðar. The Guardian hefur eftir heimildum innan bresku ríkisstjórnarinnar að bæði forsætisráðherrann og þróunarmála-ráðherrann vilji endurskoða grunnhugmyndafræðina um þróun og hvaða leiðir séu bestar til að stuðla að þróun. Hermt er að báðir séu hlynntir því að breyta áherslum, auka gildi efnahagslegrar þróunar fremur en að efla sjóði til að mennta konur og börn. Og það er bent á Kína sem fyrirmynd - þar hafi efnahagsleg þróun, ekki þróunaraðstoð, leitt til þess að fækkun fátækra nemur 700 milljónum manna.
David Cameron to chair UN committee overseeing development goals/ The Guardian
Next set of MDGs? Ask David Cameron, eftir Jenny Lei Ravelo/ Devex
Time to gamble on development goals, eftir Claire Melamed/ ODI
1000 days: An end and a new beginning
Christmas tree, jigsaw or bullseye? A rough guide to post-2015 frameworks, eftir Claire Melamed/ Global Dashboard
What Should Sustainable Development Goals Look Like?/ Brookings
Ban Ki-moon calls for Rio+20 to replace GDP with sustainable development index/ RTCC |
 | | Á myndinni eru t.f.v. Noa Senete, starfsmaður fiskieftirlitsstofnunarinnar, sem er Íslendingum að góðu kunnur frá því að Fengur var gerður út frá Mapútó, Laurentina Cossa sem stýrir verkefnastoð fiskimála og skipstjórinn Bernando Pereira. Ljósmynd: Ágústa Gísladóttir. |
Nýtt varðskip í Mósambík
-Íslendingar og Norðmenn kostuðu endurbætur á skipinu
Langþráður draumur fiskimálayfirvalda í Mósambík rættist á dögunum þegar varðskip í þeirra eigu var tekið í notkun. Skipið er raunar fyrrum japanskt túnfiskveiðiskip, sem tekið var að ólöglegum veiðum í landhelginni árið 2008 og gert upptækt í kjölfarið. Nýja varðskipið sem heitir Antillas Reefer er 54 metra langt línuveiðiskip byggt í Japan árið 1986. Það eru tólf manns í áhöfn en auk þeirra eru að jafnaði um borð sex fiski eftirlitsmenn og sex sjóliðar. Skipið er vel búið tækjum til eftirlits. Endurbætur á skipinu voru kostaðar af sameiginlegum sjóði Norðmanna og Íslendinga en reksturinn á árinu 2012 verður fjármagnaður með viðbótarframlagi Norðmanna í sjóðinn.
Að sögn Ágústu Gísladóttur umdæmisstjóra ÞSSÍ í Mapútó hvílir sú ábyrgð á stjórnvöldum að skapa rekstrargrundvöll fyrir skipið, sem væntanlega verður í samvinnu við ráðuneyti varna - og samgöngumála. Ennfremur eru að hennar sögn uppi áform um aukið samstarf Afríkuþjóða sem liggja að Indlandshafi um fiskveiðieftirlit og varnir gegn ólöglegum veiðum og árásum sjóræningja.
Antillas Reefer: From poacher to gamekeeper
Styrket jakt på tyvfiskere/ Bistandsaktuelt |
 | | Fiskimenn á Malavívatni. Ljósm. gunnisal |
Fjögur fagteymi að störfum:
Samstarfsáætlun fyrir Malaví á lokastigi
Framkvæmd áætlunar um alþjóðlega þróunarsamvinnu Íslands 2011-2014 var meðal þess sem Össur Skarphéðinsson utanríkisráðherra fjallaði um í skýrslu sinni um utanríkismál á þingi í síðustu viku. Ráðherrann sagði áætlunina fela í sér sýn og skýra forgangsröðun í þróunarstarfi Íslands.
"Megináhersla er á þrjú svið, auðlindir, mannauð og frið, og tvö þverlæg málefni, þ.e. jafnréttismál og sjálfbæra þróun. Þá er lögð sérstök áhersla á stuðning við fimm lönd: Malaví, Mósambík, Úganda, Palestínu og Afganistan. Í marghliða starfi verður lögð áhersla á samvinnu við fjórar alþjóðastofnanir: Alþjóðabankann, Barnahjálp SÞ (UNICEF), Stofnun SÞ um kynjajafnrétti og valdeflingu kvenna (UN Women) og Háskóla SÞ (HSÞ/UNU). Neyðar- og mannúðaraðstoð verður jafnframt mikilvægur þáttur og verður lögð áhersla á stuðning við verkefni á vegum frjálsra félagasamtaka, störf Matvælaáætlunar SÞ (WFP), Neyðarsjóð SÞ (CERF) og samræmingarskrifstofu SÞ í mannúðarmálum (OCHA).
Fram kom í máli ráðherrans að í ráðuneytinu og Þróunarsamvinnustofnun Íslands hafi verið unnið að framkvæmd áætlunarinnar með ýmsum hætti. Meðal annars hafa verið sett á fót fjögur fagteymi á sviði jafnréttismála, fiskimála, orkumála og verklags og eftirlits, en fagteymin væru liður í því að auka skilvirkni og skerpa framkvæmd þróunarsamvinnu Íslands.
"Meginhlutverk teymanna er að samræma stefnu Íslands á fyrrnefndum sviðum og auka samlegðaráhrif af verkefnum Íslands á sviði þróunar-samvinnu. Þá hafa sérstakir vinnuhópar unnið að gerð samstarfs- og aðgerðaáætlana fyrir áherslulönd Íslands. Gerð fyrstu samstarfs-áætlunarinnar, fyrir Malaví, erað ljúka, en unnið er að gerð áætlana fyrir önnur áherslulönd Íslands," sagði ráðherrann.
|
 Bretar ósáttir við ráðstöfunar þróunarfjár ESBInnan við helmingur fer til fátækustu þjóðanna Að mati þróunarsamvinnunefndar breska þingsins fer of stór hluti af þróunarfé Evrópusambandsins til ríkja með meðaltekjur, eins og Tyrklands og Serbíu, og að of litlum hluta sé varið til fátækasta fólksins og fátækustu landanna. "Breskir skattgreiðendur vilja að þróunarfé fari til þeirra staða þar sem það getur breytt mestu - til landa þar sem milljónir manna skrimta á minna en einu sterlingspundi á dag," var haft eftir Bruce Malcholm forseta nefndarinnar. Hann bætti við að sú ákvörðun að láta þokkalega efnaðar þjóðir eins og Tyrki fá þróunarfé gæti gengisfellt hugtakið þróunaraðstoð. Fram kemur í skýrslu sem nefndin lét vinna fyrir sig um úthlutun þróunarfjár að aðeins 46% af ráðstöfunarfé ESB til þróunarmála færi til lágtekjulanda en meðaltekjuríki sem ættu landamæri að þjóðum ESB nytu góðs af þróunarfé. - - |
|
|
|
Björk bendir fólki á neyðina á Sahel svæðinu
Söngkonan Björk Guðmundsdóttir hefur í gegnum tíðina verið dyggur stuðningsaðili UNICEF og biðlar nú til fólks á Twitter að beina sjónum að Sahel-svæðinu í Vestur- og Mið-Afríku og neyðarástandinu sem þar ríkir. Björk benti fylgjendum sínum á Twitter á að líf einnar milljónar barna væri í hættu og að stuðningur þeirra gæti bjargað barnslífum. Nánar |
|
K R Æ K J U R
Mannréttindi samkynhneigðra og utanríkisstefnan, eftir Össur Skarphéðinsson utanríkisiráðherra/ Fréttablaðið
-
Where are donors working in Malawi? A new dataset sheds light/ AidData
-
Are countries ready for change? The new KPMG/ODI Change Readiness Index, eftir Simon Maxwell
-
New international land deals database reveals rush to buy up Africa, eftir Claire Provost/ The Guardian
-
The Hunger Games and the Hunger Rules, eftir Lawrence Haddad/ IDS
-
UN: World failing to meet HIV/AIDS targets/AP
-
MALAWI: Without land reform, small farmers become "trespassers"/ IRIN
-
South Sudan: UK warns of humanitarian disaster/ DFID
-
Students Build Robots at New Camp in Uganda/ VOA
-
Justice in Sierra Leone: delivering on different levels, eftir Lisa Denney/ ODI
-
Arguments against aid: Cheap tricks or Compelling evidence?, eftir Mick Moore/ IDS
-
China's Health Aid in Africa: Same Old Problems, eftir Deborah Brautigam/ ChinaInAfricaTheRealStory
-
The $7bn stumbling block to peace between Sudan and South Sudan, eftir Mark Tran/ The Guardian
-
Aid Group Rejects Sudan's Suspicions About Detained Foreigners/ VOA
-
Malawi's Joyce Banda puts women's rights at centre of new presidency/ The Guardian
-
Malawi president Joyce Banda eager to build bridges with western donors/ The Guardian
-
Women: Making a Difference in Nuclear Science in Africa/ IAEA
-
US special forces help in hunt for warlord Kony/ AP
-
Global Monitoring Report - Food Prices, Nutrition and the Millennium Developments Goals/ Alþjóðabankinn
-
Food Crisis in the Sahel-Five steps to break the hunger cycle in 2012/ Oxfam
-
Inequality in Focus - ritröð Alþjóðabankans/ WorldBank
-
Corporate sustainability reporting: A way forward in implementing sustainable development/ Outreach
-
 | |
The Vital Contribution of Transparency to Development Effectiveness |
Utviklingsagenda på retur, eftir Nikolai Hegertun/ Bistandsaktuelt
-
The Rise and Fall of Conflicts in Africa, eftir Laurie Lee/ ImpatientOptimists
-
Unctad is astute and progressive - so why don't developed countries like it, eftir Jayati Ghosh/ The Guardian
-
Growing list of killed aid workers/ Orange News
-
Tough EU transparency laws could change lives in resource-rich Congo/ The Guardian |
|
Menningarmála- ráðherra Svía sakaður um kynþáttafordóma
 Menningarmálaráðherra Svíþjóðar, Lena Adelsohn Liljeroth, hefur verið sökuð um kynþáttafordóma eftir að hafa skorið sneið af köku sem mótuð var sem líkami nakinnar blökkukonu. Þetta gerðist við gjörning í Nútímalistasafninu í Stokkhólmi en listamaðurinn, Makode Aj Linde, vildi með verkinu varpa ljósi á limlestingar á kynfærum kvenna. Margir hafa orðið til þess að krefjast afsagnar ráðherrans og afrískum konum er misboðið eins og fram kemur í grein Claudettu Carr á umræðuvef Norrænu Afríkustofnunarinnar.
Minister in 'racist circumcision outrage'/ The Local
-
Voices: Makode Aj Linde And That Cake/ Racialicious
-
Swedish minister denies claims of racism over black woman cake stunt/ The Guardian |
|
|
Fólk á förnum vegi í Bretlandi spurt um þróunarmál... svörin og staðreyndirnar ekki alveg í takt!
|
 | |
Hvað finnst almenningi um þróunaraðstoð? Bretar spyrja fólk á förnum vegi. |
Hvaða vitneskju hefur almenningur á þróunarmálum, hversu há prósenta af þjóðartekjum fer t.d. til þróunarsamvinnu, hversu mörgum mannslífum er bjargað.... Einkar fróðlegt spjall við fólk á götunni í Bretlandi. Skyldu íslenskur almenningur vera uppýstari eða....? |
|
Sameinuðu þjóðirnar og UNICEF beina athyglinni að ungu fólki:
|
Núlifandi kynslóð unglinga sú fjölmennasta í sögunni Aldrei í sögunni hafa ungmenni verið fleiri en núna, eða 1.8 milljarður á aldrinum 10 til 24 ára. Tæplega níu af hverjum tíu ungmennum búa í þróunarríki. Í Svasílandi, Úganda og Simbabwe eru hlutfall ungmenna yfir 50%. Nokkrar sláandi staðreyndir: - Á hverju ári deyja 2.6 milljónir ungmenna, 97% þeirra í lágtekju- eða meðaltekjuríkjum. Örðugleikar á meðgöngu og við fæðingu, kynbundið ofbeldi og alnæmi eru helstu dánarorsakir ungs fólks. Unglingsstúlkur og ungar konur eru í sérstakri áhættu vegna fóstureyðinga.
- Á árunum 2000 til 2009 höfðu 31% ungra kvenna á aldrinum 20-24 ára í þróunarríkjum eignast barn fyrir átján ára aldur.
- Rúmlega 40% nýgengi alnæmis er meðal ungs fólks á aldrinum 15 til 24 ára sem þýðir að þrjú þúsund ungmenni smitast á hverjum degi. Ungar konur eru í mun meiri hættu en ungir karlar.
- Barnahjónabönd eru útbreidd, sérstaklega í þróunarríkjum, þar sem 30% ungra stúlkna á aldrinum 15-19 ára eru giftar eða í sambúð. Að óbreyttu giftast 100 milljónir stúlkna á barnsaldri næsta áratuginn.
- Þrjár milljónir stúlkna eiga árlega á hættu að kynfæri þeirra séu skorin en þessi ofbeldisverk eru þó á undanhaldi í mörgum ríkjum. Allt að 140 milljónir kvenna hafa sætt limlestingum á kynfærum í Afríku.
"Þessi kynslóð ungmenna er sú stærsta í sögunni," sagði Ban Ki-moon framkvæmdastjóri Sameinuðu þjóðanna á fundi SÞ nefndar um mannfjölda og þróun en í þeirri nefnd (CPD) eiga sæti 47 fulltrúar. "Og það er jafnvel enn mikilvægara að þessi kynslóð ungmenna er að móta söguna," bætti framkvæmdastjórinn við með vísan í þátt ungmenna í pólítísku uppreisnunum í Miðausturlöndum og norðanverðri Afríku. Umræðuefnið á vikulöngum fundi nefndarinnar snerist um unglinga og ungmenni: National Experience in Population Matters: Adolecents and Youth. Fréttaskýrendur telja að Sameinuðu þjóðirnar beini í vaxandi mæli athygli sinni að félagsfræðilegum og hagfræðilegum þáttum í stað þeirra pólítísku og hernaðarlegu sem hafi einkennt starf alþjóðasamtakanna á umliðnum áratugum. Einn mikilvægt atriði í stefnubreytingu snýr að ungmennum en af sjö milljörðum jarðarbúa eru ungmenni yngri en tvítug um 1.2 milljarður. Af þessum  | |
Brýn þörf á því að hlúa að unga fólkinu í þróunarríkjum. Ljósmynd frá Namibíu: gunnisal |
1200 milljónum búa 300 milljónir við sárafátækt. Fram kemur í skýrslu sem gefin var út í tilefni fundarins - Monitoring of Population Programmes, Focusing on Adolescents and Youth- að brýna nauðsyn beri til þess að vernda og uppfylla til hlítar mannréttindi ungs fólks, sér í lagi rétt þeirra til kynheilbrigðis sem felur í sér að gera ungu fólki kleift að stunda ábyrgt kynlíf og koma í veg fyrir ótímabærar þunganir og kynsjúkdóma. "Margir gera ráð fyrir að öll ungmenni hafa aðgang að upplýsingum, að þau séu flest að líkindum áfram í námi, að þau dragi þátttöku í atvinnulífinu uns þau hafi lokið framhaldsmennun og þau fresti að ganga í hjónaband og barneignum þar til þau eru tilbúin í þau hlutverk," sagði Dr Babatunde Osotimehin, framkvæmdastjóri Mannfjöldastofnunar Sameinuðu þjóðanna, UNFPA. "Þetta er hins vegar ekki raunveruleikinn eins og hann blasir við unglingum hvarvetna í heiminum. Staðreyndin er sú að meirihluti ungs fólks í þróunarríkjunum glímir við þessi vandamál." Í fyrrnefndri skýrslu kemur fram að ungt fólk búi áfram við fátækt, atvinnuleysi, ófullnægjandi menntun, slæma heilsu og ofbeldi. Milljónir stúlkna skorti fræðslu um kynheilbrigði til að forðast ótímabærar þunganir sem leiði til óöruggra fóstureyðinga. Barnahjálp Sameinuðu þjóðanna (UNICEF) gaf líka út á dögunum árlega skýrslu sína um ungmenni, Progress for Children: A Report Card on Adolescents. Þar segir að ungt fólk hafi á síðustu tuttugu árum notið góðs af framförurm í námi og heilsu. Hins vegar séu þarfir margra unglinga sniðgengnar, dauðsföll í þessum aldurshópi séu á aðra milljón árlega og tugir milljóna unglinga falli út úr menntakerfinu. Í skýrslu UNICEF kemur fram að hvergi í heiminum er líf unglingsins erfiðara en í sunnanverðri Afríku. Í þeim heimshluta fjölgi ungu fólki hraðast og þar verði þeir flestir árið 2050. Hins vegar ljúki innan við helmingur grunnskólanámi og atvinnustig meðal ungs fólks sé lágt. U.N. Focuses on Largest Generation in History, eftir Thalif Deen/ IPS - Promises to Youth Remain Unfulfilled, New Report Says/ UNFPA - Millions of adolescents falling behind, especially in Africa - UNICEF report |
|
Starfsþjálfun - þrjár stöður í samstarfslöndum okkar í Afríku
| |
Þróunarsamvinnustofnun Íslands auglýsir eftir ungu háskólafólki í fjögurra mánaða starfsþjálfun í tengslum við verkefni á sviði þróunarsamvinnu í þremur samstarfslöndum stofnunarinnar. Starfstími á vettvangi er frá 16. ágúst til 15. desember, með möguleika á framlengingu í allt að einn mánuð á heimaskrifstofu stofnunarinnar í Reykjavík.
Hæfniskröfur:
Umsækjendur skulu hafa lokið grunnnámi í háskóla (BA, BSc eða sambærilega gráðu), gjarnan á sviðum þjóðfélagsfræða og skyldra greina eða umhverfis- og auðlindafræða og ekki vera eldri en 33 ára. Mjög góð enskukunnátta er skilyrði, þar á meðal geta til að skrifa góðan texta, góð tölvukunnátta og undirstöðuþekking í aðferðafræði. Gerð er krafa um sjálfstæð vinnubrögð, ábyrgð, áreiðanleika og lipurð í mannlegum samskiptum. Þekking á þróunarmálum, þróunarstarfi og afrískri menningu er ákjósanleg.
Verkefni:
Tilfallandi verkefni á skrifstofu eða fyrir þróunarverkefni stofnunarinnar. Meðal helstu verkefna er upplýsingaöflun í tengslum við áætlanagerð, greining og úrvinnsla gagna og aðstoð við undirbúning og skipulag.
Malaví: Sérstök áhersla er lögð á menntamál og stjórnsýslu.
Mósambík: Sérstök áhersla er lögð á jafnréttismál og auðlindamál. Kunnátta í portúgölsku eða spænsku er nauðsynleg.
Úganda: Sérstök áhersla er lögð á jafnréttismál og umhverfis- og auðlindamál.
Umsóknir skulu hafa borist skrifstofu Þróunarsamvinnustofnunar Íslands fyrir 17. maí nk.
Þverholt 14
105 Reykjavík
Sími: 5458980
netfang: iceida@iceida.is |
|
| |
 | |
Veftímaritið er á Facebook. |
|
UM VEFTÍMARITIÐ
Veftímarit um þróunarmál er gefið út af Þróunarsamvinnustofnun Íslands. Ritinu er ætlað að glæða umræðu um þróunarmál og gefa áhugasömum kost á að fylgjast með því sem hæst ber hverju sinni. Efni veftímaritsins þarf ekki endilega að endurspegla stefnu ÞSSÍ.
Skráið ykkur í áskrift á heimasíðunni, www.iceida.is og látið vinsamlegast aðra með áhuga á þróunarmálum vita af tilvist veftímaritsins. Allar ábendingar um efni eru vel þegnar.
Þeir sem vilja senda okkur ábendingu um efni eða afskrá sig af netfangalista eru vinsamlegast beðnir um að senda slík erindi á netfangið iceida@iceida.is. Ritstjóri er Gunnar Salvarsson, gsal@iceida.is.
Við biðjumst velvirðingar á því að geta ekki notað íslenskar gæsalappír í viðtölum en bandarískt sniðmót Veftímaritsins leyfir ekki notkun þeirra.
Bestu kveðjur, Útgáfu- og kynningardeild ÞSSÍ | | ISSN 1670-810 |
|
|
|
