| Grein á bandarískum vef um þróunarmál:
Íslendingar glíma við niðurskurð í framlögum til þróunarmála
- samstarfsaðilar hrósa því hvernig staðið er að brotthvarfi frá Srí Lanka |
Fyrir þróunarsamvinnustofnun sem væntir hærri framlaga eru það tæpast góðar fréttir þegar ríkisstjórnin grátbænir Alþjóðagjaldeyrissjóðinn um neyðarlán. - Þannig hefst grein á þróunarmálavefnum Devex.com þar sem fjallað er um stöðu íslenskrar þróunarsamvinnu í ljósi efnahagsþrenginga á Íslandi.
Í greininni er rætt við Sighvat Björgvinsson framkvæmdastjóra Þróunarsamvinnustofnunar Íslands sem segir að ákveðið hafi verið að standa við alla gerða samninga og skuldbindingar en fresta öllum öðrum fyrirhuguðum verkefnum. Fram kemur í greininni að Sighvatur telur að Íslendingar muni hægt og bítandi að lokinni kreppu auka framlög til þróunarsamvinnu og þau verði komin í 0,35% af vergum þjóðartekjum árið 2014. Ætlunin var að ná því hlutfalli á þessu ári en framlagið verður aðeins 0,27% á árinu.
 Greinarhöfundur, Ryan Weddle, ræðir einnig við Amöndu Kissel fulltrúa samtakanna Sewalanka sem ICEIDA hefur starfað náið með á Srí Lanka. Hún segir Íslendinga skilja eftir sig stórt skarð í fiskimálum á Srí Lanka enda hafi fáar þróunarsamvinnustofnanir lagt sig eftir samstarfi á því sviði. Unnið sé að því að finna nýja veitendur þróunaraðstoðar á þeim 25 löndunarstöðvum sem Íslendingar hverfa frá í júní í sumar. Þá hrósar hún því hvernig staðið er að brotthvarfi ICEIDA frá Srí Lanka.
Greinin |
| Áhrif kreppunnar í þróunarlöndum:
Kolsvört spá Alþjóðabankans |
 Alþjóðabankinn hefur reynt að slá máli á afleiðingar fjármálakreppunnar á líf fólks í þróunarríkjunum og dregur upp svarta mynd í nýrri skýrslu. Að mati sérfræðinga bankans fjölgar í hópi þeirra sem búa við sárafátækt um 53 milljónir og árlega koma 200 til 400 þúsund börn til að látast árlega ef fram heldur sem horfir. Um fjörutíu þjóðir eru "mjög berskjaldaðar" gagnvart kreppunni.
"Á sama tíma og þjóðir heims eru uppteknar af því að bjarga eigin bönkum og grípa til viðbragðsaðgerða skulum við ekki gleyma því að fátækir í þróunarríkjunum eru miklu varnarlausri ef hagkerfið riðar," segir Robert B. Zoellick forseti Alþjóðabankans. Hann hefur hvatt iðnríkin til að setja til hliðar 0,7 prósent af fjármagni til aðgerða vegna kreppunnar í sérstakan sjóð "Vulnerability Fund" í þágu þróunarríkja.
Samkvæmt skýrslu Alþjóðabankans ógnar heimskreppan þúsaldarmarkmiðunum og líkurnar á því að takast megi að uppræta sárafátækt um helming minnka með degi hverjum.
Grein á heimasíðu Alþjóðabankans
How to Unlock the $1 Trillion that Developing Countries Urgently Need to Cope with the Crisis
Will the global financial crisis lead to lower foreign aid? A first look at United States ODA
|
| Samtök iðnaðarins í Danmörku birta skýrslu með tillögum í þróunarmálum Afríku |
Samtök iðnaðarins í Danmörku (DI), í samvinnu við fjölmörg afrísk samtök í atvinnulífi, hafa skilað skýrslu með tillögum um það hvernig hraða megi þróunarferli Afríku. Tillögurnar birtast í skýrslunni "A Better future for Africa: Recommendations from the private sector" og þar er lagt til að ríkisstjórnir og alþjóðlegir samstarfsaðilar þeirra leggi áherslu á fimm svið í afrísku efnahagslífi.
Skýrslan verður opinberlega lögð fram 7. maí næstkomandi í Kaupmannahöfn á ráðstefnu með þátttöku fulltrúa frá samtökum iðnaðarins í Danmörku, fulltrúum dönsku ríkisstjórnarinnar, fulltrúum ríkisstjórna frá Afríku og fulltrúum einkageirans í álfunni. Skýrslan er framlag DI til Afrískuráðið, Africa Communission (AC) sem Anders Fogh Rassmussen forsætisráðherra Dana setti á laggirnar í fyrra.
Skýrslan
|
| Engin skyndilausn á vannæringu og hungri |
 Um fimm milljónir barna undir fimm ára aldri deyja á hverju ári úr vannæringu í þróunarlöndum. Mannúðarsamtökin Læknar án landamæra gagnrýna að maturinn sem börn fá á vegum alþjóðlegrar matvælaaðstoðar sé kolvetnissnauður og komi ekki í staðinn fyrir fjölbreytt fæði sem myndi breyta ástandinu. Samtökin hvetja því ráðamenn til að auka fæðuöryggi og bæta gæði matvælagjafa til þeirra sem búa við sult.
Rúmlega tuttugu milljónir barna líða af alvarlegri vannæringu í þróunarlöndum. Helmingur þeirra 9.7 milljóna dauðsfalla ungra barna yngri en fimm ára má rekja til vannæringar samkvæmt tölum frá Alþjóðaheilbrigðismálastofnuninni (WHO). Að mati samtakanna Lækna án landamæra (MSF) er kostnaður við að fæða börn undir þriggja ára aldri í þróunarlöndum um 5 milljarðar dala.
| |
|
|
|
| Mhealth - farsímatækni í þágu heilsugæslu í þróunarríkjum |
|
 Hleypt hefur verið af stokkunum alþjóðlegu átaki með það fyrir augum að nýta farsímatæknina í heilsugæslu fyrir íbúa þróunarlanda. Mhealth kallast átakið. Að verkefninu standa þrjár stofnanir, the Rockefeller Foundation, the Vodafone Foundation og the United Nations Foundation. Tilkynnt var um Mhealth á alþjóðlegri farsímaráðstefnu, Mobile World Congress, sem haldin var á dögunum í Barcelóna. Þótt tölvutæknin sé óvíða langt komin í fátækustu ríkjum heims gegnir öðru máli um farsímatæknina. Hún hefur breiðst ófluga út á síðustu árum og því mikilvægt að nýta hana í þágu heilsugæslu. Farsímatæknin býr yfir ýmiss konar möguleikum sem nýtast í því skyni að bæta heilbrigði íbúa þróunarríkja. Nefna má t.d. SMS skilaboð um sjúkdóma eins og HIV/alnæmi og malaríu, skráningu ýmiss konar sem senda má frá vettvangi og ljósmyndun af sárum sem unnt er að senda með símanum til greiningar á sjúkdómi, svo fátt eitt sé talið. Í heiminum eru um fjórir milljarðar farsíma, þar af eru 2.2. milljarðar farsíma í þróunarlöndum. Hins vegar eru einkatölvur aðeins um 305 milljónir og.. takið eftir: sjúkrarúm í þróunarlöndum, aðeins 11 milljón talsins! Nánar
|
| Athyglisvert |
Rebalancing the World Economy: OECD Development Co-operation Report 2009
|
| Miklar vanefndir ríkra þjóða vegna loftslagsbreytinga |
 |
Mikið skortir á að ríkar þjóðir standi við fyrirheit um framlög til þróunarríkja til að styðja þau í baráttunni gegn loftslagsbreytingum. Samkvæmt frétt The Guardian í Bretlandi á dögunum hafa framlög til málaflokksins frá ríkum þjóðum til snauðra verið innan við 10% af því sem heitið var. Alls höfðu stærstu iðnríki heims, m.a. Þýskaland, Bretland, Japan og Bandaríkin, heitið samtals 18 milljarði dala á móti framlagi frá sérstökum loftslagssjóði Alþjóðabankans. Af þeirri upphæð hefur aðeins lítið brot skilað sér eða innan við einn milljarður dala. Frétt The Guardian
|
Ljóðahátíð í Níkaragva |
|
Ljóðlist er mjög í hávegum höfð í Nígaragva eins og margir vita. Orðsins list hefur skapað þjóðvitund og sameinað stéttir og ólíka menningarhópa. Í síðustu viku var fimmta alþjóðlega ljóðahátíðin haldin í hinni fornu og fallegu borg, Granada, þar sem skáld frá 54 löndum komu saman og fóru með ljóð, m.a. skáld frá Úganda og Írak, eins og BBC nefnir í frétt sinni. Á síðasta ári var íslensku skáldi boðið á hátíðina, Birgitta Jónsdóttur, en við höfum ekki spurnir af íslensku skáldi á hátíðinni að þessu sinni.
Nánar |
| Svaravert |
|
Í næstsíðasta veftímariti, frá því 11. febrúar síðastliðinn, er fjallað um grein Jakaya Kikwete forseta Tansaníu og Anders Fogh Rasmussen forsætisráðherra Danmerkur. Þar hvetja þeir til þess í opnu bréfi að beitt verði nýjum aðferðum í þróunarmálum Afríku til þess að Afríkuríki njóti hnattvæðingarinnar til fulls. Þeir segja að Afríka þurfi að verða efnhagslega samkeppnishæf eigi að vera unnt að draga úr fátækt og fjölga störfum með þvi að styðja einkageirann.
Ryan Weddle hjá Devex svarar grein þeirra Kikwete og Rasmussens með greininni:
| |
|
