| Verður óverulegur samdráttur í framlögum til þróunarmála? |
 Framlög til þróunarmála af opinberu fé námu alls 117,6 milljörðum dala árið 2007 en að mati sérfræðinga gætu framlögin dregist saman um þriðjung vegna efnahagskreppunnar í heiminum. IPS fréttaveitan veltir því fyriri sér í grein hvort "ríki heimurinn" viðhaldi framlögum til þróunarmála í framtíðinni í ljósi kreppunnar, á sama tíma og vandinn í þróunarríkjunum vex af hennar völdum.
Fram kemur í máli Martin Dahinden, framkvæmdastjóra svissnesku þróunarsamvinnustofnunarinnar (SDC) að ástæðulaust sé að gera of mikið úr þeirri hættu að verulega verði dregið saman í framlögum til þrónarmála. Hann nefnir að á ráðstefnunni í Doha í desember - the International Conference on Financing for Development (FfD) - sem haldin hafi verið eftir að kreppan skall á hafi helstu þjóðir sem veita þróunaraðstoð staðfest mikinn stuðning. Og hann bætir við að enn sem komið er hafi enginn samdráttur orðið.
Um framlög Svisslendinga segist Dahinden vera "mjög vongóður" en á síðasta ári nam framlag Sviss 0,37% af vergum þjóðartekjum. Svissneska þingið ákvað síðan í desember - eftir hrunið - að óska eftir því við ríkisstjórnina að koma fram með frumvarp í því skyni að auka framlög til þróunarmála upp í 0,5%.
Norðmenn veita hlutfallslega mestu fé til þróunarmála, 0,95% af þjóðartekjum, Svíar eru með 0,93%, Luxemborg 0,91% og bæði Danir og Hollendingar verja um 0.81% til málaflokksins. Íslendingar eru með um 0,3% og framlögin fara niður í 0,24% á þessu ári.
Nánar |
| Malavar búa enn við fæðuskort |
 Athuganir í Malaví leiða í ljós fjölgun tilvika þar sem fólk sveltur, þrátt fyrir yfirlýsingar ríkisstjórnarinnar um að nægur matur sé til að fæða þjóðina. Fréttastofan Voice of America fjallar í þremur greinum/útvarpserindum um Malaví og segir að undangengin þrjú ár hafi safnast upp umframbirgðir af helstu af maís, sem sé aðal nytjaplantan. Þessi góða uppskera hafi nýst nágrannaríkjum sem líða skort, s.s. Simbabve, Leshoto og Svasílandi. VOA segir að forsetinn, sem sé einnig landbúnaðarráðherra, hafi fengið mikið alþjóðlegt lof fyrir að tryggja fæðuöryggi í landinu. Hins vegar sýni nokkrar athuganir að í Malaví búi fólk enn við fæðuskort.
Í fréttinni segir að í nýlegri nærringarrannsókn hafi komið í ljós að um 30% af íbúm dreifbýlis í Malaví neyti innan við 2.200 kílókaloría á dag sem eru viðmið þess að halda heilsu. Ennfremur kemur fram að um helmingur barna í landinu fær ekki nóg að borða til að viðhalda eðlilegum líkamsvexti. Þriðjungur þessara barna er hættulega léttur.
Hinar greinarnar tvær fjalla um konur, annars vegar um samstöðu þeirra til að berjast gegn hungri og hins vegar vonir kvenna í Malaví um að jarðeignamisréttinu ljúki senn.
Nánar
|
| Ný stefna Norðmanna í þróunarmálum kynnt opinberlega |
Að mati umhverfis- og þróunarmálaráðherra Noregs, Erik Solheims, ógna loftslagsbreytingar og fjármálakreppan þeim árangri sem náðst hefur í baráttunni gegn fátækt. Hann flutti síðastliðinn föstudag stefnuræðu norsku ríkisstjórnarinnar í þróunarmálum og sagði við það tækifæri að nota þyrfti þróunarfé með skipulegri hætti til að auka virði framlaganna. Eins og fram kom í síðasta Veftímariti fyrir viku eru einkunnarorðin í nýrri norskri stefnu í þróunarmálum: klima, konflikt og kapital.
Nánar
Klima, konflikt og kapital - ný stefna norskra stjórnvalda í þróunarmálum
|
| Blind bjartsýni á einkarekna heilbrigðisþjónustu í þróunarríkjum |
Veitendur þróunaraðstoðar vilja sjá útþenslu í einkarekinni heilbrigðisþjónustu í þróunarríkjum en stuðningur við ríkisrekstur er miklu betri kostur, segir í nýrri skýrslu Oxfam, Blind bjartsýni - Blind Optimish. Skýrsluhöfundur segir að blómatímabil þeirra kenninga að markaðurinn eigi að ráða og ríkið sé slæmt sé liðið meðal þjóða í norðrinu en lifi hins vegar góðu lífi og sé stefnuráðandi heilræði til fátækra ríkja af hálfu veitenda þróunaraðstoðar.
Höfundur skýrslunnar hefur kannað sex helstu röksemdirnar fyrir því að auka stuðning við einkageirann í heilbrigðismálum þróunarríkja og kemst að þeirri niðurstöðu sem að ofan greinir.
Nánar
|
| Samnýting og samvinna í rekstri sendiráða |
|
Össur Skarphéðinsson utanríkisráðherra tók á dögunum fyrir hönd norrænna starfsbræðra sinna við skýrslu Thorvald Stoltenbergs, fyrrverandi utanríkis- og varnarmálaráðherra Noregs, um norrænt samstarf í utanríkis- og öryggismálum. Í skýrslunni er horft til næstu 10-15 ára og gerðar tillögur um nánara samstarf Norðurlandanna, m.a. varðandi friðaruppbyggingu og friðarumleitanir, loftrýmis- og landhelgisgæslu, öryggismál á Norðurslóðum, tölvuöryggi, samnýtingu og samvinnu í rekstri sendiráða og samvinnu á sviði varnarmála.
Norrænu utanríkisráðherrarnir fólu Stoltenberg í júní á síðasta ári að vinna óháða skýrslu um norræna samvinnu í utanríkis- og öryggismálum næstu 10-15 árin.
Skýrslan
| |
|
|
|
| Blómatími fiskeldis framundan? |
 |
Veiðar á villtum fiski eru á undanhaldi og því telja sérfræðingar að blómatími fiskeldis sé framundan. Af neyslu fiskmetis er eldisfiskur á borðum í tæplega helmingi tilvika. Því er spáð að framleiðsla á eldisfiski tvöfaldist á næstu tveimur áratugum. Að mati Jason Clay vísindamanns hjá Worldwide Fund for Nature (WWF) er fiskeldi framtíðin og hann telur að það verði stóriðnaður í þróunarríkjum, bæði mjög atvinnu- og tekjuskapandi atvinnugrein. Nánar á IPS |
| Gjaldþrot vatnsins yfirvofandi? |
 |
Tæpast líður sú vika að ekki birtast fyrirsagnir í fjölmiðlum af vatnsvandræðum. Nýverið hafa verið fréttir af þurrkum í Kenía, Argentíu og Kaliforníu og þátttakendur á nýlegum fundi World Economic Forum í Davos í Sviss heyrðu af yfirvofandi gjaldþroti vantsins. Fjallað er um málið í grein IPS fréttaveitunnar. |
| Museveni stokkar upp í ríkisstjórninni |
 |
Yoweri Museveni forseti Úganda stokkaði upp í ríkisstjórn sinni á dögunum og skipti út sjö ráðherrum. Breytingarnar komu mörgum á óvart, segir í fréttum. Meðal nýrra ráðherra er forsetafrúin, Janet Museveni, en eins og mörgum er enn í fersku minni komu þau hjónin hingað til lands síðastliðið haust.
Nánar
|
| Amnesty International hvetur til vopnahlés á Srí Lanka |
|
Átökin á Sri Lanka halda áfram. Aðstæður almennings á átakasvæðunum fara versnandi. Æ fleiri raddir krefjast þess nú að ríkisstjórn Sri Lanka og Tamílsku tígrarnir semji um vopnahlé. - Þannig hljóðar upphaf fréttar á heimasíðu Amnesty International en samtökin hafa hvatt stríðsaðila til að semja tafarlaust um tímabundið vopnahlé og gefa almenningi kost á að flýja átakasvæðin og hjálparstofnunum tækifæri til að koma mat, vatni og læknishjálp til þeirra borgara sem ekki geta flúið.
Samtökin krefjast þess einnig að stjórnvöld á Sri Lanka tryggi að fólk sem flýr átakasvæðin sæti ekki óeðlilegum höftum á ferðafrelsi og njóti öryggis.
Nánar |
| Börn í stríði í Úganda og Srí Lanka |
 |
Sameinuðu þjóðirnar hafa sakað Tamíltígra í Srí Lanka um að innrita börn, allt niður í fjórtán ára gömul, í hersveitir sínar gegn stjórnarhernum. Frelsisher drottins í Noður Úganda hefur ennig verið bendlaður við að ræna börnum og neyða þau í hermennsku eða þrælkun. Hér eru frásagnir um börn í stríði á Srí Lanka og í Úganda. |
| Á döfinni |
|
Baráttan gegn aðskilnaðarstefnu í Suður-Afríku: aðgerðir á Íslandi
Norræna húsið, laugardag 21. febrúar kl. 10:00-12:30
Norræna Afríkustofnunin í Uppsala hefur síðan 2003 unnið að því að taka saman gögn um þátttöku Norðurlandanna í frelsisbaráttu svarta meirihlutans í Suður-Afríku og afnámi aðskilnaðarstefnu (apartheid) þarlendra stjórnvalda. Afrakstur vinnunnar er skráður á heimasíðunni www.liberationafrica.se. Á Íslandi tók fólk þátt í þessari baráttu á mismunandi vettvangi. Hvaða lærdóm má draga af þeirri baráttu? Hvaða þýðingu hefur hún fyrir alþjóðlega samstöðu og hvað geta samtök sem í dag berjast fyrir afnámi misréttis og valdbeitningar lært af henni? --
Kyn, land og lífskjör á umbreytingatímum í Zimbabve
Háskólatorg 19. febrúar kl. 12:00-13:00
Annar fyrirlesturinn í hádegisfyrirlestraröð Rannsóknastofu í kvenna- og kynjafræðum. Magnfríður Júlíusdóttir, lektor í mannvistarlandfræði við Háskóla Íslands, fjallar um baráttu kvenna í Zimbabve fyrir öruggu aðgengi að landbúnaðarlandi.. Í erindi sínu rekur hún orðræðu og átakafleti í þeirri baráttu og segir frá niðurstöðum rannsóknar á aðgengi mismunandi hópa kvenna að landi. Dregin verða fram helstu sjónarhorn í fræðilegri umræðu um kyn, landréttindi og fæðuöryggi í Afríku.
| |
|
