| NORAD: Þörf á einfaldara skipulagi þróunarsamvinnu |
Skipulag þróunarsamvinnu er "óhemju flókið" og veldur mestu um að aðstoðin nýtist ekki nógu vel, að mati NORAD, sem hefur eftirlitshlutverk með þróunarsamvinnu Noregs. Á dögunum var birt árangursskýrsla - resultatrapport - fyrir norska þróunarsamvinnu undir heitinu: Veivalg i bistanden: Ingen snarveier til rsultater.
Skýrslan var kynnt af Poul Engberg-Pedersen framkvæmdastjóra NORAD í Konserthúsinu í Osló. Í fyrra kom út sambærileg árangursskýrsla sem bar yfirskriftina: Bistanden virker - men ikki godt nok.
Að mati NORAD er nauðsynlegt að einfalda skipulag þróunarsamvinnu til að bæta árangur.
Frétt Bistandsaktuelt
Frétt NORAD ásamt krækjum á skýrsluna sjálfa og Power Point kynningu Poul Engberg-Pedersen |
| Doha samþykktin: Brýnt að standa við skuldbindingar |
 Fjögurra daga ráðstefnu um fjármögnun þróunarsamvinnu í Doha í Katar lauk með yfirlýsingu um nauðsyn þess að þjóðir heims standi við skuldbindingar um aðstoð við fátækar þjóðir þrátt fyrir niðursveifluna í hakerfum. Jafnframt var skorað á Sameinuðu þjóðirnar að hlutast til um alþjóðlegan fund um efnahagskreppuna og áhrif hennar á þróunarmál.
Lokaskjalið - Doha Declaration - staðfesti Monterray samþykktina frá 2002 sem markaði tímamót um fjármögnun þróunar. Með henni skuldbundu þróunarríki sig til að vinna að efnahagslegum og félagslegum umbótum, að bæta stjórnarfar og viðhalda lögum og reglum. Á móti hétu iðnríkin að því að auka framlög til þróunarsamvinnu, vinna frekar að opnu og sanngjörnu aljþjóðaviðskipta- og fjármálakerfi og draga úr skuldabyrði fátækra landa.
Doha samþykktin staðfesti sérstaklega skuldbindingu iðnríkjanna um að verja 0,7% af vergum þjóðartekjum til þróunarmála þrátt fyrir fjármálakreppuna.
Fulltrúar 160 þjóða sóttu ráðstefnuna í Katar.
Samkvæmt fréttum virðast margir telja að lítill árangur hafi náðst á ráðstefnunni eins og nokkrar eftirfarandi tilvísanir sýna.
Frétt frá SÞ
|
| Þúsaldarmarkmið um grunnskólamenntun næst ekki, segir SÞ |
 Eitt af hverjum átta börnum í þróunarríkjunum fær enga grunnskólamenntun, samkvæmt nýrri skýrslu Sameinuðu þjóðanna. Af þeim 75 milljónum barna í þróunarríkjunum sem fara á mis við grunnskólamenntun eru stúlkur í meirihluta, um 55%.
Skýrslu UNESCO staðfestir að þúsaldarmarkmiðið um grunnskólamenntun fyrir öll börn fyrir árið 2015 næst ekki að óbreyttu. Spár til 2015 sýna að 29 milljónir barna að minnsta kosti verði það ár án grunnskólamenntunar.
Fram kemur í skýrslunni að þriðjungur allra barna sem eru án grunnskólamenntunnar í heiminum búa í sunnanverðri Afríku. Tekið er fram að þó hafi mikill árangur náðst í löndunum eins og Tansaníu og Eþíópíu.
|
| HIV-prófun og meðferð bjargar lífi nýfæddra barna |
Því fyrr sem nýfædd börn greinast og fá meðferð við HIV/alnæmi því meiri lífslíkur eiga þau, samkvæmt nýrri skýrslu fjögurra hjálparstofnana Sameinuðu þjóðanna sem kynnt var 1. desember.
Í frétt um skýrsluna á vef Barnahjálpar SÞ á Íslandi segir:
Skýrslan, sem ber heitið Children and AIDS: Third stocktaking report, er sameiginlegt verkefni UNICEF, Alþjóðaheilbrigðisstofnunarinnar (WHO), sameiginlegrar áætlunar S.þ. gegn alnæmi (UNAIDS) og Mannfjöldasjóðs S.þ. (UNFPA).
"Án viðeigandi meðferðar mun helmingur smitaðra barna deyja af völdum sjúkdóma, sem tengja má við alnæmi, fyrir tveggja ára aldur," sagði Ann M. Veneman, framkvæmdastjóri UNICEF. "Lífslíkur eru allt að 75% hærri hjá HIV jákvæðum nýburum sem fá greiningu og hefja meðferð á fyrstu 12 vikum lífs síns."
Nánar | |
|
|
|
| Samkeppni um bestu blaðagreinina |
 |
Breska dagblaðið The Guardian í samvinnu við bresku þróunarsamvinnustofnunina DFID og fleiri samtök sem láta sig þróunarmál varða hefur hrint af stokkunum samkeppni meðal blaðamanna um greinaskrif sem tengjast þróunarmálum og sérstaklega þúsaldarmarkmiðunum. Nöfn sextán þátttakenda í úrslitum hafa verið birt og lesa má greinar þeirra á vef Guardian. Nú bíður þeirra nýtt verkefni: þeim verður "úthlutað" landi og verkefni í Afríku eða Asíu, taka sér ferð á hendur og skrifa ítarlega blaðagrein byggða á rannsóknum og samtölum um viðfangsefnið.
Meðal greina sem birtar eru á vef Guardian er ein sem fjallar um hreyfihamlaða í Úganda, barnahermenn í Kongó, engar fóstureyðingar í Níkaragva og baráttan gegn HIV í Gana, svo fátt eitt sé nefnt.
|
| Þungur róður kvenframbjóðenda í Malaví |
 |
Kvenframbjóðendur sem bjóða sig fram til þings í Malaví - kosningarnar verða í maí á næsta ári - eiga ekki sjö dagana sæla en um framboðsraunir þeirra fjallar IRIN fréttaveitan í athyglisverðri grein. Þar kemur fram að konurnar sæti oft pústrum, níðsöngvar eru samdir um þær, kynningarborðar þeirra eru eyðilagðir og fyrir kemur að þær eru grýttar, að því er segir í fréttinni um nokkrar af þeim aðferðum sem beitt er í því skyni að letja konur til þátttöku í stjórnmálum.
|
| Aðeins þrír borgarstjórar kvenkyns |
|
Vondar fréttir fyrir konur, segir IRIN fréttaveitan, og vísar til þess að átta konur sem buðu sig fram til borgarstjóra í sveitastjórnarkosningum í Mósambík í síðasta mánuði hafi aðeins þrjár náð kjöri. Alls voru 114 í framboði til borgarstjóra í 43 sveitarfélögum. Konurnar þrjár koma allar úr Frelimo stjórnmálaflokknum sem fer með völdin í landinu.
Frétt IPS |
| María og Jósef hafa eignast barn |
 |
Þau heita María og Jósef og hafa nýlega eignast barn. Nýju foreldrarnir búa í Malaví og þau eru kvíðin, bæði hafa greinst með HIV og þau vita ekki hvort nýfætt stúlkubarnið hefur smitast af HIV veirunni. BBC segir frá. |
| Á döfinni |
 |
Hátíðartónleikar í Listasafni Reykjavíkur á alþjóðlega mannréttindadaginn 10. desember. Einnig vert að vekja athygli á Amnesty bíó á morgun, 4. desember. Tvær stutar myndir verða sýndar í tilefni af 16 daga átaki gegn kynbundnu ofbeldi.
Hitt húsið Austurstræti 4 kl. 17-19.
| |
|
