| Þúsaldarmarkmiðin:
Nýjar skuldbindingar upp á sextán milljarða dala |
 Ríkisstjórnir, stofnanir, frjáls félagasamtök og einkafyrirtæki tilkynntu um mikilsverðar nýjar skuldbindingar í því skyni að uppfylla Þúsaldarmarkmiðin fyrir árið 2015 á sérstöku þingi sem haldið var í New York í síðustu viku. Meðal nýrra skuldbindinga má nefna 4.5 milljarða dala framlag til menntunar og 3 milljarða dala framlag til varnar malaríu. Alls eru nýjar skuldbindingar metnar á 16 milljarða dala.
Í greinargerð/fréttatilkynningu SÞ eru tíunduð ný framlög til allra átta Þúsaldarmarkmiðanna. |
| Þróunarverkefni í eyríkjum |
 Íslensk stjórnvöld hafa komið á sjóði sem styðja á við þróunarverkefni í litlum eyríkjum víða um heim. Sjóðurinn fær á næstu þremur árum jafnvirði um 420 milljóna króna. Geir H. Haarde, forsætisráðherra, kynnti verkefnið á fréttamannafundi í höfuðstöðvum Sameinuðu þjóðanna í New York í síðustu viku.
Forsætisráðherra hélt ræðu á allsherjarþingi SÞ á föstudag og staðfesti þar ásetning íslenskra stjórnvalda þess efnis að Ísland stefndi að því að verða í hópi þeirra ríkja sem mest legðu fram til þróunarsamvinnu. Geir sagði ennfremur að Ísland ætlaði að efla enn frekar þróunarsamvinnu enda væri baráttan gegn fátækt í heiminum stærsta verkefnið sem mannkynið stæði frammi fyrir. Þá sagði forsætisráðherra sagði að Ísland hefði margt fram að færa í öryggisráði Sameinuðu þjóðanna.
Ræða Geirs á ensku
|
| Actavis boðið til Úganda
Í framhaldi af Íslandsheimsókn Museveni forseta Úganda á dögunum segja fjölmiðlar í Úganda frá því að forsetinn hafi boðið íslenskum vísindamönnum til Úganda til sameiginlegrar stofnunar á fyrirtæki til lyfjaframleiðslu. Ennfremur bauð Museveni vísindamönnum að koma og gera rannsóknir á vektorum og útrýmingu moskítólirfa.
Samkvæmt yfirlýsingu frá forsetaskrifsstofunni átti Museveni í viðræðum við Eddu Eggertsdóttur, aðstoðarforstjóra lyfjafyrirtækisins Actavis, og bauð henni að kanna sameiginlega fjárfestingakosti með lyfjafyrirtækinu Quality Chemicals um framleiðslu á malaríulyfjum.
Í yfirlýsingunni er stuttlega sagt frá heimsókn forsetans til Íslands og samstarfsverkefnum landanna gegnum Þróunarsamvinnustofnun, ICEIDA.
|
| Hvað verður um þróunarfé? |
 Þrettán stofnanir sem starfa að þróunarmálum, m.a. breska þróunarsamvinnustfonunin DFID og Alþjóðabankinn, hafa hrundið af stokkunum upplýsingakerfi til að unnt sé að fylgjast betur en áður með fjárstreymi til þróunarmála. Gegnsæi og upplýsingagjöf í þessum málum er að mörgum talið lykilatriði til að ná árangri í þróunarsamvinnu. Kerfið kallast International Aid Transparency Initiative (IATI) og leysir væntanlega af hólmi fimmtíu ólík kerfi sem notuð hafa verið í þessu skyni.
Frjáls félagasamtök hafa einnig ákveðið að þróa svipað upplýsingakerfi og tilkynntu um þá ákvörðun á Accra fundinum í byrjun mánaðarins. Það kerfi kallast Publish What You Fund (PWYF) og þess er vænst að frjáls félagasamtök taki þátt í þessu verkefni og bæti upplýsingagjöf um þróunarfé.
Í frétt IRIN fréttaveitunnar þar sem fjallað er um þessi mál kemur m.a. fram að stjórnvöld í Úganda hafi aðeins haft upplýsingar um helming þeirra þróunarverkefna sem unnið var að í landinu á árinu 2006.
Grein IRIN fréttaveitunnar |
| Viðskiptajöfrar sjá tækifæri í baráttunni gegn fátækt |
Þótt leiðtogafundurinn í New York hafi verið haldinn í skugga niðursveiflunnar í alþjóða hagkerfinu sjá sumir viðskiptajöfrar tækifæri til að leggjast á árarnar með Sameinuðu þjóðunum í baráttunni gegn fátækt. Los Angels Times segir frá tveimur forstjórum stjórfyrirtækja sem hafa ákveðið að fjárfesta í fyrirtækjum í Afríku í því skyni að milda erfiðleika fátækra ríkja með því að stuðla að aukinni matvælaframleiðslu.
Annars vegar er um að ræða Thorleif Enger forstjóra norska fyrirtækisins Yara International sem framleiðir áburð, og hins vegar Michiael Landau sem rekur fjármálaþjónustu í New York. Enger ætlar að reisa áburðarverksmiðjur í Tansaníu og Mósambík og Landau ætlar að þróa rafræn bandaviðskipti gegnum farsíma í þágu bænda í Úganda.
Á sjöunda tug fyrirtækja hafa skrifað undir skuldbindingar um fjárfestingar í fátækum ríkjum til stuðnings Þúsaldarmarkmiðunum, þeira á meðal Coca-Cola, DuPont, Vodafone, Sumitomo Chemical og Microsoft.
Frétt LA Times | |
|
|
|
| Dauði í fæðingu |
 |
|
Umfjöllun um konur sem deyja af barnsförum er fyrirferðarmikil þessa dagana í fjölmiðlum sem láta sig þróunarmál varða en fyrr í mánuðinum kom út skýrsla Barnahjálpar Sameinuðu þjóðanna um þessi mál: Progress for Children - A report Card for Maternal Morality.
Tímaritið Time, þýska þróunarmálatímaritið D+C og The Observer í Bretlandi hafa nýlega birt greinaflokka um þennan "falda faraldur" en talið er að hálf milljón kvenna deyi af barnsförum árlega, þ.e. ein kona á hverri mínútu alla daga ársins. Og það þarf vart að taka fram að þorri þessara kvenna býr í þróunarlöndunum, eða 99%.
Tími til aðgerða, segir í leiðara D+C. Þar bendir ritstjórinn á að eitt af þúsaldarmarkmiðunum sé að fækka þessum dauðsföllum um þrjá fjórðu fyrir árið 2015 en þrátt fyrir þessa skuldbindingu hafi konum sem deyja af barnsförum fjölgað í nokkrum löndum. Malaví sé eitt þeirra landa.
|
| Sérútgáfa um Accra fundinn |
Fréttabréf DAC - þróunarsamvinnunefndar OECD - er helgað toppfundinum í Accra á í byrjun septembermánaðar þar sem ráðherrar og forystufólk í þróunarmálum fór yfir Parísaryfirlýsinguna um árangur. Í fréttabréfinu er fjallað um tilurð fundarins, mikilsverðar ákvarðanir og samninga sem þar voru gerðir.
Fréttabréf DAC
|
| Átak í skráningu nýbura í Namibíu |
Talið er að um 40% namibískra barna eigi ekki fæðingarvottorð en án þess að hafa slíkan pappír upp á vasann fá viðkomandi einstaklingar ekki greiddar bætur úr sjóðum almannatrygginga. Hundruð þúsunda einstaklinga hafa lent í þeim aðstæðum vegna skorts á fæðingarvottorðum og nú hefur ríkisstjórn Namibíu ákveðið að gera átak um skráningu nýbura á öllum stærstu sjúkrahúsum landsins. Hingað til hafa mæður nýfæddra barna þurft að leggja á sig að bíða í löngum biðröðum við innnanríkisráðuneytið í Windhoek eftir fæðingarvottorðum en nú á að bæta þjónustuna. Jafnréttis- og velferðarráðuneyti barna hefur aukið framlög til munaðarlausra barna og annarra sem búa við skort. Frétt IRIN |
| Museveni og íslenskur landbúnaður |
 |
|
Gunnar Þórðarson verkefnisstjóri ÞSSÍ í Úganda í fiskimálum er virkur bloggari og lætur sér fátt óviðkomandi í þjóðmálaumræðunni. Hann lofaði ræðu Museveni, forseta Úganda á allsherjarþingi SÞ á dögunum, og gerði íslenskan og úgandískan landbúnað að umræðuefni.
Gunnar skrifar: "Ég las ræðu Museveni´s forseta Úganda sem hann hélt á allsherjarþingi Sameiniðuþjóðanna í vikunni. Hreint frábær ræða og vekur mann til umhugsunar sem viðhorf vesturlandabúa til Afríku. Hann skammar þróuð ríkin fyrir tollvernd gegn innflutningi landbúnaðarvara og niðurgreiðslur vesturlanda til landbúnaðarframleiðslu. Forsetinn segir að vandamálið sé ekki framleiðslan í Úganda, heldur markaðshindranir og áður nefndar niðurgreiðslur í þróuðum ríkjum sem bændur hér í landi geti ekki keppt við.
Úganda er sérlega gróðursælt ríki og hægt að vera með þrjár uppskerur á ári. Umframframleiðsla hefur verið töluverð, sérstaklega í mjólkurvörum og ávöxtum. Á tímum matarskorts hafa bændur hér í landi þurft að fleygja óseldum matvælum."
| |
|
