|
Velkomin til //Afríku!"
Ágætu áskrifendur, þetta er annað tölublað af nýja veftímaritinu.
Ég þakka hvatningu og góðar kveðjur. Í þessari sendingu birti ég
dagbókarbrot frá febrúar og bendi á nokkrar greinar sem þið gætuð haft áhuga á.
Með bestu kveðjum frá Namibíu þar sem regntímanum
linnir senn og haustar að!
Kveðja, Stefán Jón.
|
Dagbækur frá Afríku: Febrúar 2008  Á billanum. Þessi unga snót handleikur kjuðann af fimi á
Soweto markaðnum í Katatura í Windhoek.
Þegar ég yfirgaf Malaví eftir stutta ferð voru 70
þúsund manns á flótta undan flóðum Zambesi árinnar; við ósa hennar í
Mózambik höfðu hundruð þúsunda verið á vergangi vikum saman; ég fór
beint norður í Namibíu og þar var allt á floti. Nú er regntíminn í
suðurhluta Afríku. Simbabve og Zambía á kafi í vatni vikum saman og það
vatn rennur til sjávar í Indlandshafið með tilheyrandi látum. Norður í
Namibíu hafði ekki komið dropi úr lofti frá því að ,,regntíminn" hófst
í nóvember /desember, og allt að farast úr þurrki. Síðan datt á
steypiregn í fjóra sólarhringa samfleytt og skepnur og hús flutu upp,
vegir í sundur og rafmagn af; fólk man ekki annað eins. Ekki nóg með
það: Rétt norðan við landamærin, í Angólu, voru miklar rigningar og þær
skiluðu sér með ám inn í norðurhluta Namibíu og bættu gráu ofan á
svart.
|
Númer eitt eða 125
Þessi börn eiga í vændum að lifa helminginn af meðalævi Íslendings.
Fögnuður
Íslendinga yfir því að vera komnir í fyrsta sæti á lífsgæðakvarða
Sameinuðu þjóðanna er skiljanlegur. Ég bý nú í landi sem er í 125. sæti
og munurinn þar á milli er mikill. Til að byrja með nægir að nefna
meðalævilíkur: Namibíumenn verða að meðaltali fertugir, Íslendingar
slaga hátt upp í að lifa næstum tvöfalt lengur. Og sú langa ævi er að
meðaltali miklu meira en tvöfalt betri. Af því að hlutabréfamarkaðurinn
er að falla, krónan að gefa eftir og þorskurinn líka er ágætt fyrir
okkur Íslendinga að gæta að því hvaða verkefni blasa við í landi númer
125 og bera saman við okkar hag. Skoðum nokkur ,,Þúsaldarmarkmið"
Sameinuðu þjóðanna og stöðu landsins sem um ræðir:
|
Hádegisverðarfundur með hjarðmönnum
Við sátum hádegisverðarfund um vatnsból og beitarmál en fyrst var elduð geit, myndbandið er hér.
|
